قال السردوك يا أهلاكي
قال السردوك
* يا أهلاكي طيروا لي الحمورة من أحناكي أصبح راسي كي التشكة وافقدت كل حركة من ريشي طرزوا الحياك و أظفاري صاروا أمساسك اللي يشوفني يتكاكا و يقول هذا حال المعارك رقاقوا من كثرت الدليك اللي أدى بهار غيره , ما أكلا البوراك ؟ غير ورط نفسه في المهالك اللي ماهو ليك * غير يعييك أفطن قبل تبان عيوبك * يا المدموك يا شبيه العلكة منين جبت هذا التركة خلاها بوك ؟ تعيا مجرد من ريشك * كي السردوك.. * صون لسانك و شد يديك تستقام أحوالك * على السكة كل صعلوك يجيه بلاه من البركة الفم المشرك لسانه يركا و العين شرها يهلك اللي الغيرك * ما هو ليك * شد يديك حتى و تديه ما ينفعك يزيد لك غير في الوعكة أشحال فاتوا من قبلك * صاحب الربطة و المشابك كي جات ساعته أبكى قال ..لو كان نعيش ألف نزكي ندير قبة و نبارك نصبر على هم الدنيا ما نبكي مالي و طعامي نشارك و اندير الفقير شريكي و اللي فاتوه سويعات البركة * خلاص ضحكه يا العبد الراكي * أحصلت في الشبك كيف السلاك ؟ * وين هروبك ؟ محمد داود |
الساعة الآن 11:03 AM. |
Powered by vBulletin
قوانين المنتدى