منتديات الشروق أونلاين - عندمــــا يتعلق الامر بالفريق الوطني .....ارجوكم ادلخو وقولو رأيكم

تمنى ما شئت لكن اتخذ سبباً
أتمنى فوز الفريق الوطني على المصري في القاهرة السبب أني حاب نشوف بلادي في كأس العالم ونفرحو كامل .
*******************************
أكتب ما شئت لكن لا تستفز أحداً
أكتب هذا واكتب 1 2 3 فيفا لاجيري ...ليس استفزاز بل حب الوطن وراني نشجع الفريق الوطني

******
إقرأ ما شئت لكن لا تنسى النقد أبداً

نقرا جريدة الشروق وهي احسن جريدة وطينة وعربية

إنتقد كما شئت لكن لا تطعن أحداً
يا خويا معجبنيش الاعلام المصري كامل ومشي هذا طعن ولا حاجة هذه الحقيقة

شاهد ما شئت لكن كن مهذباً
نتفرج مبارة الفريق الوطني ونعيط ونشجع وندير وش نحب هذا لا علاقة بالتهذيب عادي واحد ما يسالي

إسمع ما شئت لكن لا تزعج أحداً
نسمع أغاني الفريق الوطني ونغني واحد مراح ينزعج لانو الكل راهم كما انا يخي صح

تغابى كما شئت لكن كن مؤدباً
ندير روحي مصري سعات في سكايب ولا الشات حاب نشوف كيفاه يخموووو ..برك هههههههههههههه

قل ما شئت لكن إياك أن تغتاب أحداً
يا خويا وش راح نقول راني نهدر راني فخوور بالفريق تع بلادي هذا مكان

تميز بما شئت لكن انسى اللقب
معليش نروحو لكاس العالم ومناش حابين يقولو علينا الابطال تاهلت الجزائر وكفاااا ...............بصح حتى لازم نقولو زكارة في العرب

تميز بما شئت لكن لا تتكبر أبداً
يا خويا مناش نتكبرو هذا فريق الجزائر لا يحتاج للتكبر من بكري فووووور عليكم

خاصم من شئت لكن لا تشتم أبداً
يا خويا منخاصمو ما والو الجزائري تع راسووو قيلونا يا العرب انتوما برك

إغضب كما شئت لكن لا تلعن أحداً
للالالا علاه نغضب وانا بقاتلي 90 دقيقة ونروح وين نحب هوما اللي راهم ياكلو في بعضاهم

إفرح كما شئت لكن لا تغضب أحداً
لالا كي نربح نعيط وندير حفلة واللي معجبوش ما يتفرجنيش ههههههه نديرو حفلة خلوية عقلية جزائرية السهرة للصباح اللي يقلق يدور يتفرج الدوري السعودي

إمزح كما شئت لكن لا تكذب أبداً
مممممممممم مكانش حاجة تخلني نكذب حنا فور فور عليكم بصراحة انا منحبش العرب مزحة في رايك هذي لالا صح صح منحبش للعرب

إبتسم كما شئت لكن لا تقهقه أبداً
والله والله نهار 14 نشاء الله كي نربحو غير نضحك ونقهقه علا خاطر حقرونا كامل ياو نضحك على اللي حقرونا

كن حرا كما شئت لكن لا تستعبد أحداً
في هذي معندي وش راح نقلك دبر راسك

صاحب من شئت لكن لا تجامل أبداً
يا خويا مكانش المجاملة احنا الجزائريين نفتخرو ببعضانا على خاطر فووووور باينة مشي مجاملة

إمدح من شئت لكن لا تبالغ أبداً
ياو نقلك حاجة فريق الجزائري فووووووور فوووووووووور فووووور فوووووووووووووور فوووووووور فووووووووور
مشي مبالغة راني قصرت في حقهم مورمالمو ندير قصيدة عليهم

هاجر كما شئت حتى وإن لم تعد أبداً
نروحو للقاهرة و نفوتو لجنوب افريقيا في هذي راني معاك

هاجر كما شئت لكن لا تفسد في الأرض أبداً
هذي منيش راح نظمنك فيها الجزائري ميتخالطوش واللي يغلط معانا خلات عليه ...احنا راصا اللي يغلط فينا باصا قادر نديرو حالة في القاهرة كما سوسة

نم كما شئت لكن لا تنسى القيام أبداً
علاه شكون قالك رانا نرقدووو ليمات هذوووو رانا ديما قايمن نستناو 14 نوفمبر ونشاء الله لاكوب دي موند

أملك ما شئت لكن لا تحتقر أحداً
لالا عندنا محترفين ومصر عندهم غير المحليين هههههههه منيش نحتقر فيهم بصح حنا خير الله غالب

أحكم كما شئت لكن لا تظلم أحداً
حكمت المحكمة ان الجزائر سوف تمثل الجزائر في المونديال .وحكاية العرب والمسليمن مكانش منها رانا في كرة القدم مناش في حرب ولا غزوة ههههههه

خاوتي متلومنيش راني وليت اي حاجة نشوفها في النات نتخيلها بالفريق الوطني وليت نحكي في الدار بالفريق الوطني الله غالب