|
آه يا الكرسي..
لو كان يدري واش أنسى ؟
آه .. يا الكرسي ماذا هملت من تعيس أداه اللهاف و الدحيس * في كل درسة يرمي أهباله بغير قوس هوس و دحسة قوم ختموها بالطميس تقول كاسة رايحة و جاية باللحيس و الرجل ترفس و اليد تغمس و العين تنغص بشفر ابليس يبرم لك ترفيسة بلا ما يعفس يشلوشك في تنفيسة بارع في الغطيس يحرق النبتة في الغريس حرفتهم بوس و اتغطريس فن المنحوس يلم و يطم في المنخس بالقرسة وين يمشي شبه الطاروس يحفر و يدس لو كان يدري واش أنسى ؟ هذا المتعوس من سياسة يبكي ليل و نهار من أكباسه "الحجة" *حازوها باللحيس * من الطباصة و العين مكسورة تنغص منين جات ذا الراصة من الجيفة تظل تحسي أطعامك لا يسجى الا في كسكاس رشه لا يصير يابس ما يصلح للأكل و لا للغراسة الدقيق اذا تحمس أحضيه من القروصة و اللي قال الحلال خلاص؟ قول له الحرام يجي من النجاسة و يروح في سوق باخس يا الحابس شبيه ضرسة اكلاتها سوسة صارالكلاب عليها يحوس و النوم هارب من نعاسه تاكل بها الا المغمس و كي تضحك تبان بخسة و لا مبهدل حاله تعيس لا تغدر باللي جاك كيس ربي عليه داير عسة طيع مولاك لا تتقاعس صلي و صوم و لا تنسى الزكاة ركن مأسس والحج يطهرك من الدناسة اللي ميز أعدل في القيس فاز بالكياسة بنيانه عالي مرصوص متين ساسه و اللي على الهاربة يحوس يدي " النبق" 1 من أحلاسه كل ما يرمي يدير نكسة مقيود ما أقدر يرسى تقطع حبله و أكثر نحسه " الحجة" * نجر و قيس * بالفراسة اللوح اذا تسوس ينقص من قياسه بالنجارة ما تصنع كرسي مول الكرسي ..ركبه وسواس أصبح يقول : تبعت راسي أكثر نحسي أصبحت ينجر بلا قياس و الهم محوطه "مسياسة" و العبد اذا كثر هوسه تشتغل يده بالتغطريس و اللي قربه و مسه راحت عليه بالدحيس بالصك و العض يمرسه يصيره عجينة للرفيس تظن فيها فراسة ؟ و ما هي الا لحيس واش جاب الذهب للنحاس و العزيز ما يصير رخيس أحضي قدرك من الدوس و لا ترضي بالعفيس الذل ..من أرضى بيه غاص يرميك عظمة البوضرسة ياكلك غير بالللحيس الكرسي مهما أعلا ساسه أتريبه كوسة تنخر داخله بالسياسة تريب أصواره بلا رصاص غير أتهنى يا الناسي اللي ما هو ليك غير قيس " الحجة " كون حربي و كيس * في الدراسة منجله قاطع دوس و الشوك اذا كثر حليسه ألبس له فردة من الحلاسي .../... ----------- 1 – ثمرة السدر محمد داود |
رد: آه يا الكرسي..
معاني رصاص .......ولحديث قياس بوركت شاعرنا |
رد: آه يا الكرسي..
:16:اعجبني المغزى رغم ان هناك كلمات لم افهمها
|
| الساعة الآن 01:47 AM. |
Powered by vBulletin
قوانين المنتدى