http://www.tijaniboulaouali.nl/ashaar/asanna4.gif
أسنانا يقســـــــــان
إرقفيي ذي ثيـــط

خمي خزرغ غَ ريمــار
أتودّار ثبريــــتْ

خمي نشْ أتخســـغ
أذتـــوغ ثقسث أنّــاس
تَّشيغ أسْوور إينـــو
يتنشقاظ، ..
يتنخســـسْ
أمْ ثشظات يرشيــنْ
أم غويّان أَن ثحضيـــت
***
أسنّانا قـــــــــا..
يتنوفّور أم ثحجيـــتْ

ذي وسوسام أَنْ ييران
إثتاتْ رزغث

ذي ثرجا أنيني
يتكذنْ ثيذتْ

ذكَّــواران أنينّي
يزنوزان ثوذارثْ

ذي ثيكّــاز أَن ثمغارين
- لبدا يسقارنْ-
إخفْ أرْسانتْ ثفراس
أن وازري أمْ ثايوث
نثنتي ماشا
وار تيكينت س شَّنعث
***
أسنانا ماني أخسغ
أذْ يتوكَّـــسْ

أزَّ كُّوسانين أنوم
يتوزون أسْ وقاس

يشورن أس ثيكذي
أذواواث.. ذي غويان

إكزميّـــي
إكزميـــي
إكزميـــي

أتـــوغ ثوذرث إينو
أزريغ يمَّا ثمورث

سي ذمان ثسساو أذرار
نَ ريف يسوان

س ثروريوث أثمحا
أخياق ن مذران

س ثمسي ن ثرلي
ثسَّكماض أسنــــان
***
أزريغ يمــــــــــــا
ثسقذا إيريمار ثرجتْ

أزريغ يمـــــــــــا
أثعتا سثسقار ثيذت

شكْ..
يوريش اُو مزروي
ذَ وْدليس أنْ ثوذرث

سِ ذمان نَ ثرلي
وارْ يتّشِين سَ رموث

سِ غويان نُ سيمي
إِدِغمينْ أتّرياسْث

سَ سْمخ نَ شّنعث
يَتْسِقْسِيقَنْ أمَ ثْفوشث

يوريش أو مَزروي
واشْ أثْمَحّي أثنزازث

واش إغطار أصميذ
نِغْ أرموجث
***
شك..
يَجّين ثِرلي
أتوّاث إزوران

ذِ ثْمورا نَ ريف
ذَ كُّوراوَن أنيوذان

ثجّيذ إمجهذن
أسَّسَّاون سَ رْوحران

أسْثيذي يهوان
أغَمُّويْ نَ رعيز يسوان
ثجيذ أفار أنْ ثوذرث
إنعنع بْرَا يمان

ثجيذ واس نُ رومي
أمُ زير ذَ بركان

شك يجين أقرطاس
يتروريو ذِ يغزران

شك يجين اُرَار
ذُمنغي أتّمسرقان

أذْيقيم أمزوار
أذيوْض وَنّيضان
***
شك ..
أييراذ أشمرار
يزون إذرار

س نّواش ن ثرلي
أتِّذرين نَ ثزمّار

أكُّوح ن ريف
ثتوث ثِكْذي؛
يعذا ثمغار

خَ ثمورا ذُ جنايين..
خ ثما أن يغزار

خاك أييراذ
يتغناج وجضيض أن وزغار
"مولاي محند
يوريث أومزروي أس ووار
واخَّ أرخشبث أناس
ثمتا وَت َنْزار
نتا ذَ كُّوراون أنغ
يغمي.. يدّار