حتى لا ننسى ..عمايل فرنسا ..
حتى لا ننسى .. طيـارات فرنسا جـات اتهـجم * ماذا نقلـت من العساكر والمينـات والاطناق الزاحفة راهي تتـلمم * دحست كل اعشاب والنعـمة ما خلات هذا جراد ربي عـنا راه اهجم* تحفظ العربـان من خرايـبه والممـات يا مصعب ذا النهـارعلينا يتغـمم * تحسب السماء فيـــه بالدود تغطــات " ليبارة " تنزل على الخـلايق يافاهم * ضربـت كل رجـال والنسـا ماخـلات هـذا " كـور"عـنا راه يدمـدم * رعبـت منه كـل الحراير والصغارات تشوف فيه الظـلم يجري يتجسـم * والحـــق راهم قالوا علـيه الممــات وينــك يا أميرالجهاد لينا تنتـقـم * راهم خلفــــوا منا كل الطيــحات هذي كفـــرة راها ليــنا تتحزم * ما قـدرت للفــلاقة في البطـــحات مـاذا مـاذا مـنا سال الـدم * والنســوان عليه راهي زغرتــــات تشوف العربي يجـاهد ماهو نـادم * ولسانـه مليـان بالشهادة والتكبيـرات هذا يوم ما ينفـع فيه غيرالإسلام * وبالجهــاد راها فيه اتم المعجــزات جاوالخاوة كي السبوعة منهم تتعلم * ضربوا الـعدو من عدوانه ملكوا خبرات واحد يحلف شاد شلاغمه ويبرم * وآخر سنـطرته معمـرة يستنىاللحظات وعدوا الشعب والوطن اللي تظلم * بللي في الغد راهـم يقومو بالواجبـات خيرولـهم موضع اللي ما يتعـلم * ثم نطـحو الكفرة بالرصاص وبالطعنات دام الضرب نهاروالبـارود يتـكلم * طاحت فيه عسكر ما يتحسبـوهيهات داروا فيهم فرتولة ما بقى منهم ظالم * وسلاحهم راهم جابـوه لينا مغنمــات صار اللي مات له خيو وبيو والعم * يتبسم لجيش التحرير صاحب الخصلات زغرتو يا نسوان رانا بدينا نتعلم * والحرية الحمراء في طريقها راهي جات. |
رد: حتى لا ننسى ..عمايل فرنسا ..
مشاء لله صح لساك اخي الكريم
|
رد: حتى لا ننسى ..عمايل فرنسا ..
لن ولن ننسى ...
بارك الله فيك |
رد: حتى لا ننسى ..عمايل فرنسا ..
اقتباس:
أهلا وسهلا بارك الله فيك وأسعدك ..شكرا . |
رد: حتى لا ننسى ..عمايل فرنسا ..
بارك الله فيك
|
رد: حتى لا ننسى ..عمايل فرنسا ..
اقتباس:
وفيك أيضا.. يا جزائري يا محترم . |
رد: حتى لا ننسى ..عمايل فرنسا ..
اقتباس:
شكرا لك أيضا .. يا جزائري يا محترم .. |
رد: حتى لا ننسى ..عمايل فرنسا ..
جزاكم الله خيرا
|
الساعة الآن 09:45 AM. |
Powered by vBulletin
قوانين المنتدى