منتديات الشروق أونلاين - سلاطة مهراس المسيلية

السلام عليكم ورحمة الله وتعالى وبركاته
اليوم درت للغداء سلاطة مهراس او الزفيطي او كاين عنده اسم اخر
ورغم اختلافه حبيت اليوم نحطلكم السلاطة المهراس المسيلية باه تتعرفو عليها وتجربوها لما لا
نبداو بسم الله نحطو الدقيق نعجنوه بالماء والملح
http://www.elfadila.com/upload/uploa...24d11cadbd.jpg
بعد ذلك نشوي الطماطم والفلفل الاخضر الحار والثوم على الطاجين فوق النار
http://www.elfadila.com/upload/uploa...d4cd385a61.jpg
كي يطيبو ننقو الطماطم نحطوها في مرميطة مع كاس ماء وشويا ملح ونقطعو فيها نصف ربطة كسبر
http://www.elfadila.com/upload/uploa...4f4e5b9852.jpg
وننقيو الفلفل والثوم نديروهم في المهراس
http://www.elfadila.com/upload/uploa...6c906212f6.jpg
ونزيدولهم فلفل احمر يابس نغسلوه وننقيوه من الزريعة وملح
http://www.elfadila.com/upload/uploa...58fc121459.jpg
نهرسو الخليط اللي في المهراس حتان يصبح رطب ومدقدق
http://www.elfadila.com/upload/uploa...0e5c3365a9.jpg

نطيبو الكسرة في الطاجين
http://www.elfadila.com/upload/uploa...5bfae032a0.jpg
بعد ما تطيب الكسرة نطبقوها على 4 ونحطوها في المهراس ونهرسو حتان تدقدق مليح وتتخلط مع الخليط اللي كنا هرسناه من قبل وفي نفس الوقت نكونو لحنا الخبزة التانية في الطاجين وكي تطيب نطبقوها على 4 ونلوحوها في المهراس وندقوه وهي الكسرة سخونة
http://www.elfadila.com/upload/uploa...506d5a8b75.jpg
وبعد ذلك نحطو الخليط نتاع الطماطم والكسبر بالتدريج
http://www.elfadila.com/upload/uploa...5bd0b11337.jpg
ونبقاو ندقو في المهراس حتان تتفتت الكسرة مليح
http://www.elfadila.com/upload/uploa...8f6f5e3d51.jpg
ونبقاو نضيفو الطماطم والماء نتاعها حتان تختلط كل المكونات مليح
وفي الاخير نحطولها شويا كسبر وشهية طيبة
http://up.azyya.com/do.php?imgf=1367258008591.png http://www.elfadila.com/upload/uploa...d145b4243d.jpg http://im13.gulfup.com/VfxE5.jpg