طلب كيفية المقروض
السلام عليكم سيداتي آنساتي أخواتي أطلب منكن أسهل كيفية لتحضير المقروض علما أن الوالدة ما تحبش تخدمه باغسكو يتعبها ويتفتت لها أريد كيفية غير مكلفة ماديا وتبسيطها لأنأختي الصغيرة التي تحاول أن تتعلمها لتصنعها لهذا العيد وإن أمكن أيضا كيفية صنع شاراك بارك الله فيكن (راني فاطر ثاني يفرح يوسف ويروح يجري يحطها في موضوع الطرائف) :8: |
رد: طلب كيفية المقروض
|
رد: طلب كيفية المقروض
استدعي يوسف حالا ياو ماشي المشكل فاطر و لا صايم ياو يقولو مقروط ماشي مقروض هههههههه
|
رد: طلب كيفية المقروض
و عليكم السلام العيد من دون مقروظ لا ذوق له بصرااة ساكتب لك الكيفية اخ سليم ان شاء الله برك ما تروحش التريسيتي راهي دايرا فينا التير ...كل دقيقة راي تروح و من قليل راحت حوالي نصف سااعة جنيراااال تقريبا ولايتنا كامل ..:19: اقتباس:
:5::5::5::5: بصح احنا ثااان نقولو مقروض//مقروظ .. |
رد: طلب كيفية المقروض
المقادير 3 كؤوس سميد متوسط كاس فرينة كاس سمن ذائب رشة ملح للحشو تمر عجوني رشة قرنفل مرحي مقة صغيرة قرفة لعقة زبدة كيلو عسل زيت للقلي طريقة التحضير نخلط السميدو الفرينة و السمن بماء الزهر والماء http://storage.canalblog.com/91/57/169370/7278107_p.jpg نعمل من التمر شكل حبال http://storage.canalblog.com/48/01/169370/7278203_p.jpg نعملو للعجين مثل الصورة ونحط وسطها التمرhttp://storage.canalblog.com/61/78/169370/7278217_p.jpg بهذه الطريقة http://storage.canalblog.com/59/14/169370/7278229_p.jpg ونلفها مرة احرى http://storage.canalblog.com/36/52/169370/7278243_p.jpg ثم ترشم بالمرشم http://storage.canalblog.com/26/50/169370/7278338_p.jpg وتقطع على شكل معينات http://storage.canalblog.com/79/88/169370/7278364_p.jpg يقلى في الزيت http://storage.canalblog.com/71/56/169370/7278393_p.jpg ويغطس في العسل http://storage.canalblog.com/32/26/169370/7278402_p.jpg ويستقطر بعد ذلك http://sabialgerie.unblog.fr/files/2...2072009963.jpg اتمنى يكون هذا طلبك |
رد: طلب كيفية المقروض
السلام عليكم ورحمة الله تعالى وبركاته
شوف خويا سليم طريقة مجربةوناجحة هوساهل التحضير و لكن لازم شويةلا باسيونس 3كيلات سميد خشن كيلة زبدة ذايبة مغرف سكر رطب وتبيته ليلة كاملة ( هذه الطريقة ورتثها مني امي وجدتي ((: عاد تلمه بالماء الزهر في الغذ مقادير الحشو 1- معجون التمر 2- شوية زيت لتسهيل عجن التمرحوالي ملعقتين اكل 3- شوية جنجلان ملعقة اكل كبيرة و ملعقة قهوة قرفة الطريقة نخلط مقادير العجين الاولي مع بعضها علي التوالي السميد وبعدين السمنة ونبسس العحينة ونضيف القرفة لانها تعطي نكهة طيبة للمقروض و نضيف قرصة الملح ونلم الكل بماء الزهر و الماء بدون الاكثار حتي تتماسك العجينة لدينا ونخليها ترتاح وبعدين نعجن مقادير الحشو نخلط التمر والقرفة ولتسهيل المهمة نضيف الزيت ونعجن الكل حتي يمتزجو ونعملهم علي شكل حبات و نقوم بقليهم ا ومن بعد تغطسهم في العسل وبالتوفيق ان شاء الله |
رد: طلب كيفية المقروض
بصح احنا ثااان نقولو مقروض//مقروظ ..[/center]
[/QUOTE] إذا كان الأمر كما ذكرت احذف ما قلت لم أكن على دراية أنه يوجد اختلاف في اللهجات في التسمية "حسبتلي سليم راهو غير يخلط" معذرة. |
رد: طلب كيفية المقروض
http://www.sugar-salt.net/wp-content...8%B1%D9%8A.jpg
و غدوة نكتبلك مقادير التشاراك راهي حرب عالمية في البيت بين الاولاد و ابن عمي يؤبرني راه سهران يعدمني صح صحوركم |
رد: طلب كيفية المقروض
اقتباس:
عمو القبي احنا تاني نقولو مقروط:19: و نتوع قيليزان تاني يقولو مقروط خويا سليم حب يزوخ عليكم:8: |
رد: طلب كيفية المقروض
كيفية صنع المقروض -04 كيلات حرشة -01كيلة ايدام ( سمن ذائب او زبدة نخلطولو شوية زيت) -ملعقتين سكر، قرصة ملح ، ماء زهر ممزوج بالماء باش نشمخو بيه الحشو : كاوكاو او لوز مطحون +ملعقتين سكر + قرفة +ملعقة صغيرة زبدة الطريقة : في قصعة نضع الحرشة +ملعتين سكر+قرصة ملح ، نضيف لها ليدام و نحك بكفة اليد جيدا حتى تتشرب مليح باليدام نتركها في الغالي ليلة كاملة ترتاح في الغد نخدمو بالشوية يعني نشمخو بالشوية و ليس مرة واحدة نشمخوها بشوية ماء ممزوج بماء الزهر لا يجب وضع الماء كثيرا فقط (نفس الطريقة التي نخدم بها المثقبة) نطمو مليح العجين الذي يكون شكله حرش شوية و نخدمو حربوش طويل نعدله باليد ثم نفتحه في الوسط بسكينة خط طويل في الوسط بحجم الحربوش و نضع الكاوكاو او اللوز بشكل طويل ثم نغلق الشق و نعدله باليد ...ثم نشدو شوية حرشة الباقية و نحك بها الحربوش باش يولينا حرش شوية ثم نقطعه و نعدل كل حبة على حدى باليد باش تخرجنا الشكل جميل نقليه في الزيت ساخنة ثم نعسله في عسيلة باردة و نتركه يقطر في كسكاس بعد يوم كامل نزيدو نعسلوه مرة ثانية و صح عيدكم مسبقا:8: |
رد: طلب كيفية المقروض
اقتباس:
كون راني نهدر باللهجة تاعنا على بالي ما تحكم فيها قبش كون راك حذايا كون ارسلت عليك تشنقلة :13: عذرك مقبول :7: عذرك مقبول |
رد: طلب كيفية المقروض
يا ناس بالعقل على سليم
راهو يدخل هنا الصباح تتخلط الحالة هههههه وصفة وحدا وبدون صور ربي يخليكمـ رجاءا رجاءا احترمو مشاعر الصائمين من الرجال طبعا |
رد: طلب كيفية المقروض
اقتباس:
و نتوع قيليزان تاني يقولو مقروط خويا سليم حب يزوخ عليكم:8:[/quote] من الجلفة لقواط القنم تتمشى والراعي مسكين قبناتو النعجة أونفا عرفت انت منين أم هديل ؟؟ أنت باينة من لقواط وحنا نقولوا المقروض :7: |
رد: طلب كيفية المقروض
اقتباس:
تبدو طريقتكم مختلفة عن طريقتنا ام خيروووو حتى في الحشو و ثان 03 كيلات حرشة بكيلة ايدام احيانا تجينا تتفركت كي نحطو حبات المقروض في الزيت امي تعلمنا 04 كيلات ب كيلة ايدام لانها تحافظ على شكلها ويبقى الاختلاف رحمة بين ابناء الامة:12: |
رد: طلب كيفية المقروض
اقتباس:
كون راني نهدر باللهجة تاعنا على بالي ما تحكم فيها قبش [/quote]كون راك حذايا كون ارسلت عليك تشنقلة :13: عذرك مقبول :7: عذرك مقبول هههههههههههههههههههه والله غي ضحكتني خويا سليم تشنقلة نفس لهجتنا ..حاسبة غي احنا نقولها :8::8::8: بالنسبة كعب غزال او تشارك راني حضرته اليوم ولكن مازل ما عملتش له القلاصاج من بعد اوافيكم بالصور والشرح ان شاء الله |
رد: طلب كيفية المقروض
اقتباس:
اقتباس:
و نتوع قيليزان تاني يقولو مقروط خويا سليم حب يزوخ عليكم:8:[/quote] :8::8::8::8: اضحكما الله اسنانكم في الجنة:8: |
رد: طلب كيفية المقروض
يا الشيرات الساجيات قولولي برك وين المخير تاع المخير , مقروض مقلي فالزيت ولاَّ اللي يطيبوه فالكوشة :19: |
رد: طلب كيفية المقروض
اقتباس:
يا اختي ليلى كل وحدة ولها طريقة تحضير المهم نوصلو الى نتيجة واحدة مقروظ يذوب في الفم :16::16::16: تقدر تعالجها بالماء زهر وتتحصل على عجينة طرية .. معليش تجرب ومن بعد تردنا الخبر ولكن يا ريت اخت سليم تجرب كمية صغيرة ماشي تهردهم :8::8::8: |
رد: طلب كيفية المقروض
اقتباس:
كون راني نهدر باللهجة تاعنا على بالي ما تحكم فيها قبش [/quote]كون راك حذايا كون ارسلت عليك تشنقلة :13: عذرك مقبول :7: عذرك مقبول مرة كنت في مسرغين في مهمة عمل توقفنا لنشتري بعض المستلزمات من البقالة أذكر أني اشتريت قارورة ماء و قليل من الموز ثم قال لي صاحب البقالة "نعطيك بورصة" قلت له "واش" فأعاد نعطيك بورصة فقلت له ياو فهمني قبل بورصة واش هية ثم نرى. اقر أن لهجتكم صعبة قليلا لكن تعودت عليها مع الزبائن فكثير من زبائني من الغرب : تيارت تسمسيلت وهران و عين تموشنت. |
رد: طلب كيفية المقروض
احنا ثان كي نكونو مخلطينها من كل جهة يعني نحسو ارواحتينا معلقين نقولو رانا متشنقلين و انا مثلا راني مشنقلة و انت متشنقل يعني فعل تَشَنقل ياخ نفس المعنى عندكم :5:؟؟ |
رد: طلب كيفية المقروض
اقتباس:
ركزولي على هذي أنا اللي غادي نخلصها غالية سيبورصا قلت لكم وصفة غير مكلفة ماديا ومادابيكم في بلاصة التمر ديرولنا القرفة ولاَّ كاش عفسة :8: |
رد: طلب كيفية المقروض
اقتباس:
لا، التشنقلة في الغرب هي البليغة عندنا أي النعل الذي يلبس في النزل. |
رد: طلب كيفية المقروض
اقتباس:
مرة كنت في مسرغين في مهمة عمل توقفنا لنشتري بعض المستلزمات من البقالة أذكر أني اشتريت قارورة ماء و قليل من الموز ثم قال لي صاحب البقالة "نعطيك بورصة" قلت له "واش" فأعاد نعطيك بورصة فقلت له ياو فهمني قبل بورصة واش هية ثم نرى. اقر أن لهجتكم صعبة قليلا لكن تعودت عليها مع الزبائن فكثير من زبائني من الغرب : تيارت تسمسيلت وهران و عين تموشنت.[/quote] هههههههههههههههههه والله غاذي نهبل بالضحك انتوما قاع مقرمدين يا شروقيون :8::8::8::8::8: خويا عمااار ماشي بورصة احنا نقولو بورسة بالسين ماشي بالصاد :8::8::8: البورسة يعني ساشي ..او كيس بلاستيكي |
رد: طلب كيفية المقروض
اقتباس:
البورسة هي الصاشية وليست سوق الأسهم ههههههه مرة كنت في حافلة نقل جماعي بقسنطينة وعيَّط لي ولد عمي على واحد الأمانة ونسيت روحي فالهدرة , قنت بقنت , النو , قارع ...كي كملت الهدرة حسيت روحي انسان غريب من خلال نظراتهم هههههه |
رد: طلب كيفية المقروض
اقتباس:
التمر هو ارخص حاجة ..علبة 70 دج فقط الكاوكاو رهه 350 اللوز 700 قرقاع 1400 بيستاش 1500 .. شفت الدعوة حامية يا غيشري التمر واسكت :11::11::11: |
رد: طلب كيفية المقروض
اقتباس:
:10::10::10::10::10: ههههه و الله لوكان قعدت نخمم لصبا ما نلقاهاش شكرا لك اخي عمر القبي ربي يزدنا علماااا هههههههههههههههههه والله غاذي نهبل بالضحك انتوما قاع مقرمدين يا شروقيون :8::8::8::8::8: خويا عمااار ماشي بورصة احنا نقولو بورسة بالسين ماشي بالصاد :8::8::8: البورسة يعني ساشي ..او كيس بلاستيكي [/quote] :2::2: هذ الشي هي صاشي و انا درت كل حساب في راسي :8: بوركت على المعلومة ام خيرووو |
رد: طلب كيفية المقروض
اقتباس:
حنا نقولوا تشنقلت كي ناكلوا بزاف يعني نقولوا عرضنا فلا غلقناها حتى تشنقلنا |
رد: طلب كيفية المقروض
اقتباس:
هههههههههههههههه ونزيدك حاجة وقاع يضحكو مين نقولو واه ..هاو ..قارع تحيبنا جاييين من كوكب اخر :8::8::8: |
رد: طلب كيفية المقروض
اقتباس:
:2::2: [/quote]هذ الشي هي صاشي و انا درت كل حساب في راسي :8: بوركت على المعلومة ام خيرووو الله يبارك فيك اختي ليلى يا جماعة الخير علاش مانديروش قسم خاص باللهجات على الاقل نتعرفو على لهجاتنا ومانبقاوش حايرييين |
رد: طلب كيفية المقروض
شوف سليم ياك تعرف تيارت غي حذاكم في قليزان
روح للربيجو و لا للفولاني احسن تلقى حانوت يبيع المقروط التشراك و اللي نفسك فيه اشري زوج كيلو و اشري راحتك و جيبك bon prix واك الماصو رشاااااااااااااكhttp://www.lakii.com/vb/smile/21_132.gif |
رد: طلب كيفية المقروض
|
رد: طلب كيفية المقروض
اقتباس:
|
رد: طلب كيفية المقروض
جماعة ارجو نقل الموضوع لقسم التقرعيج:19:
|
رد: طلب كيفية المقروض
اقتباس:
لا لا أنت واقيلا من تاخمرت ولاَّ قرطوفة ولاَّ الفايجة :5: |
رد: طلب كيفية المقروض
يا جماعة جبتلكم سر خطيييييييييييييييييير
اخونا سليم كل اخواته مزوجات اخرهم ام سلبيل يعني بالمختصر المفيد خوكم حاب يبغرر:19: يعني يخلط في العجينhttp://www.lakii.com/vb/smile/12_234.gif سجل يا جوزيف:1::1::1: |
رد: طلب كيفية المقروض
الحق أنا دخلت غير على جالت هاديك الضاد لكن سبقوني المهم أولا أشكرك على الموضوع حتى انا كنت نحوس على الوصفة وثانيا الله يبارك راهم أعطاوك الوصفة غير أمهر الطباخات يعني لازم دير القُرعة وهداك أنت لازم طبقو وبالنسبة لأختك ربي يحفظهالك دير غير نصف الكمية وتجرب اذا نجحتلها ووأنت لجنة الحكم وعجباتك تعاود ديرلك وأنت المالية تخلاصلك هههههههههههههه يعني اذا قالولك 3كيلات سميد هية دير برك كيلة ونصف مثلا أتمنى تكون فهمتني وبقية يوم سعيد وبصحة وراحة |
رد: طلب كيفية المقروض
ا
لسلام عليكم و رحمة الله وبركاته أحلى و ألذ مقروض هو مقروض الكوشة القسنطيني و صدقوا أني لا أبالغ... بعد اطلاعي على الوصفات و جدت أن أقرب وصفة أو ربما هي مشابهة تماما هي وصفة أم خير الدين... في حالة ما إذا خافت أن يتفتت في المقلى فلها ثلاث خيارات .. اما ان تعمل كيلة سميد خشن و واحدة رطب كي يتجمع العجين مليح... أو ثلاث كيلات سميد متوسط و هي طريقة امي... أو انها تحافظ على مقادير وصفة أم خير الدين و تطبخو في الفرن... أفضل مقروض الكوشة لانه يتعسل قبل التقديم مباشرة و هذا ما يحافظ على نكهة العسل و ماء الزهر و الجلجلان... فقط عند الطهو تضع حبة جنب حبة كي لا يحترق التمر على الجوانب بهذه الطريقة http://www8.0zz0.com/2010/09/06/10/487739901.jpg و بالتوفيق ان شاء الله لاختك...و حتى ان ماصلحلهاش يجب تشجيعها و لي ما يخسرش ما يتعلمش... |
رد: طلب كيفية المقروض
اقتباس:
كلنا نقول مقروط ولكن هذا خطاء نحوى شائع والاصح هو مقروض لانه يقرض من فعل قرض يقرض قوارض ومن يستهلكه يسمى قارض قارض فاعل يقرض فعل مقروض مفعول به |
رد: طلب كيفية المقروض
السلام عليكم
. . . . هي نفس المقادير التي ذكرتها ام خير الدين نصيحتي لك باش ما يتفتتش ما تقليهش في المقلة جيب الكيكوطة دير فيها الزيت تقريبا لتر كامل خليه يسخن مليح ضع المقروط في الكسكاس المخصص للقلي ضع الكسكاس في الكيكوط و انتظر حتى يحمر هكذا ما تتحرقش الشيرة لان الزيت صعيب و ينضج اكبر عدد ممكن في وقت قياسي و يتقطر من الزيت و ما تضطرش تقلب الحبات لان الزيت راح يغطي المقروط كيكوطة ساب يجي معاها كسكاسها سي نون كاين كسكاس سبيسيال للقلي المقروظ المقلي احسن من اللي في الكوشة بالنسبة لي |
رد: طلب كيفية المقروض
اقتباس:
ما رأيك أن نقوم باستطلاع....؟؟؟ أعرف ان الاغلبية ستقول المقلي ولكن اتكلم عن نكهة العسلمع ماء الزهر و الجلجلان إنه لا يقارن مع المقلي لانه أطيب... |
الساعة الآن 01:31 PM. |
Powered by vBulletin
قوانين المنتدى