منتديات الشروق أونلاين

منتديات الشروق أونلاين (http://montada.echoroukonline.com/index.php)
-   منتدى الشعر الملحون (http://montada.echoroukonline.com/forumdisplay.php?f=65)
-   -   شعر شعبي جزائري رومنسي جدا جدا.. (http://montada.echoroukonline.com/showthread.php?t=14667)

عابر سرير 01-11-2007 11:04 AM

شعر شعبي جزائري رومنسي جدا جدا..
 
عليك بالهنا والضمان

عليك بالهنا والضمــــان ما نزيد نديرك في بالــي
ما نزيد ندير فيك الأمــان يااللي ضنيتك غزالــي
عاهدت نفسي في دالزمـان وعظمت الله العالـــي
ما توجدي حتى إنســـان يشبهلي ويكون بحالــي
لو تقطعي بحور و ويــدان ما تزيدي تشوفي خيالـي

ما بقاشي خلاص المكتوب نصيبك بيدك قطعتيــه
قطعتي كم من ثوب وثوب وخنت الملح اللي كليتيـه
كنت ضانك أنايا محبوب شربتي في كاسي وبدلتيـه
خلفتي قلبي معطــوب الشر اللي درتيه اتصيبيه
بقدرة علام الغيــوب يجرالك اللي جرالـــي

كنت ضان قلبك ليا قلبي صافي ليك اهديتـو
تمشيت معاك بالنيـا سري عليك عمري خبيتو
قلت أنا أنتي عينيـا وخلي الحساد يموتـــو
ما عندي غير أنتيـا سري عليك عمري خبيتو
كي دارت لإيام عليا رحتي بالنية خدعتينــي


كنت ضان قلبك مسلوب مطلوب تكوني خفيفــة
صدقتي كي الضبع المكلوب معيشتو في فريسة جيفــة
قال عليك سيد المجـدوب مولى حكمة ومعرفـــة
لوكان تطيري بالجنحـان وتتوصفي على صورة حمامة
وطلعي لجبال وكيفــان ما يرضاو اعليك أمثالـي

محمد مخفي 02-11-2007 07:35 AM

رد: شعر شعبي جزائري رومنسي جدا جدا..
 
الله يحفظك و يسترك فكرتني بزمان وين كان الانسان يكتب من قلبوا للسانوا ماشي كيما هدا الزمان يسرقـوا الكلام وينسبوا للســانوا لوكان يجيبوا من السودان يقولك أنا محانــوا

الله يحفظك حبيبي

najub20 08-11-2007 07:49 PM

رد: شعر شعبي جزائري رومنسي جدا جدا..
 
روعة ........شكرا لك

patient_calme 11-11-2007 12:41 AM

رد: شعر شعبي جزائري رومنسي جدا جدا..
 
http://www.t7leeh.com/mnwa/mnwa15.gif


الساعة الآن 08:58 PM.

Powered by vBulletin
قوانين المنتدى