|
لباغي الخير يدخل....
السلام عليكم ورحمة الله الى كل اعضاء منتدانا الغالي..... clapclapclapclapclapclapclap خواتي وخواتاتي...كبير وصغير ..العام فيه 12 شهر؟؟؟الهجري ولا الميلادي كيف كيف...ورانا قراب بزاف للشهر الكريم..اللهم بلغنا رمضان.. شحال من شهر واحنا نلهو ونضيع أوقات الفراغ في صوالح ما ينفعوناش.... وكيجي رمضان تلقى لما صلى يصلي ولما قرا القران يقرى...بصح كيفوت رمضان ..والوthumbdownthumbdownthumbdown................ صح كيفاه يصرا لنا هكذا؟؟؟؟ خاطرش ما نوجدوش رواحنا للشهر الكريم الي نزل فيه القرآن وفيه ليلة خير من ألف شهر.... لراه باغي الخير يبدا من الآن.... ياباغي الخير اقبل... أولا تعويد النفس على الصوم كيما تعرفوا غادي نصوموا فالسخانة يعني الصمايم كيما نقولو... وهذا مشي ساهل للي ماشي موالف الصوم الا من رمضان لمضان... ابداو ولو الاثنين والخميس... ثانيا الصلاة والتراويح كذلك ماشي ساهلة للمشي موالف.... صل ولو ركعتين طويلتين بعد صلاة العشاء...وماتقولش مشي حافظ كاين علماء جوزوا القراءة من المصحف... وزيد..الرسول صلى الله عليه وسلم كان كريم جدا في رمضان كان كالريح المرسلة.... صح مانقولكشش غادي تكون كيفه بصح على الأقل الواحد يعود نفسه الصدقة على من يستحقها ... ولماعندهش ربي راه يشوف... ولي قاطع الرحم نتاعه اي عمه ..خاله ...عمته...الخ حتى متى تبقى مقاطع؟؟؟ هذي الدنيا فانية وربي راه يشوف ..ادفع بالتي هي أحسن.. وجزاءك عند الخالق.. اما من قطعك وظلمك خليه ..وصالحه في وجه الله... راني نكتب هذ الكلمات باش نذكر روحي ونذكر الناس لنحبهم ونحب لهم الخير وربي يعلم بما في الصدور.. ولعنده نصيحة أخرى ممكن يوجهها لنا والله المستعان... تقبلوا نصائح اختكم في الله. |
رد: لباغي الخير يدخل....
ان شاء الله خيرة
|
رد: لباغي الخير يدخل....
كلنا حابين الخير ولما رأيت الخير يا مولات الخير دخلت وقلبي معمر بالخير وكل هذا ... ناويين خير شكرا لك أختي مستغانمية على التذكير ربي يحفظك ويعلي شأنك ويجعل ما قدمتيه في ميزان حسناتك بارك الله فيك سلام |
رد: لباغي الخير يدخل....
سعيدة وجمال شكراااااااااااااااا
|
رد: لباغي الخير يدخل....
|
رد: لباغي الخير يدخل....
جزاك الله كل الخير وجعله في ميزان حسناتك
|
رد: لباغي الخير يدخل....
بالله عليكم من منا لا يحب الخير لنفسه و لمن حوله
|
رد: لباغي الخير يدخل....
بارك الله فيكما على المرور
|
رد: لباغي الخير يدخل....
بارك الله فـــــــــــــــــــــــيك
إن الذكرى تنفع المؤمنين http://www.rayat-alizz.com/issue31/images/p4-1.jpg شكرا لك أختي على الموضوع النافع ننتظر جديدك دائما |
| الساعة الآن 05:04 PM. |
Powered by vBulletin
قوانين المنتدى