|
طريقة تحضير حريرة رمضان من مطبخي :
السلام عليكم ورحمة الله تعالى وبركاته اليكم اليوم وصفة الحريرة الخاصة بناس الغرب... http://www13.0zz0.com/2012/07/18/18/243453211.jpg نبدأ على بركة الله : المقادير: - كمشة حمص - 250 غرام لحم خروف اودجاج - بصلتان كبيرتان - 3 حبات طماطم -2حبات جزر -2حبات لفت -2حبات قرعة - 2 ملعقة زيت عادي - 2 ملعقة كبيرة ملح - ربع علبة طماطم -6 ملاعق كبيرة طحين -حزمة قسبر المنور التوابل : - سكنجبير - الكروية - نصف ملعقة صغيرة زعفران - ملعقة صغيرة فلفل أسود -فلفل احمر - القرفة -الحلبة -نجمة تباع عندالعطار http://www13.0zz0.com/2012/07/18/19/132773279.jpg طريقة التحضير: في القدر يوضع الحمص وقطع اللحم ويفرم البصل والطماطم ويوضع الملح والتوابل المذكورة سابقا والزيت وحزمة القسبر مربوطة مع لتر ونصف من الماء ويطهى الكل مدة 40دقيقة... يفضل ان يوضع الحمص في شاش لتتجنبي طحنه بعد نضجه .. بعد النضج قومي بطحن محتوى القدر .. ثم ضعيه حتى يغلي وحظري خليط مكون من: في قليل من الماء تفرغ الطماطم المصبرة والتوابل المعروفة عندنا بالمشايخة.. _وهي مزيج من الزنجبيل وقليل من القرفة والكروية والفلفل الاسود حسب الرغبة _ ويضاف إلى القدر مع التحريك ومرة ثانية بعد غليان محتوى القدر -اضيفي الخليط الثاني والمكون من ربع لتر من الماء المذوب فيه كمية الطحين ...مع التحريك المستمر... - نقوم بتهدئة النار تحت القدر ونتركها لمدة قصيرة فقط.. - نضيف مكعبات ماجي بقر ..لكي تعطي نكهة لذيذة -و بعد اطفاء النار ضعي فيها حزمة المعدنوس للتعطير واعطائها النكهة.. و في الاخير نقدم الحريرة مع القليل من الليمون المعصور http://www13.0zz0.com/2012/07/18/18/243453211.jpg الحريرة تعتبر الضيف الشرف الغير مستغنى عنه في مائدة رمضان.. الطريقة وضعتها بحسب ماهو متفق عليه وبحسب مانقوم بتحضيرها في البيت:11::11: |
رد: طريقة تحضير حريرة رمضان من مطبخي :
امممم يمي يمي ريحة لحريرة جابتني نجري ما شاء الله تبارك الله عجبتني الحريرة و عجبني السرفيس و عجبتني الوصفة :8: بارك الله فيك أم خيرووو ،، تسلم إيديك (عيد ميلاد سعيد لخيرو بطولة لعمر إن شاء الله :11:) |
رد: طريقة تحضير حريرة رمضان من مطبخي :
آـه تفكرت و أنا نقول وين شفت هذا السرفيس من قبل :5: هههه هو مثل سرفيسنا تاع العام الماضي :8: شكرا مرّة أخرى أم خيرووو :13: |
رد: طريقة تحضير حريرة رمضان من مطبخي :
اقتباس:
الله اميين و الله يسلمك والله لايحرمني من دعواااتك الطيبة حبيبتي ليام شكرا لمرورك على موضوعي وهذا شرف لي ووسام على صدري :11::11: |
رد: طريقة تحضير حريرة رمضان من مطبخي :
اقتباس:
ههههههههههههههههه بصحتك حنونتي انا هذا وين وصلني و هذا وين كسبه و:8: المهم حاجة جديدة على الطاولة مشكووورةحبيبتي على المرور |
رد: طريقة تحضير حريرة رمضان من مطبخي :
أممممممممممممممممممم تشهي راكي جبتي الوصفة بالتدقيق حنا عندنا صحاب الغرب راهم يديروها هاكة ودروك راهم يزيدو فيها شوية شوربة ولا روز غير شوية برك تسلمي على الموضوع |
رد: طريقة تحضير حريرة رمضان من مطبخي :
اقتباس:
الله يسلمك حبيبتي سوسن حتى انا في بعض المرات نضيف لها شوية روز ولا تشيشة .. المهم كل وحدةولها طريقة التحضير ولكن نشترك في ذوق واحد حابة نعر ف انت من أي ولاية :5: |
رد: طريقة تحضير حريرة رمضان من مطبخي :
و عليكم السلام ماشاء الله عليك يا أم خيروووو سبقتينااا كااامل ياك ماراكومش صايمين اليوماا:15: تبدو طريقتك لذيذة و غنية //خاصة من ناحية التوابل ذكرتيهم كامل حتى الحلبة نسيتي برك الكمون:8: ما اعجبني اكثر عدم طحنك للحمص لانني لا احب الشربات الخالية من الحمص غير البويون طبعاااا...بصح 250 غ ماشي بزاااف؟؟ تعلمنا معك طريقة جديدة لاننا هنااااا لا نطبخ الحريرة ...و بصراحة عمري ما تذوقتها بالاك نجربهاان شاء الله ... شكرااا جزيلااااا يا سيدة بوحاامد تاعنا:13: |
رد: طريقة تحضير حريرة رمضان من مطبخي :
أولا أنا نعشق الحريرة في رمضان وغير رمضان وطبعا نقول كيما جماعة حمود " رمضان بلا حريرة ههههههه ماكانش منها" كاين حاجة برك حنا نديرو تشيشة برك وحاجة أخرى ما نبغيش حريرة اللحم , ندير قيرة إذا ما داروهاش بالجاج والحاجة التالية هي أن اللفت يدير بنة سبيصيال وهبال فالحريرة وفالدار تبان الحريرة اللي فيها اللفت واللي بلا لفت وطبعا كي يكون وقت اللفت نشريه سبيصيال للحريرة وفي ماكلة واحداخرى ما عندي حاجة فيه شكرا على التعريف بأهم طبق عند سكان الغرب بارك الله فيك |
رد: طريقة تحضير حريرة رمضان من مطبخي :
اقتباس:
تسلمي ليلوش على الرد الجميل واللي يحفزني أكثر ان شاء الله تجربيها اومن الاحسن ذوقيها من عمل ايدي ان شاء الله بالنسبة للتوابل احنا مانحضروهاش بالكمون وكل واحد و الذوق ديالو تعرفي حطيت الوصفة بدون مراجعتها .. يد في الكوزينة و يد على المنتدى قاع مارانيش مركزة :2::2::2: |
| الساعة الآن 08:02 AM. |
Powered by vBulletin
قوانين المنتدى