منتديات الشروق أونلاين - طريقة تحضير المورانغ مستحيل ما تنجحلكش

منتديات الشروق أونلاين (http://montada.echoroukonline.com/index.php)

- الحلويات (http://montada.echoroukonline.com/forumdisplay.php?f=244)

- - طريقة تحضير المورانغ مستحيل ما تنجحلكش (http://montada.echoroukonline.com/showthread.php?t=223291)

طريقة تحضير المورانغ مستحيل ما تنجحلكش

السلام عليكم ورحمة الله تعالى وبركاته

جبتلكم اليوم الوصفة المورانغ بصح قليل وين تصلح وتجي مليحة
بعد انا شيبتني باش تعلمتها :2::2:
الى اني وجدت هذه الوصفة في احدى المنتديات جزا الله صاحبة الوصفة خير الجزاااء وطبقتها بحذافرها ونجحت فيها من اول تجربة والنتيجة هاهي :

http://www12.0zz0.com/2013/01/02/16/394579440.jpg

لذلك رايحة نحطلكم طريقة المورانغ الصحييييييييييحة وباسرارها كاملة لكن الشرط المهم في نجاح المورانغ هو التقيد الصحيح بكل الخطوات بشكل مضبوط تماماااااااااااااااااااا هذا اول سر..

**السر الثاني والمهم بزاااااااااااااااف هو الفور لازم يكون سخوووووووووووووووووووووون بزاف يعني كي تبدي الخدمة اول حاجة ديريها هي شعلي الفور ثم ابدي الخدمة

المقادير :
http://www12.0zz0.com/2013/01/02/16/672874706.jpg

لكل بياض بيضة واحدة نستعمل 100 غ سكر ...حوالي ملعقة ونصف واذا كانت البيضة صغيرة نقصو شوي
رشة ملح شوي فاني وملون اختياري
- اول خطوة نحطوه فوق باماري نطلعو بياض البيض مليح مع رشة ملح بلاما نزيدو عليه السكر..
- كي يطلع نزيدو كمية السكر على 3 دفعات وفي كل مرة نخفق مليح حتى يولي حاكم روحو مليح ....
ونضربو بالباتور ملييييييييييييييييييييييح حوالي 10 د او اكثر حتى يولي شبه طايب وتحسوه ثقال والسكر ييبس في الحواشي تاع الحاجة لي درتو فيها

كي تخلصي الخفق مام يتقلب يبقى حاكم نفس الشكل وما يتحركش طوووول

*-السر الثالث هو انو مباشرة من الباماري بعد ما نخلصو الخفق الى الكونجيلاتور == المجمد== طول ويبقى ثم حتى يبرد الاناء لي راهو فيه....ماشي يجمد :3: يبرد الاناء برك
باش تسهل الخدمة ديرو لابوش ادوي في كاس وصبو فيها الخليط

http://www12.0zz0.com/2013/01/02/16/714662189.jpg

شكلوه عادي كيما تحبو ودخلوه الفور وهنا السر الرابع الفور لازم يكون حاااااامي حاااااااامي لكن بمجرد ما تدخلي البلاطو ليه نقصي درجة الحرارة الى اقل درجة ممكنة وحطيه يطيب فقط 10 د هذا هو الوقت المضبوط اذا كانو الحبات كبار 15 دقيقة ماكسيموم ما كانش فوقها == انسو هاذوك الوصفات لي فيهم ساعة وزوج باش يطيب ==
http://www12.0zz0.com/2013/01/02/17/214217281.jpg

ثم حلو الفور وطفيو النار وخليوه دقيقة وابدوه وحطوه بحذر ما تخبطوهش وكي يبرد نحيوه عادي وقدموه كيما تحبو..
http://www12.0zz0.com/2013/01/02/17/293456292.jpg

هاذي هي كل اسرار المورانغ والطريقة الناجحة والمضمووونة لكن يلزم التقيد بكل الخطوات كما هي مذكورة وكي نحطوه في المجمد ماشي هو لي يجمد يبرد الاناء برك ...

جربوها راهي روووووعة وخير من تاع برا

لازم تخرجوا البيض من الثلاجة على الاقل 1/2ساعة ترتاح ماتحضروهش مباشرة

دعواااااتكم

تم تثبيت الموضوع يوم 05/01/2013