السلام عليكم ورحمة الله تعالى وبركاته

ما شاء الله عندك أسلوب كتابة مشوق كي تبرى إن شاء الله تنحيها لنجيب محفوظ
وأنا أقرأ حكايتك جا في بالي عدة أفكار إن الي بيك مس جني في حصة تلفزية شفت بلحمر بخ طفل صغير بماء مرقي وقال له عن موضع الألم في ظهره أو رأسه قال بلحمر ذاك الموضع هو الي فيه الجن
أتساءل لماذا لم تقم بالحجامة تنزع الدم الفاسد من ظهرك قد يريحك هذا
أنا أرى حالتك فعلا مس من جهة ومن جهة أخرى صحية وسوء تغذية ونوم
كول مليح ركز على الجوز (القرقاعي) اللوز المكسرات السمسم (الجلجلان) هاذي الي فيها زيوت مفيدة جدا للمخ
النعناع الحلبة الشاي وأي حشائش معروفة مليحة كذلك
مع الحجامة في الظهر
حبوب الدواء مضرة لكن لا تتركها لا اتحمل مسؤوليتك غذي نفسك جيدا حتى لا تزيد عليك نوع الاطعمة ماتخلي والو في بالك سمك بيض لحوم كول وكول وكول
والنوم اختار مكان مليح ووضعية مليحة باش ترقد اذا تخاف يطير النوم وأهم حاجة تكون شبعان
والبرد ثاني يضر دفي روحك مليح واتنفس هواء نقي وانت تمارس الرياضة مايتخافش عليك
وقصص كيما المسيح الدجال غير خرطي وماهوش من التراث الاسلامي راه من الاسرائيليات وبعد على هاذوك بائعي العطور والسلفية راهم غير يخرطو ويخوفو في الناس ما يعرفو والو غير الترهيب والارهاب السلفية كلها مبنية عالاسرائيليات خرطي الدجال وعودة المسيح وياجوج وماجوج كلهم من الديانة اليهودية ابتعد عن محيطهم الموبوء التخاريفي باش ترجع تفكر مليح

وبخصوص الاحساس بالناس والأشياء هاذيك أحاسيس غبية ما تفكرش فيها أنا لما ألعب سباق سيارات في الكمبيوتر أحس كل صاحب سيارة عندو شخصية الاول مصر الي ينافسني شرير وكاين الاحمق الي يزلق كل مرة ويزلقني هم مجرد ألعاب ماعندهم لا شخصيات لا افكار وانا ما نخليش هذا الاحساس يسيطر عليا ونعتبرو حقيقة والأفضل ما نفكرش هكذا نحرق طاقة مخي على شي تافه نخليها للتفكير العقلاني وليس للاحساس بالأشياء وهكذا لازم تعمل

انفصام الشخصية كيما قلت مش شخصيتين لكن صرات لوحد العارضة او ممثلة كانت عندها حالات هلوسة اقنعوها في اثناءها انها عميلة جاسوسة باش يستخدموها لصالحهم ومن يومها شاع انها شخصيتين هذا واش نعرف وانت اكيد تعرف هاذ القصص وبحثت عنهم
ربي يشافيك إن شاء الله تهلى في روحك وأطرد الوساوس والأفكار الغبية اعتبرها غباء وخرجه من مخك ربي ينصرك عليها وعلى هاذوك آمين