منتديات الشروق أونلاين

منتديات الشروق أونلاين (http://montada.echoroukonline.com/index.php)
-   منتدى المواضيع المنقولة (http://montada.echoroukonline.com/forumdisplay.php?f=182)
-   -   تروى على لسان صاحبـ (ت) ها فيـ (ت)قول(حكاوي...والعهدة على الراوي) (http://montada.echoroukonline.com/showthread.php?t=355341)

warda22 15-10-2016 10:28 PM

تروى على لسان صاحبـ (ت) ها فيـ (ت)قول(حكاوي...والعهدة على الراوي)
 
بهذا الموضوع ساجمع بعض القصص التي يقال انها واقعية او على الاقل مروية على لسان صاحبها او صاحبتها
هذه القصص منقولة عن صفحات او مجموعات بمواقع التواصل الاجتماعي
ببعضها عبرة واخريات فقط للترفيه بينما اخرى تطرح الف سؤال
تحياتي

أبو اسامة 15-10-2016 10:32 PM

رد: تروى على لسان صاحبـ (ت) ها فيـ (ت)قول...
 
حكاوي...والعهدة على الراوي

متابعين...بالتوفيق عمو

warda22 15-10-2016 10:41 PM

رد: تروى على لسان صاحبـ (ت) ها فيـ (ت)قول...
 
قصة 1

روى على لسان صاحبتها و التي يقال انها حكتها في اخر ايام حياتها لتكون عبرة لمن بعدها :
انا صابرين .....بنت من بنات العاصمة تربيت احسن تربية عند اهلي و مع انو كنا عائلة متفتحة لا نطبق من الدين شيئا ...والديا ما يصلوش و جامي حضونا على الصلاة او اي شيء من واجباتنا الدينية ...قريت في مدارس خاصة و كنت محط اعجاب الكثير ....للحقيقة ليس لجمالي الخلاب. و لكن لمالي و مظهري الفاضح الذي لم تكن عين تراه و لم تدقق فيه ...للاسف انطبق على المثل لي يقول : لي خانو الزين يعري الكرعين

كنت من واحد لواحد كيما نقولو ...من الزين لصاحب المال لصاحب الجاه ..جامي حبيت بقلبي مي كنت نحب نتفاخر بعدد المعجبين من حولي ...كنت نبان واثقة بروحي و مغرورة مع انو كانت عندي عقدة من شكل وجهي .....ديت الباك و طلعت للجامعة و مزلت لم يتغير فيا شيئ نفس الفاجرة المغرورة


الى يوم شفتو ...نتفكر كنت نمشي انا و حبيبي اسمو نسيتو ...مي كي شفت معاه نتفكر بقيت نشوف فيه ..بان لي حاجة غريبة ...كان شاب ابيض و وجهو فيه نور غير طبيعي ...ملتحي هاد الشي لي كان نااااادر جدا هداك الوقت ....و كان جالس وحدو و يرتل فالقران ..بقيت نشوف معاه مبعد اقتربت منو و قعدت شوي قريبة ليه باه نقدر نسمعو و هو يرتل القران


انا نسيت روحي و قعدت نسمع فيه. ..بعد مدة ناض و راح ..حسيت حاجة تحركت فيا بغيت نروح ليه و نقولو كمل بصح مقدرتش ...مي منسيتوش و بحكم عندي علاقات كثيرة فالجامعة سقسيت عنو و بغيت نعرف اسمو و وين يقرا


قالولي اسمو محمد في عمرو 24 سنة و متزوج ....كي سمعت بلي متزوج حسيت حاجة غريبة مي قلت و حتى كان متزوج انا حابة نحكي معاه على اساس صديق و نتقرب منووو فقط ..هكا بررت لنفسي و بديت نخمم كيفاه نروح ليه و نتعرف عليه

نتذكر اول مرة رحت قدامو و قتلو خويا معليش نسقسيك قالي اتفضلي ختي و كمل يشوف مع الكتاب لي كان حاملو ...لي حرقتلي قلبي ما شافش معايا حتى ...قلت معليهش قعدت قدامو و كنت لابسة لباس فاضح للاسف لانو نفسي كانت تظن بلي راح نغويه كيما لي قبلو....ريحة البارفان و الماكياج ....انا قعدت قدامو هو ناض و قالي ختي تعيشي كشما اسحقيتي ؟ كذبت قتلو هذا اول يوم ليا هنا و محتاجة واحد يوريني وين نروح ...قالي ختي سمحيلي شوفي كش بنت تساعدك يكون احسن و راح
حسيت باهانة ...موقف جامي تعرضتلو في حياتي

من هداك الموقف حلفت براس يما ياو منخليهش يركع تحت رجليا منكونش انا صابرين لي شباب الجامعة يحلمو بنظرة من عندي....للاسف نفسي الضعيفة خلاتني ننسا روحي و نحطو هو اول هدف في حياتي. ...رحت ليه ثاني مرة و قتلو محمد حابة نعترف لك بحاجة ...شاف معايا باستغراب و و قالي انعم ؟؟ ...قتلو نتا محمد ؟ قالي ايه ختي نتي شكون ؟؟ قتلو اول مرة شفتك وقعت في حبك و حابة نكون ليك ...و من وقاحتي و جراتي حكمت يدو و قتلو نتا وش رايك ....وجهو احمر و جبد يدو و قالي ختي راني متزوج احشمي على روحك ...استغفر ربي و راح. ..ثاني مرة يعاملني بنفس الطريقة
كنت حنموت من الغيظ و نخمم غير باه ننتقم منو مع انو صح حبيتو ...قادر ما تصدقوش مي والله حبيتووو . كان مختلف و عندو نظرة. تخطف القلوب

لغدوا قررت نتحجب ...اهلي رفضو الفكرة مي قنعتهم بلي فترة نجرب فيها شيئ جديد ...لبست الحجاب و حجاب شرعي ...عرفت بلي هو مكانو المفضل مسجد معروف كان يقضي فيه اغلب وقتو و كان احيانا يصلي بالناس ثما ....اهلي و اصدقائي حسبوني هبلت كيما كانو يقولولي هبلتي نتي ....وليت متحجبة زائرة دائمة للمسجد ...كنت ورا كل صلاة نلمحو خارج من باب المسجد المخصص للرجال ....كانت شوفتو برك تكفيني باه نرجع لقصري الفاخر و نحلم بيه كل ليلة

مرة من المرات كنت كي لعادة فالمسجد في بيت الله لكن تفكيري منحصر فيه ....تقدمت مني فتاة متجلببة ...الصراحة كانت اية فالجمال ...قاتلي ختي نتي دايما نشوفك هنا و الصراحة عجبتيني حبيت نتعرف عليك قعدنا نحكيو و كنت نشوف معاها و تاثرت بيها ...مثال حي لعبارة زين و دين ...وصل وقت صلاة العصر ...سمعت الامام يقرا من اللحظة هديك عرفتو بلي محمد هو الامام اليوم ...قلبي بدا يخبط و يديا يرجفووو ..كملنا الصلاة ..التفتت ليا الفتاة هديك و قاتلي صوتو ما شاء الله هاه ؟؟ .قتلها والله صح قاتلي هذا زوجي محمد .....حسيت كانو شخص طعنني بسكين لقلبي

خرجت من المسجد بسرعة ...قلبي يخبط و عينيا معمرين دموع ....بغيت نقتلها بغيت نخنقها معرفتش وش حسيت تجاهها. ..و لي زاد عليا اكثر كانت اجمل مني ب 10 المرات. .....رجعت للدار غبت عن المسجد ايامات كثيرة رجعت لعوايدي العرا و الفاضح و السهرات و الاصدقاء
كانت مرحلة صعبة عليا حسيت روحي اكتئبت ...علاه يا ربي الوحيد لي بغيتو في حياتي متزوج و ما عندي حتى طريقة نوصلو بيها ....كنت ضعيفإ و الشيطان يلعب بيا حتان توصلت لفكرة كانت تبدو لي احسن حل...نسحرو و نخطفو من زوجتو و يكون ملكي وحدي

كنت لا علاقة بهاد الموضوع ....فقط نعرف بلي كاين سحر يفرق بين الزوجين....صديقتي المقربة الهام كانت لوحيدة لي تعرف كلش وش راهو يدور في قلبي ...حكيتلها بلي حابة نسحرو و هذا هو الحل الوحيد لي عندي ...مستحيل نقدر ننافس زوجتو لا جمالا و لا دينا ....الهام كانت بنت احياء شعبية كنت نحبها لانها كانت توافقني في كلش نحبو و توقف معايا ...طلبت منها تسقسي و تستفسر و تدلني على اي مكان نروح ليه لانو كنت جاهلة تماما ...و هي بالفعل لانو كنت ندعمها ماديا سقسات و جابتلي عنوان امراة في مكان شوي بعيد و قاتلي هذا هو طلبك

كنت خايفة لكن كل ما نتفكر وجه زوجتو البريئ تزيد تهب فيا نار الغيرة و نصمم على فعلي ... رحت انا و الهام دخلت لواحد المكان نقدر نقول شبه منزل ...فيه روايح كثيرة عييت نميز اي ريحة فيهم ....استنينا فترة مبعد دخلنا لعندها...بدات تسقسي فيا شكون نتي و وش حبيتي ....قتلها نمدلك وش تحبي قد ما تحبي المهم تفرقي بينهم و تعاونيني انا ندي بلاصتها في قلبووو ..ضحكت و قاتلي اسهل ما يكون حلها عندي


وصاتني باه نرجع. تفهمني وش لازم ندير ...انا خفت و كلفت الهام ترجع و تولي هي الوسيطة بيننا ....الامر كان اسهل مما ظنيت ...بعثتلي ورقة صغيرة في طرف قماش ...قاتلي كل لي عليك تديريه تحطيها في نص بيتهم هذا مكان و الباقي شغلي انا ...انت كل ما دفعتي اكثر كل ما طلبك تحقق بسرعة ....حقيقة فرحت و قلت و اخيرا راح يتحقق لي عندي مدة نسنا فيه....


رجعت لبست الحجاب و رجعت مداومة زيارة المسجد. ...كنت كل يوم نسنا نشوفها ...حتان و اخيرا جات ...تقربت منها سلمت عليها و حتى هي قاتلي هذي غيبة ختي وين كنتي ....بديت نحكي معاها و ندي و نجيب فالهدرة لعل نقدر نوصل بطريقة نروح معاها لبيتهم ...كانت تتجاوب معايا بكل صدق و براءة والله يا تبان ملاك فوق الارض. ...بصح كنت مصممة محمد ليا وحدي و مستحيل نخليها تزيد تتهنا بيه. ..صلينا كملنا تظاهرت بلي دخت و راسي يوجع ....مع شافتني على لحالة هذيك جات عندي و تقولي خير ختي وش بيك
قتلها معليهش ختي عندي مرض السكر و بيا التعب برك ....قاتلي لا حبيتي نوصلك لداركم قتلها دارنا بعيدة بزاف من هنا و مستحيل نوصل و انا هاك خلي نبقا فالمسجد حتان نرتاح شوي ...قعدت شوي و قاتلي هيا ختي نديك لداري مهيش بعيدة بزاف منها نتونسو خفت نخليك وحدك هنا حالتك تباني مريضة و مستحيل نخليك وحدك

كانت ساذجة لدرجة غير معقولة ولا انا لي كنت خبيثة .....المهم وصلتني لدارها كانت دار متواضعة فيها زوج غرف فقط ....مي كانت منظمة و تحس بالراحة فيها محمد كان غايب و كانت وحدها ...سقسيتها عندها اولاد تبدل لون وجهها و قاتلي منجيبش لولاد ......جابتلي عصير و قعدت تحكيلي كيفاه تعرفو و كيفاه حتان حبها ...و مع انو والاطباء اكدو بلي هي عقيم محبش يتخلى عليها ..حسيت بالشفقة تجاهها لكن تفكرت علاه جيت و تجاهلت الشعور لي حكمني تجاهها

طلبت منها كاس ما دافي مع شوي سكر ...قلت هكا نلهيها شوي ...راحت للمطبخ انا جبدت لي وصاتني عليه و حطيتو تحت الفراش لي في الغرفة...كانو يديا يرجفو حسيت روحي اسوأ انسان على وجه هاد الارض مي عشق محمد كان اقوى من احساس الندم ....كملت لي جيت على جالو شكرتها و خرجت من دارهم ...لي كنت متأكدة راح ترجع داري عن قريب


كنت يوميا نبعث لهذيك المرا فالدراهم و نقلها وكتاه يتفارقو وكتاه. يرجع محمد ملكي انا ..فهمتني بلي الامر يطول و لازم نصبر ...صبرت 9 اشهر و انا نسنا ...رجعت نزور المسجد ما نلقاهاش ....لا هي لا هو ...يوميا نروح ما نلقا حتى واحد منهم ....حتان قررت نروح نزورهم في دارهم باه نعرف وش صرا ...طبطبت فالباب ما فتحوش ....سقسيت الجارة لي قدامهم قتلها اهل هاد البيت وينهم ؟؟؟ ...قاتلي الراجل مسكين توفات زوجتو و خلاتو وحدو و درك 3 اشهر حابس روحو فالدار ما يفتح لحتى واحد.. .كان يحبها لكن الموت فرقهم ...لله ما اعطى و لله ما اخذ ...انصدمت حسيت بغصة في صدري سالتها كيفاه ماتت قاتلي ايامها الاخيرة حكمتها حمى و ماتت منها


رجعت نبكي طول الطريق و نقول انا لي قتلتها انا مجرمة قتلت نفس بريئة ....رحت للمرا هذيك حبيت نخنقها نعيط و نقلها قتلك افرقيهم علاه قتلتيها علاه .....علاه درك انا رجعت قاتلة ...ندمت صح و حبيت ننتحر ...لكن الهام بطريقة ما قنعتني بلي انا بريئة ...ايه انا بريئة ...قاتلي هذا هو عمرها و نتي بريئة ....قنعتني صح بلي السحور تاعي كان باه يفرقهم فقط هي اصلا كانت حتموت فهاد الوقت
و انا من غبائي اقتنعت و من ضعف ايماني قررت نكمل درك مدام العائق الوحيد لي بيني و بين حبيبي راح للابد

رجعت مرة ثانية لدارهم ....طبطبت هاد المرة فتح محمد الباب قالي اتفضلي شكون نتي....نساني ايه نساني تماما ....قلت معليهش هكا احسن او لانو تحجبت وتجلببت ما عرفنيش. .ِ..قتلو انا صديقة قديمة لزوجتك و جيت نعزي اهل بيتها قاتلي تفضلي و نادالي اهل بيتو ...لقيت ام زوجتو و امو و اختو عندو. استقبلوني و ضيفوني و بداو يحكولي عنها كيف كانت وكيفاه توفات

يماها كانت محروق قلبها عليها الدموع غلبوني ...ايه منافقة نقتل القتيل و نمشي في جنازتو ....يماه قاتلي والله بنتي من دموعك باينة كنتي تحبيها كيفاه عرفتيها ؟؟
قتلها كنت رفيقتها فالمسجد كنا دايما نتلاقاو ثم ....يماه حسيتها تشوف معايا بطريقة غريبة مبعد بدات تسقسي فيا اسمك و منين انتي و وش ديري فحياتك ....كي جيت خارجة من عدنهم قاتلي امثالك نتي و المرحومة قلال يابنتي. فهاد الوقت ......كان تحبي عطيني عنوان اهلك نزوركم نتعرف على اهلك ادا مكانش احراج
قلبي رجع يخبط و فهمت مرادها من هاد الكلام .....عظيتهولها و رجعت للدار قلبي يخبط و عينيا معمرين دموع فرحة ...عشقي محمد

و صدقو ولا لا ....بعد 5 اشهر من وفاة زوجتو جات يماه و اختو و طلبو يدي من اهلي و كانو فرحانين لانهم كانو يشوفو فيا نفس اخلاق المرحومة ...الفتاة المتدينة لي تخاف ربي و تزور بيتو دايما. ..محمد كان رافض الفكرة مي اقتنع اخيرا لانهم قنعوه بحسن اخلاقي و طيبتي
كنت فرحانة و نوجد لعرسي لي درت المستحيل باه تحقق ....نسيت زوجتو نسيت السحور نسيت وش درت كامل
و الغريب رجعت نصلي صح و نقول يا ربي كملي في زواجي ....ايه تقدرو تقول شيطاني تغلب عليا و عماني ....محمد ماحبش. يحكي معايا ابدا و قال لاهلو اتفاهمو معاها كي تجي لدارها عروسة ني نتعرف عليها ...كان متدين و يخاف ربي و انسان حاشا الكمال لله مي في نظري كااامل

مي كيما قالو كما تدين تدان .....سمانة قبل عرسي تماما توفى محمد في حادث سيارة و لحق زوجتو ....ايه مكانش من مكتوبي و رغم كل لي درتو ما ديتوش و ما تهنيتش بيه نهار واحد ....تحرق قلبي عليه ....هبلت و رجعت نداوي عند طبيب نفسي و نشرب فالمهدئات .....رجعت نتكلم معاه كانو موجود ....نشوف خيالو وين نروح ....وين رحت و خليتني كي قريب نرجع ليك ...كي قرب حلمي يتحقق رحت و خليتني ....راح لزوجتو عند ربي وانا قعدت نتحرق بنار الدنيا قبل نار الاخرة .......كل يوم نسنا تخرج روحي الخبيثة و نطلع لعند ربي يحاسبني .

نهاية القصة 1

warda22 15-10-2016 10:43 PM

رد: تروى على لسان صاحبـ (ت) ها فيـ (ت)قول(حكاوي...والعهدة على الراوي)
 
اقتباس:

المشاركة الأصلية كتبت بواسطة أبو اسامة (المشاركة 2161640)
حكاوي...والعهدة على الراوي

متابعين...بالتوفيق عمو

تسلم عمو ساقتبس العنوان من مشاركتك اذن
تحياتي

أبو اسامة 15-10-2016 10:53 PM

رد: تروى على لسان صاحبـ (ت) ها فيـ (ت)قول...
 
اقتباس:

المشاركة الأصلية كتبت بواسطة warda22 (المشاركة 2161642)
قصة 1

روى على لسان صاحبتها و التي يقال انها حكتها في اخر ايام حياتها لتكون عبرة لمن بعدها :
انا صابرين .....بنت من بنات العاصمة تربيت احسن تربية عند اهلي و مع انو كنا عائلة متفتحة لا نطبق من الدين شيئا ...والديا ما يصلوش و جامي حضونا على الصلاة او اي شيء من واجباتنا الدينية ...قريت في مدارس خاصة و كنت محط اعجاب الكثير ....للحقيقة ليس لجمالي الخلاب. و لكن لمالي و مظهري الفاضح الذي لم تكن عين تراه و لم تدقق فيه ...للاسف انطبق على المثل لي يقول : لي خانو الزين يعري الكرعين

كنت من واحد لواحد كيما نقولو ...من الزين لصاحب المال لصاحب الجاه ..جامي حبيت بقلبي مي كنت نحب نتفاخر بعدد المعجبين من حولي ...كنت نبان واثقة بروحي و مغرورة مع انو كانت عندي عقدة من شكل وجهي .....ديت الباك و طلعت للجامعة و مزلت لم يتغير فيا شيئ نفس الفاجرة المغرورة


الى يوم شفتو ...نتفكر كنت نمشي انا و حبيبي اسمو نسيتو ...مي كي شفت معاه نتفكر بقيت نشوف فيه ..بان لي حاجة غريبة ...كان شاب ابيض و وجهو فيه نور غير طبيعي ...ملتحي هاد الشي لي كان نااااادر جدا هداك الوقت ....و كان جالس وحدو و يرتل فالقران ..بقيت نشوف معاه مبعد اقتربت منو و قعدت شوي قريبة ليه باه نقدر نسمعو و هو يرتل القران


انا نسيت روحي و قعدت نسمع فيه. ..بعد مدة ناض و راح ..حسيت حاجة تحركت فيا بغيت نروح ليه و نقولو كمل بصح مقدرتش ...مي منسيتوش و بحكم عندي علاقات كثيرة فالجامعة سقسيت عنو و بغيت نعرف اسمو و وين يقرا


قالولي اسمو محمد في عمرو 24 سنة و متزوج ....كي سمعت بلي متزوج حسيت حاجة غريبة مي قلت و حتى كان متزوج انا حابة نحكي معاه على اساس صديق و نتقرب منووو فقط ..هكا بررت لنفسي و بديت نخمم كيفاه نروح ليه و نتعرف عليه

نتذكر اول مرة رحت قدامو و قتلو خويا معليش نسقسيك قالي اتفضلي ختي و كمل يشوف مع الكتاب لي كان حاملو ...لي حرقتلي قلبي ما شافش معايا حتى ...قلت معليهش قعدت قدامو و كنت لابسة لباس فاضح للاسف لانو نفسي كانت تظن بلي راح نغويه كيما لي قبلو....ريحة البارفان و الماكياج ....انا قعدت قدامو هو ناض و قالي ختي تعيشي كشما اسحقيتي ؟ كذبت قتلو هذا اول يوم ليا هنا و محتاجة واحد يوريني وين نروح ...قالي ختي سمحيلي شوفي كش بنت تساعدك يكون احسن و راح
حسيت باهانة ...موقف جامي تعرضتلو في حياتي

من هداك الموقف حلفت براس يما ياو منخليهش يركع تحت رجليا منكونش انا صابرين لي شباب الجامعة يحلمو بنظرة من عندي....للاسف نفسي الضعيفة خلاتني ننسا روحي و نحطو هو اول هدف في حياتي. ...رحت ليه ثاني مرة و قتلو محمد حابة نعترف لك بحاجة ...شاف معايا باستغراب و و قالي انعم ؟؟ ...قتلو نتا محمد ؟ قالي ايه ختي نتي شكون ؟؟ قتلو اول مرة شفتك وقعت في حبك و حابة نكون ليك ...و من وقاحتي و جراتي حكمت يدو و قتلو نتا وش رايك ....وجهو احمر و جبد يدو و قالي ختي راني متزوج احشمي على روحك ...استغفر ربي و راح. ..ثاني مرة يعاملني بنفس الطريقة
كنت حنموت من الغيظ و نخمم غير باه ننتقم منو مع انو صح حبيتو ...قادر ما تصدقوش مي والله حبيتووو . كان مختلف و عندو نظرة. تخطف القلوب

لغدوا قررت نتحجب ...اهلي رفضو الفكرة مي قنعتهم بلي فترة نجرب فيها شيئ جديد ...لبست الحجاب و حجاب شرعي ...عرفت بلي هو مكانو المفضل مسجد معروف كان يقضي فيه اغلب وقتو و كان احيانا يصلي بالناس ثما ....اهلي و اصدقائي حسبوني هبلت كيما كانو يقولولي هبلتي نتي ....وليت متحجبة زائرة دائمة للمسجد ...كنت ورا كل صلاة نلمحو خارج من باب المسجد المخصص للرجال ....كانت شوفتو برك تكفيني باه نرجع لقصري الفاخر و نحلم بيه كل ليلة

مرة من المرات كنت كي لعادة فالمسجد في بيت الله لكن تفكيري منحصر فيه ....تقدمت مني فتاة متجلببة ...الصراحة كانت اية فالجمال ...قاتلي ختي نتي دايما نشوفك هنا و الصراحة عجبتيني حبيت نتعرف عليك قعدنا نحكيو و كنت نشوف معاها و تاثرت بيها ...مثال حي لعبارة زين و دين ...وصل وقت صلاة العصر ...سمعت الامام يقرا من اللحظة هديك عرفتو بلي محمد هو الامام اليوم ...قلبي بدا يخبط و يديا يرجفووو ..كملنا الصلاة ..التفتت ليا الفتاة هديك و قاتلي صوتو ما شاء الله هاه ؟؟ .قتلها والله صح قاتلي هذا زوجي محمد .....حسيت كانو شخص طعنني بسكين لقلبي

خرجت من المسجد بسرعة ...قلبي يخبط و عينيا معمرين دموع ....بغيت نقتلها بغيت نخنقها معرفتش وش حسيت تجاهها. ..و لي زاد عليا اكثر كانت اجمل مني ب 10 المرات. .....رجعت للدار غبت عن المسجد ايامات كثيرة رجعت لعوايدي العرا و الفاضح و السهرات و الاصدقاء
كانت مرحلة صعبة عليا حسيت روحي اكتئبت ...علاه يا ربي الوحيد لي بغيتو في حياتي متزوج و ما عندي حتى طريقة نوصلو بيها ....كنت ضعيفإ و الشيطان يلعب بيا حتان توصلت لفكرة كانت تبدو لي احسن حل...نسحرو و نخطفو من زوجتو و يكون ملكي وحدي

كنت لا علاقة بهاد الموضوع ....فقط نعرف بلي كاين سحر يفرق بين الزوجين....صديقتي المقربة الهام كانت لوحيدة لي تعرف كلش وش راهو يدور في قلبي ...حكيتلها بلي حابة نسحرو و هذا هو الحل الوحيد لي عندي ...مستحيل نقدر ننافس زوجتو لا جمالا و لا دينا ....الهام كانت بنت احياء شعبية كنت نحبها لانها كانت توافقني في كلش نحبو و توقف معايا ...طلبت منها تسقسي و تستفسر و تدلني على اي مكان نروح ليه لانو كنت جاهلة تماما ...و هي بالفعل لانو كنت ندعمها ماديا سقسات و جابتلي عنوان امراة في مكان شوي بعيد و قاتلي هذا هو طلبك

كنت خايفة لكن كل ما نتفكر وجه زوجتو البريئ تزيد تهب فيا نار الغيرة و نصمم على فعلي ... رحت انا و الهام دخلت لواحد المكان نقدر نقول شبه منزل ...فيه روايح كثيرة عييت نميز اي ريحة فيهم ....استنينا فترة مبعد دخلنا لعندها...بدات تسقسي فيا شكون نتي و وش حبيتي ....قتلها نمدلك وش تحبي قد ما تحبي المهم تفرقي بينهم و تعاونيني انا ندي بلاصتها في قلبووو ..ضحكت و قاتلي اسهل ما يكون حلها عندي


وصاتني باه نرجع. تفهمني وش لازم ندير ...انا خفت و كلفت الهام ترجع و تولي هي الوسيطة بيننا ....الامر كان اسهل مما ظنيت ...بعثتلي ورقة صغيرة في طرف قماش ...قاتلي كل لي عليك تديريه تحطيها في نص بيتهم هذا مكان و الباقي شغلي انا ...انت كل ما دفعتي اكثر كل ما طلبك تحقق بسرعة ....حقيقة فرحت و قلت و اخيرا راح يتحقق لي عندي مدة نسنا فيه....


رجعت لبست الحجاب و رجعت مداومة زيارة المسجد. ...كنت كل يوم نسنا نشوفها ...حتان و اخيرا جات ...تقربت منها سلمت عليها و حتى هي قاتلي هذي غيبة ختي وين كنتي ....بديت نحكي معاها و ندي و نجيب فالهدرة لعل نقدر نوصل بطريقة نروح معاها لبيتهم ...كانت تتجاوب معايا بكل صدق و براءة والله يا تبان ملاك فوق الارض. ...بصح كنت مصممة محمد ليا وحدي و مستحيل نخليها تزيد تتهنا بيه. ..صلينا كملنا تظاهرت بلي دخت و راسي يوجع ....مع شافتني على لحالة هذيك جات عندي و تقولي خير ختي وش بيك
قتلها معليهش ختي عندي مرض السكر و بيا التعب برك ....قاتلي لا حبيتي نوصلك لداركم قتلها دارنا بعيدة بزاف من هنا و مستحيل نوصل و انا هاك خلي نبقا فالمسجد حتان نرتاح شوي ...قعدت شوي و قاتلي هيا ختي نديك لداري مهيش بعيدة بزاف منها نتونسو خفت نخليك وحدك هنا حالتك تباني مريضة و مستحيل نخليك وحدك

كانت ساذجة لدرجة غير معقولة ولا انا لي كنت خبيثة .....المهم وصلتني لدارها كانت دار متواضعة فيها زوج غرف فقط ....مي كانت منظمة و تحس بالراحة فيها محمد كان غايب و كانت وحدها ...سقسيتها عندها اولاد تبدل لون وجهها و قاتلي منجيبش لولاد ......جابتلي عصير و قعدت تحكيلي كيفاه تعرفو و كيفاه حتان حبها ...و مع انو والاطباء اكدو بلي هي عقيم محبش يتخلى عليها ..حسيت بالشفقة تجاهها لكن تفكرت علاه جيت و تجاهلت الشعور لي حكمني تجاهها

طلبت منها كاس ما دافي مع شوي سكر ...قلت هكا نلهيها شوي ...راحت للمطبخ انا جبدت لي وصاتني عليه و حطيتو تحت الفراش لي في الغرفة...كانو يديا يرجفو حسيت روحي اسوأ انسان على وجه هاد الارض مي عشق محمد كان اقوى من احساس الندم ....كملت لي جيت على جالو شكرتها و خرجت من دارهم ...لي كنت متأكدة راح ترجع داري عن قريب


كنت يوميا نبعث لهذيك المرا فالدراهم و نقلها وكتاه يتفارقو وكتاه. يرجع محمد ملكي انا ..فهمتني بلي الامر يطول و لازم نصبر ...صبرت 9 اشهر و انا نسنا ...رجعت نزور المسجد ما نلقاهاش ....لا هي لا هو ...يوميا نروح ما نلقا حتى واحد منهم ....حتان قررت نروح نزورهم في دارهم باه نعرف وش صرا ...طبطبت فالباب ما فتحوش ....سقسيت الجارة لي قدامهم قتلها اهل هاد البيت وينهم ؟؟؟ ...قاتلي الراجل مسكين توفات زوجتو و خلاتو وحدو و درك 3 اشهر حابس روحو فالدار ما يفتح لحتى واحد.. .كان يحبها لكن الموت فرقهم ...لله ما اعطى و لله ما اخذ ...انصدمت حسيت بغصة في صدري سالتها كيفاه ماتت قاتلي ايامها الاخيرة حكمتها حمى و ماتت منها


رجعت نبكي طول الطريق و نقول انا لي قتلتها انا مجرمة قتلت نفس بريئة ....رحت للمرا هذيك حبيت نخنقها نعيط و نقلها قتلك افرقيهم علاه قتلتيها علاه .....علاه درك انا رجعت قاتلة ...ندمت صح و حبيت ننتحر ...لكن الهام بطريقة ما قنعتني بلي انا بريئة ...ايه انا بريئة ...قاتلي هذا هو عمرها و نتي بريئة ....قنعتني صح بلي السحور تاعي كان باه يفرقهم فقط هي اصلا كانت حتموت فهاد الوقت
و انا من غبائي اقتنعت و من ضعف ايماني قررت نكمل درك مدام العائق الوحيد لي بيني و بين حبيبي راح للابد

رجعت مرة ثانية لدارهم ....طبطبت هاد المرة فتح محمد الباب قالي اتفضلي شكون نتي....نساني ايه نساني تماما ....قلت معليهش هكا احسن او لانو تحجبت وتجلببت ما عرفنيش. .ِ..قتلو انا صديقة قديمة لزوجتك و جيت نعزي اهل بيتها قاتلي تفضلي و نادالي اهل بيتو ...لقيت ام زوجتو و امو و اختو عندو. استقبلوني و ضيفوني و بداو يحكولي عنها كيف كانت وكيفاه توفات

يماها كانت محروق قلبها عليها الدموع غلبوني ...ايه منافقة نقتل القتيل و نمشي في جنازتو ....يماه قاتلي والله بنتي من دموعك باينة كنتي تحبيها كيفاه عرفتيها ؟؟
قتلها كنت رفيقتها فالمسجد كنا دايما نتلاقاو ثم ....يماه حسيتها تشوف معايا بطريقة غريبة مبعد بدات تسقسي فيا اسمك و منين انتي و وش ديري فحياتك ....كي جيت خارجة من عدنهم قاتلي امثالك نتي و المرحومة قلال يابنتي. فهاد الوقت ......كان تحبي عطيني عنوان اهلك نزوركم نتعرف على اهلك ادا مكانش احراج
قلبي رجع يخبط و فهمت مرادها من هاد الكلام .....عظيتهولها و رجعت للدار قلبي يخبط و عينيا معمرين دموع فرحة ...عشقي محمد

و صدقو ولا لا ....بعد 5 اشهر من وفاة زوجتو جات يماه و اختو و طلبو يدي من اهلي و كانو فرحانين لانهم كانو يشوفو فيا نفس اخلاق المرحومة ...الفتاة المتدينة لي تخاف ربي و تزور بيتو دايما. ..محمد كان رافض الفكرة مي اقتنع اخيرا لانهم قنعوه بحسن اخلاقي و طيبتي
كنت فرحانة و نوجد لعرسي لي درت المستحيل باه تحقق ....نسيت زوجتو نسيت السحور نسيت وش درت كامل
و الغريب رجعت نصلي صح و نقول يا ربي كملي في زواجي ....ايه تقدرو تقول شيطاني تغلب عليا و عماني ....محمد ماحبش. يحكي معايا ابدا و قال لاهلو اتفاهمو معاها كي تجي لدارها عروسة ني نتعرف عليها ...كان متدين و يخاف ربي و انسان حاشا الكمال لله مي في نظري كااامل

مي كيما قالو كما تدين تدان .....سمانة قبل عرسي تماما توفى محمد في حادث سيارة و لحق زوجتو ....ايه مكانش من مكتوبي و رغم كل لي درتو ما ديتوش و ما تهنيتش بيه نهار واحد ....تحرق قلبي عليه ....هبلت و رجعت نداوي عند طبيب نفسي و نشرب فالمهدئات .....رجعت نتكلم معاه كانو موجود ....نشوف خيالو وين نروح ....وين رحت و خليتني كي قريب نرجع ليك ...كي قرب حلمي يتحقق رحت و خليتني ....راح لزوجتو عند ربي وانا قعدت نتحرق بنار الدنيا قبل نار الاخرة .......كل يوم نسنا تخرج روحي الخبيثة و نطلع لعند ربي يحاسبني .

نهاية القصة 1

{ وَمَا تَشَاؤُونَ إِلَّا أَن يَشَاء اللَّهُ }

warda22 16-10-2016 08:25 PM

رد: تروى على لسان صاحبـ (ت) ها فيـ (ت)قول...
 
اقتباس:

المشاركة الأصلية كتبت بواسطة أبو اسامة (المشاركة 2161644)

صدق الله العظيم
شرفني مرورك
تحياتي

warda22 16-10-2016 08:26 PM

رد: تروى على لسان صاحبـ (ت) ها فيـ (ت)قول(حكاوي...والعهدة على الراوي)
 
قصة 2
تروي سيدة هذه القصة فتقول :
جلست فى مره مع سيده تعمل في تغسيل الموتى
وهى امرأه فاضله
فسألتها عن أعجب ما رأت طوال سنين عملها
فقالت : ذهبنا فى يوم لتغسيل وتكفين احدى المتوفيات وهى امرأه تبلغ من العمر76عاما
فلما دخلت عليها رأيت على وجهها ابتسامه واسعه ما رأيتها فى حياتى
فتعجبت ولمعت عينى بالدموع من جمال ابتسامتها
وقلت فى نفسى ماشاء الله وسألت الله ان يكتبها لى عند الموت
وبدئنا فى تغسيلها وانا عينى لا تفارق وجهها من جمال تلك الابتسامه
وكنت اقول فى نفسى ترى ما الذى كانت تفعله تلك المراه فى حياتها ليرزقها الله تلك الابتسامه عند الموت !!!
وانتهينا من تغسيلها وتكفينها وجاءوا وأخذوها الى المدافن لتدفن
وبينما انا منصرفه وجدت امرأه فى الاربعينات من عمرها تبكى بشده وتتوجع لفراق تلك المرأه فاقتربت منها وأخذت أواسيها وأبشرها وأخبرتها بأمر الابتسامه التى ترتسم على وجه المتوفيه وسألتها اذا كانت تعرفها
فأجابت بانها اصغر بناتها
فانتهزت الفرصه وقلت لها : بالله عليكى أخبرينى عن حال والدتك مع الله ؟
فقالت : امى امرأه عاديه بسيطه جدا لم تتعلم فلا تقرأ ولا تكتب وعاشت حياتها لا تعرف عن الصلاه شىء ولم تعرف القرأن
ونحن قد قصرنا فى حقها ولم نفكر فى يوم ان نعلمها كيف تصلى برغم من أنها لم ترتاح إلا وقد علمتنا ولم تبخل علينا طوال حياتها
وعندما بلغت امى الخامسه والستون من عمرها أرادت بشده ان تتعلم الصلاه وأخذت تلح علينا ان نعلمها ولكن كان عقل امى قد ضعف وما عادت تستطيع الحفظ فكلما علمنها أيه من القرأن تنساها
فما استطاعت ان تحفظ حتى الفاتحه وحاولنا أكثر من مره ولكن بدون فائده
ولكن هى لم ينقطع أملها وأخذت تحاول وتحاول وتبكى ولكن ماترك الزمان لها شىء فقد وهنت الذاكره وضعفت العينين وأرتعشت اليدين
فكانت عندما يأذن المؤذن للصلاه تتوضأ وتفترش سجادتها وتجلس ترفع يدها الى السماء وتقول بنفس اللهجه والنص ( يارب انا مش بعرف اصلى بس انت كريم ورحمتك واسعه ومش هدخلنى النار ) ثم تسجد وتدعو وتدعو وتبكى ووالله كنت أغار منها وأشعر ان الله قد يتقبل صلاتها ولا يتقبل صلاتى
وظلت امى على هذا الحال عشر سنوات ما تركت صلاه الا وتدعي نفس الدعاء الى ان ماتت رحمة الله عليها
تقول السيده : فقلت فى نفسى سبحان الله حرصت هذه المرأه على الصلاه وهى لا تعلم ونحن تركناها ونعلم.
نهاية قصة 2

amina 84 16-10-2016 08:27 PM

رد: تروى على لسان صاحبـ (ت) ها فيـ (ت)قول...
 
اقتباس:

المشاركة الأصلية كتبت بواسطة أبو اسامة (المشاركة 2161644)

صحيح عمو الله يكفينا شر نفوسنا العشق شيطان وصل بها المسكينة لمواصل الله لا يوصللها مومنة

amina 84 16-10-2016 08:38 PM

رد: تروى على لسان صاحبـ (ت) ها فيـ (ت)قول(حكاوي...والعهدة على الراوي)
 
شكرا وردة الله يختملنا بالصالحات و الإخلاص في القول و العمل لنظفر بمثل إبتسامة هذه الأم و كملي في قصص من نوع القصة الثانية و تجنبي تاع سحور و الله يرعبوا و يوقفوا القلب و يقطعوا النفس الله يعافيها و يعافيكم

warda22 16-10-2016 08:44 PM

رد: تروى على لسان صاحبـ (ت) ها فيـ (ت)قول(حكاوي...والعهدة على الراوي)
 
قصة 3
زوجي ....او جني العاشق
انا احلام ..فتاة مثل باقي الفتيات ...لكن من صغري كنت مفتونة بجمالي و لا احد من لي شافني ينكر هاذ الشي ...كنت معظم وقتي قدام لمرايا نتامل روحي ...كبرت و انا زيني كل يوم يزيد ...رجعت صبية مثل القمر و الخطاب كل يوم واحد ...كنت بطبيعة الحال نرفض لصغر سني و لانو كنت كل خاطب نلقا فيه الف عيب .
توفى ابي و انا في عمري 18 سنة ....بقيت انا و امي و اخي وحدنا ...خرجنا من دار جدي لانهم طردونا بعد وفاة بابا ....يما كانت تخدم و تبيع المطلوع و خويا كان صغير يقرا حوالي 14 سنة هذاك الوقت ...بالسيف يما باه دبرت دار للكرا في مكان شوي بعيد لكن احسن من الشارع ....اول يوم انتقلنا للدار حسيت بشي غريب ..الدار موحشة و الصراحة ما ارتحتش فيها ...كانت مظلمة ما توصلهاش الشمس و فارغة تماما ...قلت لامي انا منيش مرتاحة فالدار هذي قاتلي هذا هو مكتوبنا يا بنتي نسكنو و نسترو رواحنا حتان يفرجها علينا ربي
سكننا فالدار هذيك انا و خويا نقراو انا جوزت الباك و ما ربحتوش هذاك العام سجلت في معهد لتعلم الموسيقى ..و خويا كمل قرايتو كان شاطر بزاف ...و يما بطبيعة الحال تخدم علينا صباح و عشية باه تخلينا حاجة ما تخصنا ...من. اول نهار في هذيك الدار و انا قلبي مقبوض منها ...كنت نلاحظ فيها اشياء غريبة ..نسمع دايما اصوات تاع ناس تعيط ...نقول لماما تقلي نتي موسوسة و بركاي من هاد الهدرة ....خويا مع الوقت انزوى علينا اصبح يدخل يقفل الباب على روحو و يقعد وحدو ....انا حبيت نفهمهم كاينة حاجة غير طبيعية خاصة بعد اذان المغرب كنت نخاف نرقد وحدي ...للاسف واحد ما صدقني و ما حب ياخذ على كلامي
و الخطاب كي لعادة مع انتقالي للحي جديدة يسقسو هدي بنت شكون لكن انا ما كان عندي ميول لحتى شخص منهم و كنت نرفض بلا منعرف حتى شكون الخاطب ....كنت نحس بحوايج مكنتش نعرفهم في هذاك الوقت ..كنت نحشم نسال ماما ....
بقيت على هاد الحالة شهور عديدة ...كنت دايما نتفقد روحي فالمرايا ...مع لوقت حسيت شعري بدا يطيح و ينسل ....نجي نحكي لماما تقلي نتي عندك وسواس قهري اقراي قران و بركاي من هاد الافكار ...اكتئبت صراحة و عدت ما نطيقش الحياة ...و نفس الفيلم يتكرر كل ليلة ...الافكار والاحلام
في يوم من الايام خويا رجع بكري للدار من المدرسة ..سالتو انا و ماما علاه جيت قالنا مقريناش و دخل كي عادتو لغرفتووو ...جا لعندي قالي ختي ادا عندك فولار راسي وجعني و حاب نزيرو ...عطيتو فولار و رجع لغرفتوو ...بعد شوي جا لعندنا فالكوزينة كانت ماما تطيب فالمطلوع ....باسها من راسها و قالها يما اعطيني ناكل توحشت المطلوع نتاعك ...يما حست بشي غريب عنقاتو و قالتو تفضل بني كول بالصحة و الهنا ....قعد قصر معانا شوي و رجع لغرفتو ِ....لحق وقت العشا. راحت يما لغرفتو تناديلو نتفكر صرخت صرخة وحدة ....رحت لعندها لقيت خويا فالارض مرمي و الفولار حول رقبتو ...ايه انتحر مشنوق. ...انتحر و حرق قلب امي و قلبي معاها و خلانا مكويين عليه ِ..لي زاد حرقنا وش هو الشي لي دفعو يعمل هكا ...دفنناه بجنب ابي و قعدت وحدي انا و امي فهاد الدنيا
يما تعبت بزاف بعد وفاة خويا و عادت كل يوم تجيها كوابيس....قررت باه نجيب راقي يرقي الدار لانو من اول يوم دخلتها عرفت فيها شي غير طبيعي ...جبت راقي و جا للدار....امرني انا و يما باه نخرجو من الدار باه يلقا راحتو ....بعد مدة من الوقت خرج من الدار و قالنا ربي يهديكم كيفاه قدرتو تعيشو فيها ...هاد الدار يسكنها الجن من قبلكم و راكم تعديتو على ملك من املاكهم ....انا بديت نترجف مع انو كنت عارفة هاد الشي ...قالنا للاسف ياو متخرجوش منها تموت وحدة فيكم مثل ما مات خوكم ...الغريب انو سمالي انواع بزاف من الجن منهم دهار و مطرش و قعد يحكيلنا على اشياء بزاف منتفكرش منهاكثير ....قررت انا و امي نهزو حوايجنا و نغادرو الدار في اقرب وقت
حالتنا كانت صعبة ...كل ما نحوسو على مكان ننتقلو ليه منلقاوش ....رجعت انا و امي نشغلو القران في الدار ....انا نشعل التيفي باه ندير قناة القران اول ما يشتغل القران يطفا التيفي ....كنت خايفة و مرعوبة لكن مع الايام تعودت على هاد الحالة ..ماما كانت مريضة بزاف و كل يوم تزيد حالتها. تسوء كثر و كثر .
لحين ما ربي سبحانو اخذ امانتو و لحقت امي بابي و خويا ...قعدت وحدي انا فالدنيا هذي لا انس لا انيس معايا ....تعودت على العيش بالدار هذيك و كنت نستنا نلحق اهلي لانو كرهت العيشة بعدهم ...حتى الخطاب لي كانو يخطبوني راحو ...حسيت الناس رجعت تنفر مني و ما تحبش حتى تتكلم معايا .ِ....صلاتي كنت اصلا نسيت حتى كيفاه نصلي ... اكتئبت و رجعت نقفل على روحي باب الدار و نقعد نسنا في الموت تديني و نلحق اهلي ....
لحين ما في يوم من الايام دق عليا الباب ...استغربت شكون حيزورني في هادالوقت....فتحت الباب لقيتو الراقي لي جبتو للدار ..قالي بنتي سمعت بوفاة امك علاه مخرجتوش من الدار كيما وصيتكم ....حكيتلو اوضاعنا و بلي هاد الدار المسكونة هي الملجأ الوحيد لي عندنا.
كان انسان طيب و قالي بنتي حالتك ما تعجبش انا ناخذك معايا و نكفلك في منزلي حتان تتسقم احوالك ....رحت معاه الحق كانو اناس طيبين و استضافوني ....كان متزوج و عندو بنت اكبر مني متزوجة و ولد قدي فالعمر ماكث معاهم فالمنزل ...قررت نتشجع و نحكيلو على الحالة لي تجيني فالليل ...على تخيلاتي الغريبة لي كنت ما نلقاهاش تفسير ِ...عرضت عليه يرقيني و تشجعت نحكيلو و نصارحو بالشي لي راني نعاني منوو .....
حكيتلو كلش بالتفصيل .....شرحلي كلش و قالي بنتي نتي يسكنك جن عاشق و الظاهر انو يحبك بزاف و يحاول يبعدك على اي شخص يتقدم منك ....ما فهمتش انا وش معناه جن عاشق و خفت في نفس الوقت ...شرح لي انو حالات الزواج ممكن تتم بين الجن و الانس ...فالجن العاشق قد يعشق انثى ..و الجنية العاشقة تعشق ذكر ...و انو حالات التخيل و الانعزال عن الناس و عدم القيام بالواجبات الدينية هي من اعراض الجن العاشق ....و يقدر يتملك الانسان في عدة حالات منها الخوف و البكاء و الحزن و الشهوة. ..
و هاد الشي يكون نتيجة عدم التحصن بالاذكار و النظر الى العورة و المرآة بكثرة ....قررت نحاول نرقي لعل هاد الخبيث يخرج من جسدي لكن هو كان على قول الراقي عاشق حقيقي .....مع كل محاولات الراقي و لي انا مع بداية الرقية نكون غائبة عن الوعي ...تحدث معاه الراقي و قالو انو ثمن خروجو مني يكون موتي ....نفسيتي تعبت و اكتئبت و حاولت الانتحار عدة مرات لكن ربي في كل مرة يكتبلي عمر جديد ....الشي الغريب لي لاحظتو هو نظرات ابن الراقي لي مع انو كنت منعزلة عنو تماما لكن مع خروجي من منزلهم نلقاه يشوف معايا بنظرات غريبة ....قلت يمكن انا لي موسوسة فقط لكن الامر استمر و كنت غير قادرة نخرج من دارهم اولا معنديش ملجأ نروح ليه و ثانيا تشويه سمعة ابنو حتكون اسوأ طريقة نكافئو بيها على الشي لي عملو معايا و انو تحملني و عاملني مثل بنتوو
قررت باش نخرج من دار الراقي و نحوس على سكن يسترني لانو نظرات و همسات ابنو مكانتش مريحتني ابدا ...خرجت من منزل الراقي و توجهت لمنزل وحدة قريبة لي قبلت تستضيفني عندها ....و ما عرفتش بلي حياتي الماساوية لي مكنتش نتخيل تزيد تولي أسوأ من هكا باه تزيد تتبدل ...
كنت كل ليلة نسمع الحس فالدار ...نخرج من غرفتي باه نشوف تجيني تقلي هذو اصدقائي و عارضتهم سهرة عندي و واحد ما عمبالو بيك بلي مستضيفتك عندي ...كنت نسكت و نقفل الباب على روحي ...نسمع يوميا الضحك و القهقهات و الغنا لحتى الفجر .....هدي قريبتي من جهة ماما اهلها اغنياء و موفريلها سكن لوحدها ...انا كنت نخدم عليها فالنهار ميناج و كلش و فالليل نرقد و نسكت ...ليلة من الليالي خرجت من غرفتي نقضي حاجة لقيت زوج شباب في الصالون و هي معاهم ترقص فالوسط ...مع شافتني تخلعت و قاتلهم هدي الخدامة نتاعي سكنتها عندي رحمة بيها ...نطق واحد فيهم و قالها الخدامة تاعك حبة..تحرك من بلاصتو و بدا يقدملي انا هربت و رجعت لغرفتي ..غلقت الباب على روحي و قعدت نبكي و نخمم في حياتي لي تحطمت و اهلي لي راحو و خلاوني وحيدة فهاد الدنيا ...
كان كل يوم يفوت عليا اسوأ من الثاني ...تحملت الاهانة و الذل غير باه في اخر الليل نلقا بيت يسترني و سقف فوق راسي ....عمي الراقي لي جامي نساني كل يوم يعيط يسقسي على اخباري كنت نكذب عليه و نقولو تحسنت احوالي و درك راني متهنية عند قريبتي ....في ليلة من الليالي جات لعندي و قاتلي الليلة حابينك تسهري معانا ....جابتلي فستان قصير و ماكياج و طالون و قاتلي وجدي روحك اليوم السهرة كبيرة و كاين ضيف مهم حاب يشوفك معانا متحشمينيش قدام أصدقائي. ..انا خفت اولا لكن قلت وش فيها نسهر نطلع شوي من القنطة لي في قلبي ...لبست و تمكيجت شفت مع روحي فالمرايا توحشت نشوف روحي شابة ...مرمدتني الدنيا مم الزين لي عطاهولي ربي راح مع الهم و المشاكل ...خرجت نسهر معاهم كنت حشمانة لانو اول مرة نشوف عباد بزاف هكا و شراب و رقص و غنا ...اقترب مني الشاب تاع المرة لي فاتت و قالي هدي نتي ! ...حبة صح مكنتش غالط فيك تبسمت معاه و بعدت شوي ...كانت حاجة غصة في صدري ...حاجة تقولي اخرجي و ارجعي لغرفتك وين كنتي محبوسة ...ايه هذا زوجي من العالم الاخر غار عليا ...
كملت السهرة و انا نحس بروحي راح تتطلع ...كانو يتغزلو بيا و يشوفو معايا و يمدحو بجمالي و نحس روحي مخنوقة حنموت ....قبل ما تنتهي السهرة قدم ليا الشاب هداك لي كان اسمو سيف الدين جبدني من خصري و قالي تجي معايا لفوق نحكيو شوي هنا منقدروش نلقاو راحتنا جبدني ليه ....ضربتو بعدتو عليا و بزقت عليه و بديت نسب فيه ...الغاشي كامل يشوف معانا ...بديت نضرب فيه بالسيف باه فكوه عليا ....انا كنت صح مخدرة وميش حاسة بالشي لي راني نعمل فيه ... هو تشوكا معايا و قالها خدامتك هدي لازمها طبيب نفسي ....تقدملي و قالي متنسايش وش درتي ندمك فيه ولا منكونش انا سيف الدين .....انا كنت مخدرة و فاقدة وعيي حتى القوة لي ضربتو بيها حرت منين جاتني ....اتفضت السهرة قريبتي سبتني و عايرتني و قاتلي الليلة اخر ليلة ليك عندي ....طلعت لغرفتي نبكي و نحس قلبي راح يخرج من مكانووو ...بقيت نبكي و نبكي
كانت اسوأ ليلة فاتت عليا في عمري.....راقدة و نشوف في روحي نتعذب .....نتحرق بالنار اختنقت كنت نحاول نفتح عينيا لكن مقدرتش نحس روحي مربوطة و نتعذب ....كنت نبكي و نحاول نعيط لكن صوتي ميخرجش ...كنت نشوف فيه ايه ...كان على هيئة رجل طويييل و عينيه يخلعو شفت فيهم النار ....جازت عليا ليلة شفت الموت لكن ما متش ...تربطت و تكتفت ..لحق الصباح نسمع في قريبتي تنوض فيا نوضي لشغلك ما كفاش وش درتي و تزيدي ترقدي لهاد الوقت ....نضت رجليا ما حملونيش ...مع ذلك نضت لقيتها في وجهي تقلي انا رافت بيك و منيش راح نحاوزك ...نوضي كملي شغلك كيما العادة و منحبش نشوف وجهك قدامي
نضت هذاك ليوم نخدم شغلي كي لعادة خرجت هي و قاتلي درك شوي نجي افتحيلي الباب ما نطولش ....خرجت و قعدت وحدي فالدار نكمل الشغل ....شوي صونا الباب رحت نفتح حسبتها هي لقيتو سيف الدين قدامي ..خلعت و قتلو مكانش اي خرجت جيت نقفل الباب حكمو برجلو ...قالي عمبالي اي مكانش هنا جيت على جالك انا ...قفل الباب و حكمني من شعري ..قالي انا سيف الدين تبهدليني نتي يا بنت الكلب .....حاول يغتصبني و انا غير نبكي و نعيط ....مقدرتش نقاومو في لحظة مافهمتش وش صار هربت من عندو هزيت فازة كنت فوق الطابلة و ضربتو بيها ...ايه ضربتو بيها طاح بدمو من راسو يسيل ...بقيت داهشة نشوف معاه و ندعي في ربي ما يكونش مات ...فقدت وعيي و هذي اخر حاجة تفكرتها ....فطنت لقيت روحي في مركز البوليس متهمة بجريمة قتل ..ايه حصلت على تخفيض الحكم لانو كان دفاع عن النفس و الان راني نقضي في 10 سنين سجن الحكم تاعي ....هاد القصة حقيقية بشهادة احدى المسجونات لي كانت تقضي عقوبة 6 اشهر ...تقول ان المدعوة احلام.ع كانت تحكي حكايتها لكل مسجونة تتلاقى بيها بنفس التفصيل الممل هو الشي لي خلا المسجونات يرتعبو منها و يتحاشاو الكلام معاها ....رفيقتها بعد خروجها من السجن قررت باه هي. تعاود تحكي قصة احلام ...لي يقال انها ماتت منتحرة في السجن

نهاية قصة 3

warda22 16-10-2016 08:47 PM

رد: تروى على لسان صاحبـ (ت) ها فيـ (ت)قول(حكاوي...والعهدة على الراوي)
 
اقتباس:

المشاركة الأصلية كتبت بواسطة amina 84 (المشاركة 2161725)
شكرا وردة الله يختملنا بالصالحات و الإخلاص في القول و العمل لنظفر بمثل إبتسامة هذه الأم و كملي في قصص من نوع القصة الثانية و تجنبي تاع سحور و الله يرعبوا و يوقفوا القلب و يقطعوا النفس الله يعافيها و يعافيكم

آمين يارب
ستكون هناك امثلة تشبه القصة الثانية
اردت من هذا المتصفح ان ياخذ البقية نظرة عن القصص المنتشرة بين العامة
هذه القصص تتحمل الصحة والكذب لكن عهدتها كما قال الم في مشاركه على عهدة الراوي وهو في كثير من الاحيان صاحب القصة
تقبلي تحياتي

warda22 18-10-2016 11:29 PM

رد: تروى على لسان صاحبـ (ت) ها فيـ (ت)قول(حكاوي...والعهدة على الراوي)
 
قصة4
تروي إحدى معلمات المدارس الإبتدائية بالرياض قصتها مع إحدى الفتيات فتقول : قمت بتدريب مجموعة من الفتيات الصغيرات على أداء نشيد راقص أمام أمهاتهن في حفل نهاية العام الدراسي ، وبعد (بروفات) عديدة ومتقنة، جاء حفل الافتتاح والتخرج ، غير أن ما عكر صفو ذلك الاستعراض الجميل، هوالأداء السيئ لإحدى الصغيرات ، فتركت اللحن وإيقاع النشيد وأخذت تحرك جسمها وأصابعها ويديها وملامح وجهها بطريقة غريبة مضحكة ، إلى درجة أنها كادت تلخبط الفتيات الأخريات بحركاتها الغريبة المستهجنة.
وتقول المعلمة : حاولت أن أنهرها وأنبهها على الإنضباط لكن دون جدوى ، إلى درجة أنني من شدة غضبي كدت أسحبها عنوة ، غير أنني كلما كنت أقترب منها راوغتني وانسحبت ، وتمادت في حركاتها حتى لفتت أنظار الجميع ، وأخذت تتعالى ضحكات وقهقهات الحاضرات المندهشات مما يحصل ، ووقعت عيناي على المديرة التي أخذ عرقها يشرشر من شدة الخجل، وتركت مقعدها واتجهت نحوي وهي تقول: لا بد وأن نفصل ونطرد تلك الطفلة المشاغبة والبذيئة من المدرسة ، فشجعتها على ذلك.
غير أن ما لفت نظرنا أن أم تلك الطفلة كانت طوال الوقت واقفة تصفق لابنتها بحرارة، وكأنها تحثها على الاستمرار بحركاتها غير المفهومة .
وما أن انتهى النشيد حتى اندفعت إلى خشبة المسرح وجذبتها من ذراعها بكل قوه قائلة لها: لماذا لم تنشدي مع زميلاتك بدلاً من أن تقومي بتلك الحركات الغبية؟!
فقالت: لأن أمي كانت موجودة، فتعجبت من ردها الوقح ذاك، ولكنني صدمت عندما قالت لي بكل براءة: إن أمي لا تسمع ولا تتكلم، وأردت أن أقوم لها (بالترجمة) لها على طريقة (الصم البكم)، لكي تعرف هي كلمات النشيد الجميلة، وأريدها أن تفرح كذلك مثل بقية الأمهات.
وما أن سمعت تبريرها حتى انهرت وحضنتها وبكيت رغمًا عن أنفي، وعندما عرف الجميع السبب تحولت القاعة بكاملها إلى مناحة.
ولكن أحلى ما في الموضوع أن المديرة بدلاً من أن تفصلها كرمتها، ومنحتها لقب: (الطفلة المثالية).
وخرجت مع أمها مرفوعة الرأس وهي تقفز على قدميها.

warda22 21-11-2016 01:49 PM

رد: تروى على لسان صاحبـ (ت) ها فيـ (ت)قول(حكاوي...والعهدة على الراوي)
 
صباح الخير عليكم
انا متزوجة وعندي 3 ولاد عايشا الحمد لله لاباس عليا حاجا متخصنيش وراجلي عمرو ما شك فيا ولا عسني ولا قلبلي تليفوني عندي 3 سنين ملي حليت الفايسبوك ودائما مخلياتو محلول وهو عمرو ما هز التليفون وقلبلي الفايسبوك داير فيا ثقة كبييييييرة
انا نحكي مع لبنات برك ومنكسيبتيش الرجال كامل وأي وحدة تبعثلي ميساج نحكي معاها عادي في رمضان بعثتلي وحدة ميساج حكيت معاها تعرفت بيها تعرفنا ملييييح ولينا كل يوم نحكو مع بعض وراتلي واش طيب واش شرات حوايج للعيد واش خدمت قاطو كل حاجة توريهالي حكاتلي على دارهم ومدتلي أسمائهم وحتى تصاورهم وانا ثان مديتلها اسمي واسم راجلي وولادي ولينا حبابات حاجا منخبوهاش على بعضانا ومور العيد الكبير بعثتلي تصويرتها هي وقاتلي راني متمنيا نشوفك ابعثيلي تصويرتك بعثتلها درت فيها ثقة كبييييييرة وكنت نحبها
في الأخير قاتلي انا مشي مرا انا راجل وووووووووووووو خلعتني ولا خلعني
بدات المشاكل معاه كل يوم يقولي اخرجي معايا اخرجي نشوفك وانا رفضت محبيتش
كي محبيتش نخرج معاه ولا يهدد فيا بالمعلومات الي مديتهملو والتصاور وخاصة تصويرتي قالي نحطها في كامل المجموعات و بالطبيعة راجلي ثان عندو فايسبوك خفت تلحقو تصويرتي دبرت عليا وحدة قاتلي قولي لراجلك بيراطاولي الفايسبوك وانت كنتي باعثتها لختك ولقاوها حطوها شديت في كلمتي وقتلو متشوفني ما نخرج معاك ودير واش تحب
قالي كي معجباتكش واش قتلك نبدلك وانت خيري
قالي مديلي دراهم مليون متزيديش تسمعي كامل بيا وانا مكانش كيفاش نخرج مالدار وحدي ومعنديش واش نرسل
حبيت نحكي لخاوتي خفت قلت نمدلو مليون ويروح يهنيني برك مديتلو وين نسكن جا مديتلو الدراهم وراح نسيت مقلتلكمش كنت مالقبل قبل ما نعرف الي هو راجل كيما كنت حاسبات طفلة مديتلو رقم الهاتف نتاعي
كي مديتلو المليون غير دار فالدورة عيطلي قالي صحيتي على المليون وصحيتي على العنوان قالي نمدلك سمانة في يدك اذا مخرجتيش معايا نجي نوري تصويرتك لراجلك ونقولو خرجت معايا وووووووووووووو انا خفت ومكان عليا غير ندير واش قالي ولا نخسر ولادي وحياتي وكلش
هذي مشي قصتي هذي من واش رانا نعيشو كاااامل وغلطات كيما هذي تديك وتديني للهاوية ولاد الحرام بزااااف وربي يبعدهم من طريقنا حبيت ننصحكم بالاك تبعثو تصاوركم للناس وديرو الثقة في أي مخلوق مرأة ولا رجل والو ثيقتك في ربي سبحانو ووالديك بصح خفت الميساج نتاعي متاخذوهش بعين الاعتبار وتقولو هذي مزالت ديمودي كيما علابالي بلي كاااااامل نحبو حكايات ونموتو على التقرعيج نسجتلكم قصة من الخيال نتاعي وخليتكم تتخيلو لوكان تتحطو في هذا الموقف كيفاش راح يصرالكم مالا ردو بالكم خاصتا الي صغارات مساكن ميعرفوش الذيابا الي معانا

warda22 07-01-2017 08:28 PM

رد: تروى على لسان صاحبـ (ت) ها فيـ (ت)قول(حكاوي...والعهدة على الراوي)
 
كنت سعيدا في حياتي عندي زوجة صالحة ... جميلة...جلستها لاتمل
ولكن عيبها انها كبرت رغم احتفاظها بالكثير من الجمال الروحي قبل الجسدي
واولادي قد كبروا وتزوجوا ولم يبقى الا اخر العنقود وهو يدرس بامريكا
فاحببت التغيير وتجديد شبابي بفتاة صغيرة جميلة...
وفعلا خطبت وعقدت عليها
صارحت زوجتي بزواجي باخرى
وان الدخلة غدا
بكت وعاتبتني ثم طلبت مني ان اشتري لها بيتا كضمان
فرفضت... واشتد النقاش بيننا
ولاول مرة اسمع زوجتي الهادئة الرزينة يرتفع صوتها علي
حتى قالت انا بعتك الان
فقلت :وانا ايضا..ورميت عليها يمين الطلاق ...
من شدة غضبي ....
هي لم تهتم بل زادت علي برفع الصوت
خرجت هاربا من ضغط المواجهة الى شقتي التي جهزتها للعروس
وانا احلم باجمل ايام ستقبل علي
وقررت عدم رد زوجتي تاديبا لها
وحتى اذلها لاني احسست بكره عجيب لها بعد المشادة بيننا
وتركتها ولم ارجع الى البيت وتزوجت من الغد.... طرت فرحا بزوجتي الجديدة ..وطويت صفحة من حياتي مع زوجتي الاولى
سافرت لشهر العسل الى ماليزيا
..صببت حبي وعواطفي لهذه الزوجة...ونسيت الاخرى
رجعت للسعودية...وانا انتظر زوجتي الاولى تتصل او تعتذر عما بدر منها....ولم يحصل وهذا مما زاد في عنادي ومكابرتي...
وحضر اكبر ابنائي يرجوني برد امه الى عصمتي فشرطت اعتذارها عما بدر منها تجاهي ...فاخبرني انها هي الغاضبة ولست انا....ولكني ركبت راسي من العناد وليتني لم افعل
وقلت اخبرها ان تخرج من البيت لاني اريد ترميمه
فلم اسال عنها ولا عن ابنائها
والذين زاروني في شقتي مرات قليلة فكنا نستقبلهم ببرود ...
ومضت خمسة اشهر..
كنت خلالها مشغوﻻ بترميم البيت
ثم فوجئت..عندما اخبرتني زوجتي بحملها. . لانها كانت متزوجة سابقا لمدة عشر سنوات ولم تنجب.....
..ولم اكن اريد اطفالا....فلم اعد اتحملهم...وذهبت لبيت اهلها لمعاناتها من الحمل ووجود نزيف معها
بقيت وحيدا فقررت رد زوجتي لعصمتي ....
وياللمفاجاة عندما اخبرني ابني انها تزوجت قبل اسبوع
بعد ان خطبها جاري ابوفهد والذي توفيت زوجته قبل خمس سنوات
وتزوج ابنه وابنته..وتركوه وحيدا
فجرب الزواج مرتين ولم ينجح...وكانت علاقتي معه قوية..وكثيرا ماصارحته بمزايا زوجتي ..وسعادتي معها...وكثيرا ماقال لي حافظ عليها فهي جوهرة ثمينة
احسست بنار تشتعل في جوفي وبخت ابني قال انك طردتها من بيتك وسكنت معي ولم ترتاح مع زوجتي .. حتى خطبها جارنا فاصرت على الزواج منه بحجة انك لاتريدها الان...
ولاتدري اين تذهب..
دخلت شقتي ورميت نفسي على السرير باكيا كطفل صغير....شعرت بمدى خسارتي...ندمت ولات ساعة مندم...
.....تركت الشقة وسكنت مع زوجتي في بيتي بعد ترميمه
والتي انجبت ولدان توامان ثم بنت
فصار عندي ثلاث اطفال خلال سنتين
زوجتي انشغلت عني باطفالها. . والذين شغفوها حبا.. كثرت طلباتها حليب حفائظ مستشفى.....وانا كبرت على هذه الامور فقد تعديت الستين...وهي في الثلاثين....احضرت لها خادمتين احداهما مربية كي تتفرغ لي...فتفرغت.ولكن ليس لي. بل لوظيفتها..واهلها واخواتها وصديقاتها وحفلاتها ....ودائما ماتذكرني بفارق السن بيننا وان اراعي هذا الامر...استسلمت لواقعي المر...وصرت اكثر ايامي وحيدا.....
ذهبت للعمرة طلبا للراحة عند بيت الله الحرام..وبالطبع لوحدي ورايت الفرحة على وجه زوجتي عندما اخبرتها....فهي تريد الفكاك مني باي طريقة....
وصدفة التقيت بابي فهد وكان يسكن بنفس الفندق الذي اسكن فيه . سلم علي ... وانا مذهول مما اراه..فقد تغير كثيرا صحته تحسنت كثيرا
ازداد وجهه اشراقا...
واخبرني انهم يقيمون منذ شهر في مكة.....ودعته
...وجررت خطواتي الى الحرم
وقبل الصلاة بقليل . رايته يدخل ممسكا بيد جوهرتي الثمينة وهي متمسكة بذراعه وتهمس له وهو يبتسم كما كانت تفعل معي سابقا
نظرت اليهم وتنهدت بحسرة
ثم توجهت وصليت داعيا ربي
اللهم رضني بقضائك

warda22 13-02-2017 10:49 AM

رد: تروى على لسان صاحبـ (ت) ها فيـ (ت)قول(حكاوي...والعهدة على الراوي)
 
قصة واقعية على لسان صاحبها , يقول:

تعودت كل ليلة أن امشي قليلا ، فأخرج لمدة نصف ساعة ثم اعود.. وفي خط سيري يوميا كنت اشاهد طفلة لم تتعدى السابعة من العمر.. كانت تلاحق فراشا اجتمع حول احدى انوار الاضاءة المعلقة في سور احد المنازل … لفت انتباهي شكلها وملابسها .. فكانت تلبس فستانا ممزقا ولا تنتعل حذاءاً ..
وكان شعرها طويلا وعيناها خضراوان .. كانت في البداية لا تلاحظ مروري .. ولكن مع مرور الايام .. اصبحت تنظر إلي ثم تبتسم .. في احد الايام استوقفتها وسالتها عن اسمها فقالت اسماء .. فسألتها اين منزلكم .. فأشارت الى غرفة خشبية بجانب سور احد المنازل .. وقالت هذا هو عالمنا ، اعيش فيه مع امي واخي خالد.. وسالتها عن ابيها .. فقالت ابي كان يعمل سائقا في احدى الشركات الكبيرة .. ثم توفي في حادث مروري ..
ثم انطلقت تجري عندما شاهدت اخيها خالد يخرج راكضا الى الشارع .. فمضيت في حال سبيلي .. ويوما بعد يوم .. كنت كلما مررت استوقفها لاجاذبها اطراف الحديث .. سالتها : ماذا تتمنين ؟ قالت كل صباح اخرج الى نهاية الشارع .. لاشاهد دخول الطالبات الى المدرسة .. اشاهدهم يدخلون الى هذا العالم الصغير .. مع باب صغير.. ويرتدون زيا موحدا … ولااعلم ماذا يفعلون خلف هذا السور .. امنيتي ان اصحو كل صباح .. لالبس زيهم .. واذهب وادخل مع هذا الباب لاعيش معهم واتعلم القراءة والكتابة .. لا اعلم ماذا جذبني في هذه الطفلة الصغيرة .. قد يكون تماسكها رغم ظروفها الصعبة .. وقد تكون عينيها .. لااعلم حتى الان السبب .. كنت كلما مررت في هذا الشارع .. احضر لها شيئا معي .. حذاء .. ملابس .. ألعاب .. أكل .. وقالت لي في إحدى المرات .. بأن خادمة تعمل في احد البيوت القريبة منهم قد علمتها الحياكة والخياطة والتطريز ..
وطلبت مني ان احضر لها قماشا وادوات خياطة .. فاحضرت لها ما طلبت .. وطلبت مني في احد الايام طلبا غريبا .. قالت لي : اريدك ان تعلمني كيف اكتب كلمة احبك.. ؟ مباشرة جلست انا وهي على الارض .. وبدأت اخط لها على الرمل كلمة احبك .. على ضوء عمود انارة في الشارع .. كانت تراقبني وتبتسم .. وهكذا كل ليلة كنت اكتب لها كلمة احبك .. حتى اجادت كتابتها بشكل رائع .. وفي ليلة غاب قمرها … حضرت اليها .. وبعد ان تجاذبنا اطراف الحديث .. قالت لي اغمض عينيك .. ولا اعلم لماذا اصرت على ذلك .. فأغمضت عيني .. وفوجئت بها تقبلني ثم تجري راكضة .. وتختفي داخل الغرفة الخشبية .. وفي الغد حصل لي ظرف طاريء استوجب سفري خارج المدينة لاسبوعين متواصلين .. لم استطع ان اودعها .. فرحلت وكنت اعلم انها تنتظرني كل ليلة .. وعند عودتي .. لم اشتاق لشيء في مدينتي .. اكثر من شوقي لاسماء .. في تلك الليلة خرجت مسرعا وقبل الموعد وصلت المكان وكان عمود الانارة الذي نجلس تحته لا يضيء.. كان الشارع هادئا .. احسست بشي غريب .. انتظرت كثيرا فلم تحضر .. فعدت ادراجي .. وهكذا لمدة خمسة ايام .. كنت احضر كل ليلة فلا أجدها ..
عندها صممت على زيارة امها لسؤالها عنها .. فقد تكون مريضة .. استجمعت قواي وذهبت للغرفة الخشبية .. طرقت الباب على استحياء.. فخرج اخاها خالد .. ثم خرجت امه من بعده .. وقالت عندما شاهدتني .. يا إلهي .. لقد حضر .. وقد وصفتك كما انت تماما .. ثم اجهشت في البكاء .. علمت حينها ان شيئا قد حصل .. ولكني لا اعلم ما هو ؟! عندما هدأت الام سالتها ماذا حصل؟؟ اجيبيني ارجوك .. قالت لي : لقد ماتت اسماء .. وقبل وفاتها .. قالت لي سيحضر احدهم للسؤال عني فاعطيه هذا وعندما سالتها من يكون .. قالت اعلم انه سياتي .. سياتي لا محالة ليسأل عني؟؟ اعطيه هذه القطعة .. فسالت امها ماذا حصل؟؟ فقالت لي توفيت اسماء .. في احدى الليالي احست ابنتي بحرارة واعياء شديدين ..
فخرجت بها الى احد المستوصفات الخاصة القريبة .. فطلبوا مني مبلغا ماليا كبيرا مقابل الكشف والعلاج لا أملكه .. فتركتهم وذهبت الى احد المستشفيات العامة .. وكانت حالتها تزداد سوءا. فرفضوا ادخالها بحجة عدم وجود ملف لها بالمستشفى .. فعدت الى المنزل .. لكي اضع لها الكمادات .. ولكنها كانت تحتضر .. بين يدي .. ثم اجهشت في بكاء مرير .. لقد ماتت .. ماتت أسماء .. لا اعلم لماذا خانتني دموعي .. نعم لقد خانتني .. لاني لم استطع البكاء .. لم استطع التعبير بدموعي عن حالتي حينها .. لا اعلم كيف اصف شعوري .. لا استطيع وصفه لا أستطيع .. خرجت مسرعا ولا أعلم لماذا لم اعد الى مسكني … بل اخذت اذرع الشارع .. فجأة تذكرت الشيء الذي اعطتني اياه ام أسماء .. فتحته … فوجدت قطعة قماش صغيرة مربعة .. وقد نقش عليها بشكل رائع كلمة أحبك .. وامتزجت بقطرات دم متخثرة …
يالهي .. لقد عرفت سر رغبتها في كتابة هذه الكلمة .. وعرفت الان لماذا كانت تخفي يديها في اخر لقاء .. كانت اصابعها تعاني من وخز الابرة التي كانت تستعملها للخياطة والتطريز .. كانت اصدق كلمة حب في حياتي .. لقد كتبتها بدمها .. بجروحها .. بألمها .. كانت تلك الليلة هي اخر ليلة لي في ذلك الشارع .. فلم ارغب في العودة اليه مرة اخرى.. فهو كما يحمل ذكريات جميلة .. يحمل ذكرى الم وحزن ..

رسالة الى كل أم .. تصحو صباحا .. لتوقظ اطفالها .. فتغسل وجه امل .. وتجدل ظفائرها. . وتضع فطيرتين في حقيبتها المدرسية ؟؟ وتودعها بابتسامة عريضة ؟؟ الا تستحق اسماء الحياة؟؟؟

رسالة الى كل رجل اعمال .. يشتري الحذاء من شرق اسيا بثمن بخس .. ليبيعه هنا باضعاف اضعاف ثمنه ؟؟

الا تستحق اسماء الحياة ؟؟

رسالة الى كل صاحب مستشفى خاص .. هل اصبح هدفكم المتاجرة بأرواح الناس؟؟ ألا تستحق اسماء الحياة؟؟

رسالة الى كل طبيب في مستشفى حكومي عام او اي انسان ضميره حي .. هل تناسيتم هدفكم النبيل في مساعدة الناس للشفاء من الامراض بعد إذن الله .. ألا تستحق أسماء الحياة..؟؟

رسالة الى كل من مر بالشارع الذي تقيم فيه اسماء .. ونظر الى غرفتهم الخشبية وابتسم .. الا تستحق اسماء الحياة ؟؟؟

رسالة الى كل من دفع الملايين .. لشراء اشياء سخيفة .. كنظارة فنانة وغيرها الكثير .. ألا تستحق اسماء الحياة…؟؟

رسالة الى كل من يقرأ هذه القصة .. ألا تستحق أسماء الحياة؟؟

رسالة إلى الجميع .. أسماء ماتت ؟؟ ولكن هناك ألف أسماء وأسماء .. أعطوهم الفرصة ليعيشوا حياة البشر ..

تعالوا نوقظ قلوبنا .. ولو مرة .. فما اجمل ان تجعل انسانا مسكينا يبتسم وعلى خده دمعة ..

warda22 10-07-2017 07:48 PM

رد: تروى على لسان صاحبـ (ت) ها فيـ (ت)قول(حكاوي...والعهدة على الراوي)
 
لما كان عمري 23 بعد ما تخرجت من الجامعة علما انا عمري الآن 31 تعرفت على شخص رغم اني كنت معارضة هاد الفكرة الا اني قبلت بيه وحقيقة عجبني بزاف وانا عجبتو المهم من البداية حطينا النقاط على الحروف الهدف تاعو كان الارتباط بي في اقرب الوقت بحكم انو ساكنين في منطقة واحدة عرف بلي اخلاق حسنة وهو كان اول شخص في حياتي ،قالي نتعرفو على بعض شوية من بعد نجي نخطب,كل يوم يكلمني في الهاتف حبيتو بمعنى آخر رجعت نعشق فيه ،كان يعاملني معاملة رائعة يحترمني ويغير عليا ويقولي منقدرش نعيش بلا بيك ....مرت الايام والشهور وحبنا يزيد حتى انو اختو كان علبالها بيا وديما تقولي راهو يحبك انا كنت واثقة فيه 100%بلي يحبني كان يقولي منقدرش نتخيل روحي مع واحدة أخرى،المهم جا الوقت باه يحكي مع باباه عليا باه يجو لدار يخطبوا هو قالي بلي راح يهدر معاه ويرجعلي لخبر
من هاد الوقت السيد تبدل عليا ورجع عصبي وميكلمنيش ونا تقلقت عليه قلت بلاك عندو مشاكل نخليه في راحتو لكن الحالة تأزمت اكثر كل ما نعيطلو يكوبي عليا وميحبش يهدر معايا ولكان هدر زوج كلمات وقص مش كما موالف كان كل دقيقة يسمع صوتي انا ضغطت عليه وقلتلو لازم تفهمني واش كاين وتما كانت الصدمة بدا يعاير فيا ويقولي نتي مش من مستواي وبطلت منحبكش في دارنا مستحيل يقبلو بيك وقالي بلي باباه ديجا خطبلو واحدة بنت عمو انا حقيقة تصدمت ملقيت مانهدر ما عرفت نبكي ما عرفت ندير حتى حاجة جمدت في بلاصتي ، قالي خلاص كل واحد في طريق كوبا عليا ونا تأزمت حالتي النفسية ما ناكل ما نشرب غير مصدومة ،بعد ما فكرت مليح رجعت نكذب في روحي ونحطلو في الأعذار لاني منقدرش نعيش بلا بيه كل حاجة حلمنا بيها مع البعض وكل حاجة حلمت بيها هو موجود فيها ،بعد مدة رجعت عيطتلو ونحلل فيه يرجعلي ويحاول يقنع والديه قالي مستحيل الخطبة غير نسايها قلتلو نحبك منقدرش نتنفس بلا بيك قالي هدي حاجة تخصك جرحني بزاف بالكلام قالي لكان تحبيني صح مديرليش مشاكل وروحي اخطيني واختو تاني قالتلي لكان تحبيه صح خليه مديريلوش مشاكل مع والديه من بعد قلتلو خلاص رح نخليك ،لكن صدقوني قريب هبلت نحبو بزاف قلبي تحرق ومرضت مقدرتش نحمل قلت لازم نحاول معاه باه يرجعلي رجعت كلمتو مرة أخرى ويا ريت ما اتصلت لقيتو خطب قالي خطبت واحدة صغيرة وخدامة ورجع يعايرني بأهلي وفقري وقالي مرتاح معاه واهلي مرتاحين قالي ونتي كبيرة كان عندي 29 وخطيبتو 22 متتخيلوش كيفاه وليت نحس كل شي مات فيا فقدت الثقة في روحي كرهت كلشي كرهت روحي ما عندي حتى هدف
الحاجة لدمرتني كثر هي كلامو الجارح فقدني الثقة في روحي وفي الحياة وليت عايشة جسد بلا روح هو الآن تزوج عندو عام زواح ونا دمرني حطمني عندي الآن 31سنة كون جا هدر معايا بالعقلية وقالي اهلي رافضين كنت مع الوقت نتقبل مي الطريقة لجاني بيها لكلها اهانات وشتم وتقليل من قيمتي وقيمة أهلي هي لحطمتني وقهرتنى


الساعة الآن 01:02 AM.

Powered by vBulletin
قوانين المنتدى