|
انا مدمنة .. ساعدوني
هل من مساعدة
صراحة انا مدمنة افلام رعب بالدرجة الاولى .. و المشكل انني اخاف كثيرا و تنتابني كوابيس في الليل و مع ذلك اتفرجها و الادهى و الأمر انه عندما ينتهي الفلم تجدني اتحسس البيت و كل مكان انظر ورائي و تحت السرير و في الحمام و المطبخ و أجد صعوبة كبيرة في النوم هل من حل يا اصدقاء محبتي لكم |
رد: انا مدمنة .. ساعدوني
اقتباس:
حتى أخوك هذا مدمن افلام رعب أو جرائم ههههههه و لكن لا اعاني مطلقا من الخوف بعد مشاهدة الفلم ، و ذلك لأني أتفرج للمتعة فقط ، لأني أحب المفاجآت:15: لذا وجب أن لا تتعلقي كثيرا بمدى واقعية مثل هذه الأفلام ، هي مجرد قصص و أحداث مبالغ فيها في أغلب الاحيان ، لكنها تبقى ممتعة هههه المهم لا تتخيلي كثيرا ، و إن كان ينتابك خوف شديد و شعور "روحاني" - اشعر أني مشعوذ ههههه - ، ما عليك إلا أن تقرئي بعض السور من الذكر الحكيم (القرآن) ، و تنامي قريرة العين ، مرتاحة النفس المهم كاش مكان فيلم زين نتاع خلعة تفرجتيه أبعثيلي اسمو :8: |
رد: انا مدمنة .. ساعدوني
خاطيك الافلام يا بت
اقراي القرأن وأستغفري واش نقلك انا لو كان ما نتفرجش الخلعة والرعب يسماطلي كلش نحس حاجة ناقصتني وعلى فكرة الناس يقولولي فيلمات ما يخوفوش كيفك الله يرحم القلب لي كان عندي وعلى فكرة لبارح تفرجت فيلم هايل واش نقلك روووووعة برغم القتل والتعذيب والسجن وغرف مظلمة وتطاير الاشلاء والجلد توووووووووب |
رد: انا مدمنة .. ساعدوني
:19::19: يا أخي منير7 و يا صوفي و يا حتى دمعة حزين واش من متعه راكم حاسين مع أفلام الرعب أستغفر الله العظيم يا بنتي قاطعي ال tv نهائي لو كان جيتي أختي صح نحذف قنوات الأفلام هذه عنك و نزيد نربطك في رجلي حتى تنسيهم خلاص هههههه |
رد: انا مدمنة .. ساعدوني
اقتباس:
أنا أتابعهم في الأنترنت لأني لا أشاهد التلفاز إطلاقا المتعة في أفلام الرعب أنها تقوي القلوب و تخصب الفكر و تنفس عن ما حقن داخلك ، و أروع ما فيها الافكار الخيالية و الطرق الواسعة لتنفيذ الأمور ، و الاحداث غير المتوقعة ههههههه المهم هي متعة بسيطة بالنسبة لي لا اتأثر بها إطلاقا و لا تؤثر على حياتي ابدا ، لأني أعتبرها وليدة الخيال حتى و إن كانت بعض القصص حقيقية ، فتظل مجرد قصص لا يوجد احتمال لحدوثها في واقعي مهما كانت. |
رد: انا مدمنة .. ساعدوني
انا ما تشوفيش ليا منمنتي
انا ندير بيهم تجارب لافادة طبعا هههههههه الله غالب نحبهم ^^ |
رد: انا مدمنة .. ساعدوني
هههههههههههههههههههههههههههه منير 7 مفهوم و لكن إنت يا صوفي لا واش من تجارب الديري بيهم مثلا باش الواحد ياخذ حذروا على الأقل |
رد: انا مدمنة .. ساعدوني
ههههه والله فيه طرق بزاف تعذيبات نفسية جسدية
(تطياح المورال) نقصد وصدقيني لفيلمات هذو يخلوك قوية وما تتأثريش تم تم في بالي (نضال نندب على فلسطين وووووو) مي في الواقع صح الواحد في هذا الوقت رجع يحب القسوة والدبوز امالا الرعب فيه فايدة |
رد: انا مدمنة .. ساعدوني
ايييييه يا أفلام الرعب ... و الله كنت اعشقها و كل أفلام الفريد هيتشكوك شفتها ... و عادي و الله ما تخوفني... اتذكر كنت نتابع مسلسل اسمه vendredi 13 و كان والدي ربي يخليه ليا يزعف عليا ...
بعد الزواج وجدت زوجي يحب أفلام الاكشن و الرياضة ... و مرة شافني نشوف في فلم رعب ... انخلــــــع :19::19:... قالي اول مرة نشوف امراة تشوف فلم رعب ... و بدا في انتقادي حتى كرهني فيهم ... و مع دخول النت اصلا نسيت كيفاه يشعل التلفزيون :8: و سبحان الله ابنتي خرجت كيما انا تمووووووت على أفلام الرعب ... لكنها عكسي تخاف و تْبات تهترف... طبعا انا احاول ان أقنعها لتقلع عن مشاهدتها ... مرة كنت نشوف في saw... و شافني زوجي .... قالي راني نشوف فيك هذاك العجوز المجنون اللي يقتل ... قمة الاحباط :10: ام نفيسة حذااااري ان تشاهدي هاته الافلام امام ندى !!!!! |
رد: انا مدمنة .. ساعدوني
لو تكلمت أنا سيهرب الجميع
دمعة عندما تخافين من فلم لا تنامي مباشرة رجعي أم بي سي 3 وتفرجي سبونج بوب راهو يلعب في الليل نفع الامر مع اختي فانا اجبرها عاى مشاهدة افلام الرعب خصوص بارانورمال باجزائه والتي تحدثت عن saw لم يعجبني الجزء الاخير ممل جدا |
رد: انا مدمنة .. ساعدوني
اقتباس:
أخيرا وجدت شبيهي صراحة انا اقرا في بداية الفلم انها قصة واقعية لذلك تنتابني كوابيس و هواجس مخيفة:10: سأراسلك بكل الأفلام التي تفرجت عليها هي كثيرة جدااا و مخيفة اكثر منها متحف الشمع لا اعلم ان كنت قد رأيته من قبل و هناك فلم تشاكي خخخخخخ رغغم انه لا يخيف كثيرا الا ان تلك الدمية شكلها مخيف:8: سررت بتواجدك ها هنا محبتي و الإحترام |
رد: انا مدمنة .. ساعدوني
اقتباس:
وتشاكي الجزء 3 فوووووووور سيؤتوا بنهم اللي ساعة بوبي ساعة بوبية |
رد: انا مدمنة .. ساعدوني
اقتباس:
هههه أواااااااه انا خوفني بزاف و بايتة مع الكوابيس انت شجاعة يا وردة المشكل ان قلبي ضعيف و هاكداك و نشوفهم و الله تبقى حاير:8: |
رد: انا مدمنة .. ساعدوني
هي ساهلة
كاين لذة في الخوف علابيها ديما نرجعوا لافلام الرعب يااااااه كون تزيدي للصوت تاع التيفي تحلا الفرجة كاين فيلم ماشي يخوف بصح اللقطات تاعو تخلع ماشي متوقعة منين يجي "الوحش" نسيت اسموا بصح ثاني بالاجزاء واحد المخلوق ياكل العباد باه يبني جسموا في الجزء الاول سلط على شاب يحوس يدي عينيه على خاطر زروقة كيما تاع أمونة أرقام هذاك فيلم صح وكاين فيلم عنوانوا سايلنت هال هذاك عيفني اكثر ما ارعبني بصح كي يعاودوه نعاود نتفرجلوا علاه درتي الموضوع منين نشوفوا رايحة نتفكر افلام الرعب |
رد: انا مدمنة .. ساعدوني
انا نقترح عليك كل ناتخلصي تفراج تقراي شوية قران
الا بذكر الله تطمئن القلوب وانشاء الله يتنحالك الرعب مجرد فكرة |
رد: انا مدمنة .. ساعدوني
أنت مدمنة أفلام الرعب و أنا مدمنة المباريات ( نتفرج حتى البطولة الكرواتية -_- ) أختي اقترح عليكي أن تقولي لأمكـ ان لا تدعك تشاهدينها اي عندما تراكي تطفىء التلفاز فعندما يجبرك احد على عدم مشاهدتها لا تشاهديها و بالوقت تكرهينها و إشغلي نفسك بأشياء أخرى ووفقكـ الله |
رد: انا مدمنة .. ساعدوني
هههههه ديري كيما انا نتفرج وكي تجي لقطة مخيفة بزاف
نغمض عينيا :20: خوافة ونتفرج وكيماقالت وردة كي تكملي شوفي حاجة ضحك هكذا ديري توازن في مخك |
رد: انا مدمنة .. ساعدوني
.
. . افضل طريقة للتغلب على الخوف ... انك تروحي للمقبرة في الليل و تكون ليلة مقمرة ... و تقعدي وحد الساعة ولا ... ضربة بضربة تنحيلك الخوف ... . . . و اذا بعيدة عليكـ ... اعملي نفس الجو في الدار ... اطفي الضو و غمضي عينيك و تخيلي روحكـ ... يطلع عند الادرينالين مباعد خلاص ترتاحي ... ادي معاك امون راهي شوجاعة ... . . . =============== . . . قالك سيد خواف فات على جبانة يمشي و يتلفت ... شاف واحد ولا يزرب في المشي هو يزرب و لاخر يلحق فيه ... مباعد قالو: اسمحلي خفت منك ... انا خواف بزاف ... رد عليه: . . . . . . . . . . . . . . . . ان ثان كي كنت حي كنت خواف ... . . . |
رد: انا مدمنة .. ساعدوني
اقتباس:
فكرتيني في الباسي كانت في كارطينا مقبرة واذا غفل الوالدان الريح لرجلينا وملي ندخلوا واحنا نخوفو في بعضانا حتى نخرجوا ربي يسامحنا كنا صغار وما نعرفوش |
رد: انا مدمنة .. ساعدوني
اقتباس:
( بصدق و الله نهار تروح أختي للجامعه و تخليني وحدي تبرد عليا الغرفه و ما نطفيش الضوء حتى نحس إنو خلاص راح نرقد و ما بقات فيا حتى طاقه لمغالبة النعاس ) |
رد: انا مدمنة .. ساعدوني
سبحان الله حتى الذي اخترع التلفاز حذر منه
وزيد اللتفاز الكثير مم يشاهد حرام وافلام الرعب هذه تزرع الخوف وحتى يبتعد الانسان لابد له من التسلح بذكر الله نصيحة لوجه الله اتركوا التلفاز وخاصة البرامج التي لاتفيد لا اقول اتركوا التفاز حتى البرامج المفيدة لا هذا شيء عادي لكن افلام الرعب صدقيني حياتي كامل لم اشاهد واحد |
رد: انا مدمنة .. ساعدوني
تفرجي موراهم حاجة كوميدي تنسايهم والا دوريها أفلام هندية ولا نقولك حاجة خطيك كامل من هاذو الصوالح تفرجي حاجة تع فايدة وهني راسك
|
رد: انا مدمنة .. ساعدوني
اظن ان بك مس من الجن لان من علامات المس ان يحب الممسوس الاماكن المرعبة كالمقابر و المزابل حشاكم الله لست هنا بمشعود لكن هدا مدكور في كتب الرقية و ان لم يكن بك مس فداك شيطان رجيم يدفعك الى مشاهدة هده الافلام ثم يوسوس لك ويخيفك مثلك كمثل من يشاهد الافلام الماجنة ثم يوسوس له الشيطان الرجيم و يقوده الى الحرام نصحتي لكم هو مقاطعة جميع هده القنوات التلفزيونية و مشاهدة فقط الجزائرية خاصة قنوات الشروق tv
|
| الساعة الآن 08:32 PM. |
Powered by vBulletin
قوانين المنتدى