قصيدة ياطويل الرقبة*لشيخ عبدالقادرالخالدي
قصيدة: *يا طويل الرقبة* يا طويل الرقبة فيك ريت العجب محاينك صعيبة و أثرت في العرب *** ما هدات ترابة و لا اشراف النسب مرابطين و طلبة صحاب سلك الذهب *** دايرينك رتبة صغارها و الشيب و النساء مجلوبة بكارها و الثيب *** إذا بدات القصبة تنم و انت تكب صاحبك ما يعبى يغيب كاللي جذب *** شيمتك مغريبة تهلّك اللي رتب للبلاء كالشطبة ادّور على العطب *** مصيبتك مصيبة المالكه ينسلب ما يدير كسيبة و يرخص اللي كسب *** صاحبك يدّربى من العلالي ينكب من القدر و الهيبة يعود ما ينحسب *** فيك ترك التوبة و فيك ترك الأدب فيك ترك الصحبة و فيك ترك الصوب *** جيلنا بوقلبة على صاحبه ينقلب دار ليهم عقبة و قاسهم في العقب *** ذا هبى و ذا ينبى و ذاك غادي ينكب من هبط ما يجبى و من جبى ما ثقب *** عام جوّز غلبة الغرس فيه انضرب ما لقى حتى حبة من الثمار انسحب *** ما فرحش بصابة مشات له منتشب شي مشى للريبة و شي غرامة و سلب *** خاب عود الطيبة و غل توت الزرب و فاز عود القربة على عواد الجعب *** غاب اسد الغابة و صال فيها الدب و اللصوص ثرابة تشوف تحت الهذب *** من بيوت الوجبة بقاو غير العتب و الهدم منصوبة على الكدا و الروّب *** بان شان الهيبة على وجوه الغضب و الوجوه الطّربة سطى عليها الشغب *** كل شين تنبّى و ساد يا للعرب و الملاح غيابة و حسهم ما ثغب *** صافيين النسبة ضحاو سهم الغتب و بايعين الغتبة سواو علو الرتب *** يا عجب ذا العجبة تفوت كل عجب ما بقات محبة و قل من يصطحب *** من تصيبه وجبة تصيب قلبه صلب و من يقولوا رقبة بكل هم ينطلب *** كل شي بالنوبة و من غلب ينغلب الزمان عقوبة والفارس لي ركب هده القصيدة لشيخ عبد القادر الخالدي الكبير ولد معسكر ردودكــــــــم تهـــــــمـــــــــــنا |
رد: قصيدة ياطويل الرقبة*لشيخ عبدالقادرالخالدي
شكرا لك اخي
كاش ما خليت لنا بها نردوا تحيتي محمد مخفي |
رد: قصيدة ياطويل الرقبة*لشيخ عبدالقادرالخالدي
اقتباس:
شكــــــــــــرا |
رد: قصيدة ياطويل الرقبة*لشيخ عبدالقادرالخالدي
شكرا لك أخي محمد بارك الله فيك
عبد الباسط المعسكري |
رد: قصيدة ياطويل الرقبة*لشيخ عبدالقادرالخالدي
لا شكر عل واجب ..واهلا بك عضوا فى منتدانا
|
Re: قصيدة ياطويل الرقبة*لشيخ عبدالقادرالخالدي
بارك الله فيك أخي محمد راك منورنا لكن لو ممكن رابط القصيدة
|
رد: Re: قصيدة ياطويل الرقبة*لشيخ عبدالقادرالخالدي
اقتباس:
|
Re: قصيدة ياطويل الرقبة*لشيخ عبدالقادرالخالدي
نعم أخي أقصد رابط الأغنية إن أمكن مشكور على التتبع راك حاضر بقوة
|
رد: قصيدة ياطويل الرقبة*لشيخ عبدالقادرالخالدي
choukran akhi mohamed,
|
رد: قصيدة ياطويل الرقبة*لشيخ عبدالقادرالخالدي
اقتباس:
|
الساعة الآن 09:50 AM. |
Powered by vBulletin
قوانين المنتدى