الشـــــآيب....
10-11-2016, 02:14 PM
الشــــــــآيب...
هذه الابيات لوسام مختاري
شحال نحب
نشوف لفجر يطلع..
شحااال نحب ندعي
لربي و نركع..
متمني نشوف
الضحكة تترسم..
و نشوف وجوه ا
لناس تتبسم...
مشات اليامات
و غرقت في لهموم...
لقيت روحي في
الشط فاطر
بصح عل الضحكة نصوم....
لحمام يطير و انااا نتفرج..
و علابالي بلي
الصبر مفتاح لفرج...
الشمس غربت و
انا قلبي كابر فيه لجرح...
الناس اداوي بدوااا و
اناا حطيت فوقو الملح...
كنت نية حاسب ا
لطريق تخرجني..
و اناا مسكين
شكون قادر يهربني..
راني محبوس في
قفص لمحاين...
زهري منحوس و قبل
ما نكبر راهو باين...
شحال زق فوق
راسي لحمام...
و سمعت بلي عندي
الزهر فهادوك ليام...
بصح شعري شااب
و الدمعة حاصلة
في لعيون..
لخدود نشفو يستناو
تبكي لجفون...
شعري شاااب
و انامقابل لبحر...
نتفكر لحباب و
نستنى يعيطلي لقبر...
يقولو شيخ كبير
مسكين راهو خااارف..
لالا ما خرفتش
و ما جتيتش لهاد الدنياااا شارف...
انا كيمااا نتا عشت حياتي...
بكيت و ضحكت...
و على الحجرة تعكلت...
انا كيما نتا حبيت فياماتي...
قريت و تمسخرت
و بين يدين يمااا كبرت....
تقولو الدنياا ما تحلاصش...
و ناس في لقبر
كيفكم عاااشت...
انااا تاني كنت نقول
يماااا ما تموتش و ماتت...
فهاد الدنياا ما ينفعك
لا صاحبك لا اختك لا خوك...
ديمااا فالقبر يروحو و يخلوك...
فهاد الدنيااا ما تلقى
غير والديك...
و نهار يغيبو و يبعدو عليك...
ما تلقى غير الدموع يطيحو بين يديك...
التعديل الأخير تم بواسطة دمعة حزين ; 19-04-2017 الساعة 03:55 PM