حلويات
حلويات حضرتها لنفاس زوجة أخي
قاطو الطبقات التحضير : كاس زبدة ذايبة +كاس سكر حرش+ 1/2 كاس عسل نضعهم فوق حامام مائي حتى يذوب السكر نخلي الخليط يبرد ونزيدولو 2 بيضات +2 ملاعق صغار بيكاربونات ونشيح بالفرينة حتى نتحصل على عجينة نقسمها إلى 3 أجزاء متساوية نأخذ البلاط تاع الفرن نقلبه ونضع فوقه ورق الزبدة ونرش عليه شوية فرينة ونبسط الكويرة الأولى فوقه وندخلها تطيب بعدها ننزعها ونخليها تبرد ونفس العملية نكررها مع الكويرة الثانية والثالثة بعدها نحط الطبقة الأولى ونهدهنها بالمعجون ثم نضع الطبقة الثانية وندهنها بالمعجون ثو الثالثة وندهنها بالمعجون ونرش فوقها كوكاو مقلي ومرحي شوية خشين ونغطيها ونخليها ترتاح ليلة كاملة ثم نقطعها مربعات وندهن الحواشي بالمعجون ونرمدهم في الكاوكاو ونزينها من فوق بالشيكولة http://www.bnatsoft.com/up/bnatsoft3...9698602941.jpg قاطو بيمو المقادير 250غ مارغرين 03بيضات 2.5م ك عسل 02 علب قاطو بيمو مرحي 2 خميرة+افاني الفرينة الكريمة=رايحين نلصقو بيها الحبات 1.5 كاس حليب فايض وبارد 2 م ك مايزينة قرصة ملح+ملون اصفر 1 م ك مارغرين +1 كيسان سكر ناعم +افاني +شوية عصير الليمون لتعطير ولذوق الحامض التحضير نخدم المارغرين ثم البيض ثم العسل ثم القاط المرحي وووكل المكونات نخلطها ونلمها بالفرينة تتحصلي على عجينة طرية ابسيطيها وحليها حسب الشكل الي بغيتيه انا درت شكل دائرة وهكذا طيبي العجينة وبعدما تكملي خليها تبرد من جهة راه نوجد الكريمة =ناخذ كسرونة وندير فيها الحليب والمايزينة والملح والملون والافاني ونخلط ثم توضع الكسرونة فوق نار هادئة وتحرك دون توقف حتى تخثار ماشي جارية وماشي عاقدة بزاف نحيها من النار وخليها تبرد شوية ومن بعد نضيفولها المارغرين والسكر الناعم والافاني والعصير وتخلط بالباتور حتى تولي رطبة وخليها تبرد وكي تشوفيها بردت لصقي حبات القاطو بالكريمة وأغطسيها في الشيكولة ولكي الحرية في التزيين http://www.bnatsoft.com/up/bnatsoft3...9698602962.jpg les charlottes تقيسي المقادير انتاعك بالكاس كاس بيض + نص كاس سكر +نص كاس زبدة ذايبة و باردة + كاس كاوكاو مقلي و مرحي( مرحي متوسط كيما نتاع الي نديروه في الحشو ) + كاس بيمو مرحي و مغربل + ملعقة كبيرة فاني + ملعقتين كبار نسكافي+ ملعقتين كبار كاكاو , و شكارة خميرة نوارة نحكم les moules و ندهنهم بالزبدة و ندير فيهم ملعقة كبيرة من الخليط لانو رايح يطلع و ديريهم يطيبو في فرن مسخن مسبقا و في هذه الاثناء ديري العسل في الطاوة و تخليه يسخن على النار و تسخني فنجان ماء و ديريلو ملعقتين كبار نسكافي ذوبيها مليح و اضيفي الخليط للعسل . كي يطيب القاطو خليه يبرد شوية و نحيه من les moules و جيبي العسل واسقي الحبات بالبانسو اسقيهم مليح و للتزيين ديري النسلي يطيب و من بعد دريه من فوق أنا درت نوتيلا و التزيين انت وواش عندك http://www.bnatsoft.com/up/bnatsoft3...9698602983.jpg البقلاوة نسيت ماصورتهاش وحشمت نروح لزوجة أخي نقولها أعطيني نصورها مع العلم هذه أول مرة نجرب حلويات من النات وتنجحلي |
رد: حلويات
ما شاء الله
حلويات رائعة تسسسسسسسسسسسسسسسسسسلم الأيادي. |
رد: حلويات
أنت الأروع بمرورك الطيب حبيبتي
|
رد: حلويات
الله يبارك
يعطيك الصحة اوتار ممكن المقادير |
رد: حلويات
سلمت يداكي ختيتو :16: سخفتيني:17: ممكن تحطي وصفاتهم:5::5::5::2::5: |
رد: حلويات
اقتباس:
غدا ان شاء الله أضع لك المقادير شكرا على المرور الطيب |
رد: حلويات
اقتباس:
غدا ان شاء الله شكرا لك على المرور الطيب |
رد: حلويات
السَّــلامُ علَيْــكُم الله يبارك ماشاء الله ، ناجحة باذن الله في جميع الميادين ، الله يديمها نعمة ويحفظها من الزوال ، موفقة باذن الله ، وربي يسهل على زوجة أخيك ، وبالبركة عليكم أسْتَـغْفِرُ الله وأتُوب إليه |
رد: حلويات
وعليكم السلام ورحمة الله وبركاته
يبارك فيك حبيبتي وشكرا لك على التشجيع والمرور الطيب أما عن زوجة أخي فالحمد لله أنجبت بنتا (مِنٍّة الله) |
رد: حلويات
السَّــلامُ علَيْــكُم الله يبارك ماشاء الله ، ربي يحميها ويشافي والدتها ان شاء الله ، تتربى في عزكم وطاعة الله وطاعتكم ، آلف مبروك تهانيناااا أسْتَـغْفِرُ الله وأتُوب إليه |
الساعة الآن 05:23 AM. |
Powered by vBulletin
قوانين المنتدى