|
الشعب يريد الخروج في مظاهرة للمطالبة.....
السلام عليكم
والله اعتدت القهر في كل الاماكن اساتدة الجامعة وقلنا ماعليهش البيسطون في الخدمة وقلنا معليهش التكوفير في العيادات العامة والفنا بيها لكن الى هنا وخلاص غلبنا فهل تتصوروا انا يستفيق احدهم ويستعدللخروج على الساعة 4 صباحا ليس لاجل العمل ولا لاجل صلاة الصبح ولا حتى السفر لمكان بعيد تصوروا لمادا.......................... لاجل التكوفير(الانتظار المظني ) لاخد مكان عند طبيب نساء او طبيب عظام او......... والله شيئ مقهر بدراهمك(لي ماعندهم حتى قيمة) و يقهروك والطبيب حتى 9 او 10 وين يجي(عندوا الحق حر في ملكوا) لمادا نحن شعب يحب الدل لمادا نحن شعب يرضى بالاقل فعندما طلقنا العيادات العامة و حسبنا ان الوصول للعيادات الخاصة امر مريح حتى ولو كان مكلف لا باس رضينا المهم ان تشعر بوجودك وانت في مكان اخترته ولم يخترك تجد نفسك تعامل بنفس الطريقة المهينة ان تبقى تنتظر وتنتظر حتى ولو كانت حالتك مستعجلة الممرضة تخبرك ان تسنى دالتك او ان تستعطف الموجودين للسماح لك بالدخول اتعلمون المشكل فينا نحن اعتدنا كل انواع القهر بدون ان نحرك ساكنا لدلك يجب ان نخرج للمظاهرة لنطالب الرئيس باستقدام اطباء شنااااااااااااااااااااااااوة هكدا مثل اي قطاع جرب الشناوة لازم قطاع الصحة يجربوا تاني تلقاهم يخدموا 24/24 ومواظبين وخدمنهم سريعة وغير مضمونة المهم يخلصوا ............... ونجربوهم بلاك يخرجوا علينا واش رايكم والله كتبته من اجل القهر وفقط القهر من احوال بلادي ام رائد |
رد: الشعب يريد الخروج في مظاهرة للمطالبة.....
خلاص واحد ما حب يخرج معايا للمطالبة باطبا ء شناوة
والله نخرج وحدي :18::18:الشعب يريد الاطباء شناوة :18::18: :18::18:الشعب يريد على الاقل الجينيكولوق شناوة :18::18: :4::4:كرهنا من التكوفير وازمة الانتظار:4::4: |
رد: الشعب يريد الخروج في مظاهرة للمطالبة.....
و الله يا أختي أم رائد معك حق ....
كرهنا ملينا صح بصح هاذي خاطر مادايرينش قيمة لوقتنا لعمرنا لإنسانيتنا في هاذ لبلاد و من يهن يسهل......ما لجرح بميت.... ولينا نخافو ماشي من المرض من العلاج من الطبيب ...أنا قبل أيام مرضلي بني تصوري جات الطبيبة على ال12 و ما تماركيش و ماتخدمش بالرونديفو شرطها تدي الصغير و تسناي قدام الباب يعني على ال8 قبلي 14 نسناو بالصغار فالتروتوار في هاذاك البرد باه اللي مريض يزيد تصوري وصلت دالتي قريب المغرب ... و بقينا نسناو فيها و لاباس و مانبدلوهاش علاه؟؟؟؟؟؟؟؟؟؟؟؟؟ سؤال وزير الصحة و المستشفيات يعرف إجابتو مليييييييييييييييح ( اللي امر منو ) أنا معاك بصح ماشي بمظاهرة ....ما تجيبش نتيجة..... صار الناس حرقت روحها ووالو .....لا حياة ....تطبيع و كاموفلاج و فرات.... لازمنا حل جدري .............أم أمجد |
رد: الشعب يريد الخروج في مظاهرة للمطالبة.....
اقتباس:
والله الموضوع يتكرر مع الكل اطفال طبيب قلب وخاصة:18:طبيبة نساء:18: لا افهم لما لا تعطي الدولة للاطباء قروض لانشاء عيادات والله الاطباء المتخرجون عندنا يخدموا طاكسيورة ولا فرودور والله نعرف طبيب قد حالوا خلص وقاعد يخدم طاكسيور :9: هكدا بمنح القروض يستطيع فك مشكلة التكوفير(هدا لا ماولاوش زي القدامى:5:) المهم اختي لا نعرف الحل شكرا على مرورك الطيب |
| الساعة الآن 11:47 PM. |
Powered by vBulletin
قوانين المنتدى