حَبَا حَبَا يْلَا بْغَيْتْ تُوصَلْ
 

حَبَا حَبَا يْلَا بْغَيْتْ تُوصَلْ

حَبَا حَبَا يْلَا بْغَيْتْ تُوصَلْ-- وَالقْلَقْ مَا يْدِيرْ حَلْ
الي يَتْعَدَّا عْلىَ المْلَاحْ يَنْذَلْ-- وَالنَفْسْ تْغُرْمَنْ جْهَلْ
الِي يَتْمَادَا فَالْعَيْبْ يَبْسَلْ -- أوُيَنْعَافْ إذا بْسَالْ
الْعَيْبْ عُمْرَهْ مَا يْوَصَّلْ-- وْطُرْقَانَهْ مَا هُمْشِ طْوَالْ
أَلدَّهْـرْ بَالْمْطُولْ يَرْكَـلْ-- أليِّ يَسْـتَـسَغْـرُو الْقْلَالْ

وَحْدَة وَحْدَة إلىَ بْغَيْتْ تُوصَلْ --وَالْقْلَقْ مَا يْدِيرْ حَلْ
إلي يَتْعَدَّا يْمُوتْ غَامَلْ-- يَا لَوْكَانْ يْكُونْ مَالْغْوَالْ
مَا تَحْسَبْشِ الرَّبْ غَافَلْ -- وَلّا يَخْفَى عْلِيهْ حَالْ
وِينْ قَارُونْ ألي كاَنْ جَاهَلْ--أطْغَى أوْهَيْجُو المَالْ
مَهْمَا طَالْ الأَجْل يَكْمَلْ -- أومَنْتَالِي شُوفْ الْكْمَالْ

دُوقَ1 دوقَ2 يْلاَ بْغَيْتْ تُوصَلْ-- وَالْقْلَقْ مَا يْدِيرْ حَـلْ
شْحَالْ مَنْ زَعِيمْ كَانْ وَرْحَلْ--وَبْقَا مَنَّهْ غِيرْ الخْيَـالْ
وَشْحَالْ مَنْ ضَالَمْ تَاغْ وَجْهَلْ--وَالْوَقْتْ حَطّهْ تَحْتْ النْعَالْ
طَـالْ الدَّهْــرْ وَلّا تْكَسَــلْ -- لَبُدَ يَوْمْ يْجِي الْكْمَـالْ
أَصْفَى لِله وْكُـونْ عَاقَــلْ -- مَنْ هَاذُوا تَدّي المْثَالْ
بفلم بن عومر

1- 2 : القاف بثلاثة نقاط تقرأ douga douga