رد: أول مرة أصوم رمضان...؟؟
 

رد: أول مرة أصوم رمضان...؟؟
 

السلام عليكم ورحمة الله
شكرا أخي على المشاركة ..
آآآ يعني فقدت الذاكرة 😱 ..
رانا كامل كيفكيف ما حتافلوش بينا.:1:

تحياتي../

رد: أول مرة أصوم رمضان...؟؟
 

السلام عليكم ورحمة الله وبركاته

راني شفت مشاركاتكم ..ودركا دالتي ..
ماتتقلقوش مني 😰😰
راني رايحة نهدر شوية :20::20::20:


أنا أول مرة صمت كان في عمري 5 سنين قبل ما ندخل نقرا بالصح نشفا عليه بزاف ..
هذاك النهار كان مغيم وكان في شهر نوفمبر هذاك النهار رقدت فالنهار مع أنو ماكانتش نرقد ..إيه نشفا باللي بابا ماصامش معانا لأنو كان يخدم فالدزاير ..
بعد العصر كنت نلعب مع خويا الصغير كنت نطلع على الصور نتاع جيرانا كنت مشاغبة😜 حتى لقيت عمي جا وعيطلي خافت بزاف لاخاطرش هو واعر ياجدك ..المهم رحت لعندو نرجف
بالصح ما قالي والو سقساني إذا صح راني صايمة قالي نخرج لساني باش يتأكد ههه ..ومن بعد لقيتو خرج صحن طمينة من السيارة وعطاهولي ما أمنتش عقلي كيفاه ماضربني ما وبخني:1::1: يا فرحتي جامي صرات.
وهذاك العام صمت 6 أيام ..لأنو ماما ماكانتش تخليني نصوم.:3:

تحياتي../

رد: أول مرة أصوم رمضان...؟؟
 

هههههه عمك هايل
فكرتيني ف عمي ميحبش النسا والبنات ونهار طول يتالب فينا
ههههههه

رد: أول مرة أصوم رمضان...؟؟
 

هو ما يسكنش معانا ..مي كي كنا صغار كنا نلعبو فالحارة وغير نحسو بالرعد نتاع الطونوبيل نتاعو الدبانة ما تزغدش احنا وولاد عمامي واحد ما يقعد ..حتى أنو اعطينالو آسم من وحد المسلسل.

تحياتي../

رد: أول مرة أصوم رمضان...؟؟
 

تحسب عمي ههههه ربي يحفظكم خيتي
صح فطوركم

رد: أول مرة أصوم رمضان...؟؟
 

ربنا يقويك ويعافيك

رد: أول مرة أصوم رمضان...؟؟
 

السلام عليكم ورحمة الله وبركاته
صح فطورك..
آمين.. شكرا جزيلا..

رد: أول مرة أصوم رمضان...؟؟
 

وين راكم .. واقيلا ما شفيتوش ..:2::2::2::2:

صح فطوركم ..

رد: أول مرة أصوم رمضان...؟؟
 

عندي زهايمر ، الصراحة لا اتذكر اول يوم ، لكن اتذكر اني كنت في الابتدائي ،،،، الذي أتذكره جيدا اني صمت الشهر كله رغم الحرارة ،،،،