سَلْمَى
طَال اللِّيلْ لِوَصْلْ سَلْمَى هَلْ مَنْ فَجْرْ **** مَا شَفَّكْ بَعْذَابْ قَلْبِي يَا دِيجُورْ وِينْ مَا رَمْتْ لأخْرَكْ يَلْقَانِي صَدْرْ **** مَثْلْ البَحْرْ مَنْ أوْلَكْ وَاقَفْ مَحْصُورْ غَطَّى السَّهْلْ اظْلامَكْ السَّاجَفْ وَ الوَعْرْ **** مَا يُرْجَالَكْ مُنْتَهَى وَ انَا مَذْعُورْ بَتْ انْرَاعِي وَعْدْ سَلْمَى عِينْ العَفْرْ **** حِينْ قَالُوا لِي غَدَّا لَبُدْ اتْزُورْ مَا نَعْرَفْ مَنْ وَعْدْهَا خَلْفْ و لاَ نَكْرْ **** شَيئًا قَالَتْ حَقْ مَا تُوعَدْ بَاغْرُورْ لُو ضَحْكَتْ سَلْمَى وَ بَانْ ابْيَاضْ الثِّغْرْ **** يَطْلَعْ صُبْحْ انْ لاَ تْرَدْ اضْيَاهْ اسْتُورْ لَكَنْ مَنْ دُونْ الثَّنَايَا لِيلْ الشَّعْرْ **** حَطْ اوْرَاقْ اسْوَدْ عَلَى الغُرَّة مٌقْصُورْ مَا رِيتْ اشْبَهْ مَنْ مُحْيَاهَا بَالبَدْرْ **** وَقْتْ انْ تَرْسَلْ فَرْعْ عَاتَقْهَا مَنْشُورْ يَحْكِي لَلْخَالْ مَا شَاهَدْ مَنْ قَسْرْ **** فِي الوَجْهْ اللِّي مَنْ ضِيَّاهْ الحَالْ ايْنُورْ وِينْ اتْصَدْ الثِّيثْ مَنْهَا يَتْرَكْ نَشْرْ **** لُوْ خَلَّاتُه عَامْ كَالرَّقْطَة مَظْفُورْ ثَعْبَانْ امْخَتَّمْ مْنَ الحِيَّات السُّمْرْ **** بَاسْوَادُه قَلْبِي اصْبَحْ وَ امْسَى مَغْمُورْ حَجّْبَتْ رُوضْ الخَدْ الحَاجَبْ وَ الشَّفْرْ **** كِيفْ لاَ يَنْظَرْ الْذَاكْ الرُّوضْ جَسُورْ مَنْ يَتْلَقَّى بَالحْشَا صَهْدَاتْ الجَمْرْ **** غِيرْ انَا اللِّي عَنْ هَوَى سَلْمَى مَجْبُورْ سَلْمَتْنِي سَلْمَى هِبَا رَاهِي فِي قَصْرْ**** بَعْدْ النَّظْمْ يْكَفْ هَجْرَتْهَا مَنْشُورْ هَزَّتْ بَانْصَالْ الهَوَى حَظْ مِنَ الصَّبْرْ **** هَلْ مَنْهَا بَعْدْ الجْفَا لَلْقَلْبْ ابْرُورْ مَا شَفْتْ امْثِيلْهَا فِي عَزْ وْ فَخْرْ **** وَ لاَ شَافَتْ مَثْلِي افْرِيقَّتْهَا مَهْجُورْ مَا صَالَتْ بَجْمَالْهَا خُودَة فِي عَصْرْ **** وَ لاَ مَلْكَتْ مَمْلُوكْ كِيفْ انَا مَقْهُورْ تَعْرَفْنِي وَ اعْرَفْتضهَا وَ اكْتَمْنَا السَّرْ **** كِيفْ الاَّ يَفٌقَهْ هَوَى العُشَاقْ غْرُورْ بَهْمَتْنِي وَ ابْهَمْتَهَا مَا اجْهَلتْ اقْدَرْ **** لَكِنْ فِي حُكْمْ الهَوَى الاغْيَادْ اتْجُورْ للسُّلْطَانْ بْفَعْل سَلْمَى نَرْفَعْ الامْرْ **** وَ نَبَصَّرْ فِي جَمِيعْ مَا كَانْ المَنْصُورْ مُولاَيْ اسْمَاعِيلْ يَسَّمَى سِيفْ النَّصْرْ **** مَنْ بِيهْ رَضِي الحَربْ فِي المِيدَان اتدُورْ هُوَ يَحْكُمْ بِينْنَا وَ ايْدَاوِي الضَّرْ **** وَ الغِيرْ إذَا كَانْ نَشْتَكِيلُه غِيرْ غُرُورْ غِيثْه لاَ مَلْهُفْ يَا كَنْزْ المَضْطَرْ **** يَا جَابَرْ مَنْ شَافَتْ ارْمَاقُه مَكْسُورْ انْتَ السَّفْرْ الجَامَعْ الحِكْمَة كِالدَّهْرْ **** فِيكْ عُلُومْ بْكُلْ مَحْمُودَة مَذْكُورْ اعْلَمْنِي بَحْدِيثْ سَلْمَى نَنْسَى الهَمْ **** وَ اذْكُرْ وَصْفْ اعْرَبْهَا وَ اخْبَارْ القُومْ رَحْلُوا مَنْ سَقْطْ اللِّوَى بَضْعَايْنْ سُحْمْ **** كَنْ اسْحَايَبْ فِي سْمَا صَاحِي مَنْعُومْ بَلْعَتْهُمْ بَطْنْ الفَضَا مَنْ ذَاكْ الرَّسْمْ **** وَ اصْبَحْ مَغْنَاهُمْ اجْرَدْ صَاعَدْ مَقُومْ رَدَّدْ يَا ذَا الفَضْلْ خَبْرَكْ لاَشْ اتْزَمْ **** تَعْرَفْنِي فِي حَدِيثْ مَنْ نَهْوَى مَغْرُومْ غَنِّي لِي بَكْلامْ سَلْمَى قَبْلْ الصَّرْمْ **** وَقْتْ انْ كَانْ الشَّمْلْ يَا سَلْمَى مَلْمُومْ لُوحْ بَعْضْ احْدِيثْنَا مَنْ بَابْ الرَّجْمْ **** وَ اتْرَكْ مَا هُو كُلْ حَالْتُه مَهْمُومْ عَنْدْ انْسَايَمْ ذِكْرَهَا تَحْيَا بَالشَّمْ **** نَسْتَنْشَقْ لُو كُنْتْ مَاذَالِي مَزْكُومْ نَتْفَكَّرْ مَنْهَا لِيَالِي فَاتُوا دَهْمْ **** فِي سْمَاهُمْ مَا شَاهْدَتْ لَعْيُونْ انْجُومْ سُودْ بْرُودْ اطْرَقْتْهَا وَ الكَالِي صَمْ **** هَبْتْ عَنُه مَنْ اسْرَارْ الغِيبْ غْيُومْ وَ اعْجَزْ حَارَسْ بِيتْهَا بَالسَّرْدْ انْضَمْ **** سَمْعُوا لُه فِي مَسْكَنُه نِينُه وَ زِيُومْ بَتْنَا نَتْعَاطَاوْ شَبْهْ زْلاَلْ الكَرْمْ **** فِي كِيسَانْ الوَدْ مَنْ صَهْبَاء خَرْطُومْ قَطْرَتْ مَنْ عَصْرْ المَاء وَ ابْيَاضْ الظُّلْمْ **** مَا غَنَتْ بَعْبِيقْهَا دُوحَاتْ اكْرُومْ وَ انْشَرْنَا عَقْدْ الحَيَاء مَنْ سَلْكْ النَّظْمْ **** بَعْدْ اللُّومَة عْتَابْهَا وَلَّى مَنْظُومْ خَلَّصْ ذَهْنَكْ مَنْ اوْسَاوَسْ هَتْكْ الحُرْمْ **** وَ ارْفَعْ نَظْرَكْ عَنْ رْضَى هَفْوَاتْ اللُّومْ وَ احْسَنْ ظَنَّكْ لاَ تْلاَحظْنَا بَالْوَهْمْ **** فِي مَذْهَبْنَا السَّفِيهْ يَا صَاحِ مَذْمُومْ غِيرْ امْعَانِي زَايْفَة تَسْرِي فِي الجِسْمْ **** سَرْيْ المَاء فِي بَاطْنُه قَاسِي مَحْطُومْ نَسْتَخْرَجْ دَرْ اللّْغَى مَن قَعْرْ اليَمْ **** وَ انْبَيَّنْ لَهْلْ الهَوَى فِي الحُبْ اعْلُومْ سَرْ بْدِيعْ ادْرَكْتْ بِيهْ عْلاَلِي خَصْمْ **** وَ انْقَى فِي كَشْفْ الرُّمُوزْ بْلاَ سَلُّومْ فَضْلْ الله وَ الفَضْلْ مَا يَنْقَاسْ بِكَمْ **** فِي اليَقْظَة شَاهَدْتْ حُكْمْ اسْرَارْ النُّومْ سَلَّمْ وَ التَّسْلِيمْ حِكْمَة لَهْلْ العِلْمْ **** مَا مَنْ تَاعَبْ فِي الوْطَا سَابَقْ مَحْرُومْ مِيلْ بْجَفْنَكْ لَلْمَنَعْ مَنْ هَذَا اللَّطْمْ **** هَذَا بَحْرْ لاَ تْقَدْ فِي مَاهْ اتْعُومْ كَحَّلْ لَحْظَاتْ الرّْضَا بَسْوَادْ الحُلْمْ **** تْفَضَّلْ بْدِيعْ مَاذَا لُه مَكْتُومْ مَا نَعْرَفْ لُه فِي الزَّمَانْ ثْوَاقَبْ فَهْمْ **** تَحْتْ ثِيَابْ الصَّمْتْ وَ الهَمَّة مَضْمُومْ ظَهْرَتْ مَنْ لَفْظْ القُوَافِي نَثْرْ وَ نَظْمْ **** نَارَتْ كِيفْ تْنُورْ فِي الافْلاَكْ نْجُومْ يَا عَنْتَرْهَا حِينْ نَتْهِيَا لَلْحَزْمْ **** يَا حَاتَمْهَا فِي اغْلاَاوَتْ سَعْرْ اليُومْ يَا حَجْرْ اسْعَدْ لَذَّتْ اطْرَافَكْ لَلشَّمْ **** يَا بَدْرْ ازْهَرْ لاَحْ مْنَ القَبْلَة مَتْمُومْ *تَمّت* القًصِيدَة- للشِيخْ سعِيد بن عَبد الله المندَاسِي –المكنِي بِأبي عُثْمَانْ |
الساعة الآن 12:08 PM. |
Powered by vBulletin
قوانين المنتدى