مسعودة
 

مسعودة

عَزُّوني يَا نَاسْ مَاتَتْ مَسْعُـــــودَة ... صَدَتْ عَنِّي زَينتْ الْـﭭَـدْ وْ لَرْمَــــاشْ
غَابَتْ دُونْ وْدَاعْ ذيكْ الْمَـﭭْــــدُودَة ... و الْفَرْحَة وَلاَّتْلِي دِيمَة تَغْشَــــــاشْ
عَينِي تَدْمَعْ وَ اجْوَاجِي مَفْقُــــودَة ... مَتْكَسَّرْ مَنْ خَاطْرِي وَ اهْبَالي رَاشْ
مَا نَحْسَبشْ اتْكُونْ مَوتَة مَعْــدُودَة ... و اتْحَطَّمْ ميلاد شَاعَرْ في لَنْعَــــاشْ
عَارَفْ هَاكَذْ جَاتْ مَاهِي مَقْصُــودَة ... وَ الْكَادُو اللِّي جَايْنِي بَطَّلْ مَا جَاشْ
مِيلاَدي وَ ايَّامْهُمْ رَجْعُو سَـــــــودَة ... لاَ شَمْعَة ضَوَّاتْ في لَيلَةْ رُشْرَاشْ
مَا يَزْهَاشِي خَاطْرِي بُعْدَكْ كَـــودَة ... قَلْبـِي مَاتْ وْضَاعْلِي مَفْتَاحُو طَاشْ
مَا تَنْفَعْنِي غَيْ اصْحَارِي مَهْمُــودَة ... وَ انْعَوَّﭪْ تَعْوَاﭪْ ذِيبْ مْعَ لَحْـــــرَاشْ
نَنْعِي للْبُومَاتْ تُبْقَى مَشْـــــــدُودَة ... يَعْجَبْهُمْ بَكَّايْ في ظَلْمَتْ خُــــفَّاشْ
نَبْكِي عَنْ مَسْعُودْتِي ذِيكْ الْخَـودَة ... وَ الدَنْيَا مَنْ بَعدْ مَسْعُودَة مَكَـــــاشْ

الشاعر : علي عبدالواحد حرزالله

رد: مسعودة
 

الله يرحمها مسعودة

جميل ما خطت يداك مشكوررررررة

رد: مسعودة
 

اه يا سعد الله الله على مسعودتك يا سي عبد الواحد والله رائعة كم احب هذا النوع من الشعر تحسو يهدر عليك

رد: مسعودة
 

يا مسعوده جاتني طريقك كوده*والمرسول اللي بيناتنا طول ما جاش

رد: مسعودة
 

رد: مسعودة
 

اسعدني مرورك الجميل ام زيزو ربي يحفظك

رد: مسعودة
 

الله يرحمها "مسعودة"

رد: مسعودة
 

الله يرحمها (مسعودة)

رد: مسعودة
 

اشكركم على المرور الجميل

رد: مسعودة
 

من هذه مسعــــــــــــــــودة؟؟؟؟؟؟؟؟؟؟