كلمات سبحان الله يا لطيف للشيخ العنقة رحمع الله
القسم :1 زغلول لطيف يا عريف * نحكي لك و افهم * في سن الورد والزهر باهي الأوصاف مغرور بريشه الظريف * ماجي متخاصم * سلسيفه قال لي عندي خلاف أوقف إذا أنت شريف * من أهل الخاتم * وريلي وين وصلاتك قوة الأكتاف جاوبت أنا وقلت كيف * ماجي تتكلم * بكلامالغيظ واش هذا الغضبة و زعاف ما هيشي جابها النيف * كي جيت محزم * هذيغيرة مرزمة و حسودي بزاف ضنيتك صاحبي حليف * بي تتزعم * و ترن هقيتلي مطامر تدي للكاف حتى و إذا أنت سخيف * من حقك تحشم * تعرفني قاطع البحور جايل الأرياف عساك أنت اللي قصيف * للدنيا قادم * مثلكما عاش ما زهى أش اللي شاف اللي زغلول ما ينيف * ورشان معلم * قادريرحيه في حروف ألها لام و كاف مرقوم الريش يا رهيف * أرجع لا تندم * عندك منقار ما يحارب و جناح ضعاف أترك الحديث العنيف * ما هوش موالم * أتركعليك لغة الغتبة و التشناف يا ذا الزغلول يا نحيف * أرجع للمرسم * واللي بعتوك قول لهم ما همش ظراف سبحان الله يا لطيف * أنت اللي تعلم * كاين شي ناس من استحاهم يقولوا خاف حاسبين كل شي خطيف * غير أجي و زدم * واللي يبقى مع التوال يقولوا زحاف القسم:2 كاين اللي يجي بسيف * يبدأ يتزعم * و يقولأنا غير أنا ما كان خلاف خصوص إذا أنت سعيف * تسكت و تسلم * ترجعفي حينها حلاسة و إلا نشاف كاين اللي يجي تقيف * يعرف يتكلم * بالكتوب و الرسول و السادات الأشراف يخدعك غير بالحليف * يقسم و يعظم * والسبحة راه من وراها عامل زرناف كاين اللي يجي لهيف * بنيابه يهضم * مارواته ميات صحفة و ألف غراف يبغي كرسي من الصديف * و كنوز العالم * اللويز و الماس و الفضاضي من كل أصناف كاين اللي يجيك ضيف * بالقش مرزم * في يومالبرد و الشتا و الريح الزفزاف فاتت الأمطار و الخريف * ما زال مرسم * يرجع هو مول دارك و أنت جحراف كاين اللي يجيك عفيف * ما زاله يحلم * ذقنه ما زال ما عرف موس الحفاف يرجع ضربان لا تصيف * زقطي متشلغم * باعكو شراك في دقيقة عند الحراف سبحان الله يا لطيف * أنت اللي تعلم * كاين شي ناس من استحاهم يقولوا خاف حاسبين كل شي خطيف * غير أجي و زدم * واللي يبقى مع التوال يقولوا زحاف القسم:3 لحمام إذا نسى الولفة * من بعد الحب والشغاف خلاني في الأحزان و جفى * من دون دواس لاخلاف هذا تحقيق به شوفة * شكيت داروا لهالثقاف الباز إذا غاب صدفة * يهجر و يروح للتلاف خلاها خالية الغرفة * من ذاكاليوم ما أنشاف ضنيته صاحبي و يشفا * و ترن ثعبان فيالاجواف عيب عليكم عار كشفة * يا أهل بلادي ياسخاف درتوها مرتبة و حرفة * نكرتوا الخير والصناف سومتكم ما سوات علفة * في سوق السبت والجياف ما هي صحبة و لا معرفة * ما هي نسبة و لاحلاف كيفاش القلب عاد يصفى * كي قطعتوهبالاطراف من يتبعكم راح في الفا * و الرا المسبقةبقاف يا ضيف الله جوز تدفى * رد سلامي لا تخاف ياك جينا نايضين شرفا * والله ما نخيبوا الضياف اجلس هنا بغير كلفة * انزع عليك ذااللحاف سبحان الله يا لطيف * أنت اللي تعلم * كاين شي ناس من استحاهم يقولوا خاف حاسبين كل شي خطيف * غير أجي و زدم * واللي يبقى مع التوال يقولوا زحاف القسم:4 يحسبوا الشيخ ما يفيد * عدوه يخرف * مابين الصبح و العشية و الناس تشوف يحسبوا الشيخ ما يفيد * عدوه يهترف * قالوا سيفه رشى حفى و الشيخ أ سامع القصيد * ما زاله يهدف * سيفه براق فالثنية ديما معروف يحسبوا الشيخ ما يفيد * كالثور الشارف * ارحاوا الموس في الخقا و الشيخ أ سامع القصيد * ما هوش مكتف * ماهوش غنيمة الضحية ما هوش خروف يحسبوا الشيخ ما يزيد * شملاله يوقف * كيفما عملوا ما كفى و الشيخ أ سامع القصيد * يسكت و يساعف * راهي ما خفات له خفية كل شي مخلوف ماني محساد لا جحيد * عمري ما نسخف * نمشيو نعيش بالصفا سبحان الله يا لطيف * أنت اللي تعلم * كاين شي ناس من استحاهم يقولوا خاف حاسبين كل شي خطيف * غير أجي و زدم * واللي يبقى مع التوال يقولوا زحاف القسم:5 غنيت شحال من قصيد * منظوم مستف * و الناسجميع عارفة فني ما هوش مالمسيد * مانيش مثقف * قرانيالجوع و الحفا خبزي مصنوع من سميد * ماهوش مسلف * داريماهيش تالفة يشهد القريب و البعيد * ما نيش موالف * نهدر و نقول في القفا عظمي ماهوش للكديد * مانيش محشلف * أرضيماهيش ناشفة الصيد يموت ياك صيد * و لو كي يشرف * منهالذياب خايفة اللي مقيود ما يقيد * يشد المقذف * في وسطرياح عاصفة مول المنظوم و القصيد * ما هوش مطرف * منأهل الصدق و الوفا ولد باب جديد بالوكيد * ببير جبح نحلف * التومي قال مصطفى و اللي غناها عميد * فيها يتصرف * شيخالعنقا اذا كفى عام السبعين لا تزيد * من بعد الالف * والبسع ميا مردفة الجزاير عهدها جديد * سنجاق يرفرف * تميتو قلت بالشفا سبحان الله يا لطيف * أنت اللي تعلم * كاين شي ناس من استحاهم يقولوا خاف حاسبين كل شي خطيف * غير أجي و زدم * واللي يبقى مع التوال يقولوا زحاف |
رد: كلمات سبحان الله يا لطيف للشيخ العنقة رحمع الله
كلمات جواهر ودرر............................... مشكـــــــــــــــــــــــــــــــــــــــــــــــ ــــــــــــــــــــــــــــور
|
رد: كلمات سبحان الله يا لطيف للشيخ العنقة رحمع الله
بارك الله فيك على هذا القصيد الرائع و جزاك الله خيرا. يبقى الشعبي قمة في الكلمات و الشيخ العنقى شيخ الشيوخ.
ربي يرحم شيخنا العنقى. |
رد: كلمات سبحان الله يا لطيف للشيخ العنقة رحمع الله
كاين اللي يجي بسيف * يبدأ يتزعم * و يقولأنا غير أنا ما كان خلاف خصوص إذا أنت سعيف * تسكت و تسلم * ترجعفي حينها حلاسة و إلا نشاف كاين اللي يجي تقيف * يعرف يتكلم * بالكتوب و الرسول و السادات الأشراف يخدعك غير بالحليف * يقسم و يعظم * والسبحة راه من وراها عامل زرناف كاين اللي يجي لهيف * بنيابه يهضم * مارواته ميات صحفة و ألف غراف يبغي كرسي من الصديف * و كنوز العالم * اللويز و الماس و الفضاضي من كل أصناف كاين اللي يجيك ضيف * بالقش مرزم * في يومالبرد و الشتا و الريح الزفزاف فاتت الأمطار و الخريف * ما زال مرسم * يرجع هو مول دارك و أنت جحراف كاين اللي يجيك عفيف * ما زاله يحلم * ذقنه ما زال ما عرف موس الحفاف يرجع ضربان لا تصيف * زقطي متشلغم * باعكو شراك في دقيقة عند الحراف غنيت شحال من قصيد * منظوم مستف * و الناسجميع عارفة فني ما هوش مالمسيد * مانيش مثقف * قرانيالجوع و الحفا خبزي مصنوع من سميد * ماهوش مسلف * داريماهيش تالفة يشهد القريب و البعيد * ما نيش موالف * نهدر و نقول في القفا عظمي ماهوش للكديد * مانيش محشلف * أرضيماهيش ناشفة الصيد يموت ياك صيد * و لو كي يشرف * منهالذياب خايفة اللي مقيود ما يقيد * يشد المقذف * في وسطرياح عاصفة مول المنظوم و القصيد * ما هوش مطرف * منأهل الصدق و الوفا ولد باب جديد بالوكيد * ببير جبح نحلف * التومي قال مصطفى و اللي غناها عميد * فيها يتصرف * شيخالعنقا اذا كفى عام السبعين لا تزيد * من بعد الالف * والبسع ميا مردفة الجزاير عهدها جديد * سنجاق يرفرف * تميتو قلت بالشفا من اروع ما غنى......رحمه الله مشكور اخي الكريم |
رد: كلمات سبحان الله يا لطيف للشيخ العنقة رحمع الله
كلمات تطرب بها المسامع و نشيد بها في اشعارنا مشكوووووور
|
رد: كلمات سبحان الله يا لطيف للشيخ العنقة رحمع الله
مشكور اخي و لو ان في نفسي طلب اذا ممكن كلمات قصيدة الحراز
مشكور على هذا الذوق الاصيل في زمن المجون و نشريلك بارابول شدي لالمان |
رد: كلمات سبحان الله يا لطيف للشيخ العنقة رحمع الله
formidable
|
رد: كلمات سبحان الله يا لطيف للشيخ العنقة رحمع الله
شكرا على الموضوع
تقبل مروري سلام من أسامة |
رد: كلمات سبحان الله يا لطيف للشيخ العنقة رحمع الله
مشكور يعطيك الصحة وتقبل مروري
|
رد: كلمات سبحان الله يا لطيف للشيخ العنقة رحمع الله
مشكوووووووووووووور أخي ... تحياتي
|
الساعة الآن 03:12 PM. |
Powered by vBulletin
قوانين المنتدى