شُوقْ مَنْ كَنَهْوَى لَهْوَاهْ سَاكْنِي رَاضْ **** مَنْ هَوَاهْ سُفُونِي بَحْرْ الهُوَالْ خَاضُوا
كِيفْ يَهْنَاوْ اخْلاَقِي وَ الجُوَارَحْ مْرَاضْ **** وَ القْرَايَحْ مَنْ وَكْدْ مْحَبْتُه اغْتَاضُوا
هَزْنِي حُبْ حْبِيبْ القَلْبْ بَعْدْ مَا هَاضْ **** بَاحَتْ اسْرَارِي وَ دْمُوعْ العُيُون فَاضُوا
سْكَنْ حُبْ لَحْبِيبْ فِي الجُوفْ لِيهْ حَاضْ **** وَ اسْرَى سَرْيْ الرَّحِيقْ فِي دْوَاخَلْ لَعْضَى
وَ صْدُودْ البِينْ صَالْهَا فِي حْشَايْ عَاضْ **** مَنُّه سُلْطَانْ مُهْجَتِي اصْدَا وَ امْضَى
طُولْ احْيَاتِي انْشَرْفُه حَتَّى يَرْضَا *
مَا نَزُولْ فِي عَشْقْ البَدْرْ الوَسِيمْ قَابَضْ **** يَاتُرَى لَحْضِي فِي ازْمَانْ الرِّضَا يَلَّحْضُه
مَنْ احْيَانِي بَالشُّوقْ الخَاشَعْ المُوَعَّضْ **** حَرْ عَطْشِي يَطْفِيهْ مَنْ سَلْسَبِيلْ حُوْضُه
بَعْدْ انْ حَكْ وَ انْضَمَرْ قَلْبْ كُلْ بَاغَضْ **** نَقطَفْ زَهْرْ الحِكْمَة مَنْ بَدِيعْ رُوضُه
جَارْ حُبُّه وَ ادْعَانِي لَلْوَغَى ايْشَلْضَضْ **** يُومْ حَرَّبْ قَيَّسْتْ بِينْ خَاضُوا
انْضَلْ شَايَقْ وَ انْبَاتْ بْقُرْحَتِي فِي تَيْقَاضْ **** وَكْرِي حَرَّمْتُه وْ بَصْرِي جْفَاهْ اغْمَاضُه
هَزْنِي حُبْ حْبِيبْ القَلْبْ بَعْدْ مَا هَاضْ**** بَاحَتْ اسْرَارِي وَ دُمُوعْ العُيُونْ فَاضُوا
حُبْ الحْبِيبْ دُونْ رِيبْ عْلِيا فَرْضْ **** وَاجَبْ نَهْوَاهْ نُورْ فَكْرِي وَ الحَاضِي
إمَامْ لَمْلاَكْ جَمْلَة وَ اهْلْ الأرْضْ **** مَدْحُه دَرْتُه احْجَابْ لْإمَانِي حَاضِي
مَنْ تَرْجَى سَرْخَتُه الخْلاَيَقْ يُومْ العَرْضْ **** حُبُه خَاذْنِي و جَاء عَلَى حُكْمْ غْرَاضْي
وِينْ مَا ارْغَبْتْ كَانْصِيبُه فِي اغْرَاضِي *
مَا اجْبَرْتْ افْكَاكَة مَنْ هَوَاهْ رَافَدْ الغِيضْ **** وَ انْتَرَكْتْ فِي شَدْ الحِيرَة انْطِيحْ وَ انُّوضْ
بِينْ لَرْيَاحْ رَاكَبْ جَفْنِي فِي احْمَالَتْ الفِيضْ **** بَعْدْ مَا سَرْتْ عْلَى كَهْلْ الضّْغَامْ مَنْفُوضْ
مْنِينْ شَارْ فَالجُوْ عْلَى طَعْنِي بْسِيفْ كَالمِيضْ **** انْخَجَلْ دِوَانْ ضْمِيرِي وْ رَاحْ مَبْهُوضْ
وَ اللِّي نَهْوَاهْ شَانُه ارْفِيعْ لِيسْ يُخْفَاضْ **** مَايْلِي حَدْ سْنِيدَة فِي الوَرَى اعْوَاضُه
هَزْنِي حُبْ احْبِيبْ القَلْبْ بَعْدْ مَا هَاضْ **** بَاحَتْ اسْرَارِي وَ ادْمُوعْ العُيُونْ فَاضُوا
حُبْ احْبِيَّبْ المُونْتَشِي نُورُه مَنْ مَحْضْ **** نُورْ المُولَى عَلَى الوَرَى شَالَا مِيضُه
وَ اغْشَانِي بَعْدْ ارْمَانِي بَحْدِيثْ الوَعْضْ **** هَاضْ عَلِيَا وْ طَالْ فِي اهْجَايَا غِيضُه
وَ ارْمَى دَمْعِي سَاحْ عَالوَجْنَة فِيضُه *
وَ الفِرَاقْ لْتَعْبِي بَمْحَلْتُه امْعَرَّضْ **** حَازْنِي وَ اتْرَكْنِي مَا بِينْ الثَّلجْ وَ اللّضَا
وَ ادْهَى دَهْنْ العَاشَقْ لُو اقْوَى ايْمَرَّضْ**** آهْ يَا وِيحِي شُخْتْ وَ لاَ اوْجَدْتْ نَهْضَة
مِنْ الهَوَى وَ مْنَ الحُبْ للْجَمْرْ امْعَرَّضْ**** دُخْتْ وَاعْرُوقْ اعْضَايَا سَايْخة فِي بَهْضَة
وَ الهَبْ ادْلِيلِي مَنْ نَارْ الغَرَامْ شُوَّاضْ **** وَ الأُمُورْ اشْتَدَّتْ وَ احْجُوبْهَا اغْلاَضُوا
حَمْلُونِي حَمْلْ انْ لاَ طُقْتْ لِيهْ تَنْوَاضْ **** وَ اللِّي حَمْلُوا حَمْلْ اخْفِيفْ بِيهْ نَاضُوا
هَزْنِي حُبْ حْبِيبْ القَلْبْ بَعْدْ مَا نَاضْ **** بَاحَتْ اسْرَارِي وَ ادْمُوعْ العُيُونْ فَاضُوا
فِي حُبْ النَّبِي حُكْمْ ابْعَدْ لَمْضُه **** عَلَى الحَقْ الشَّهِيرْ قَسْطَاسُه فَاضِي
مَا اوْجَبْ حَدْ ذِكْرُه مَنْ غِيرْ ارْضُه **** إلاَّ مَنْ كَانْ طَاهَرْ الذَّاتْ وَ امْوَضِّي
وَ جَمِيعْ مَنْ اجْرَى عَلَى سُتْرَتْ عَرْضُه **** مَنْ ذَالْمَعْنَة ايْقُولْ مَا انْزُولْ حَاضِي
يَتْبَعْ نَهْجْ الفَلاَحْ يَقْضِي وْ يَمْضِي *
كُلْ مَنْ خَافْ الله ادْخَلْ احْمَاهْ وَ ارْضَى **** ايْنَالْ أجْرُه وْ لَحْمَى خَالْقُه فِي رِيضَا
مَا انْطَمَسْ عَقْلُو وَ لاَ انْسَا مَا فَاتْ وَ مْضَا **** وَلاَ امْحَانْ مِنَ الفَحْشْ افْعَايْلُو امْرِيضَة
غِيرْ مَنْ كَانَتْ ذَاتُه فَاسْدَة امْقَرِضَة **** عَلَى المَعَاصِي مَشْرَارَة طَاغْيَة افْضِيضَة
يَا اللِّي فِي غُمُوقْ البُهْتَانْ طَاحْ مَا نَاضْ **** تُوبْ لاَ عَلَّا يَصْفَى مَاكْ مَنْ خُوَاضُه
هَزْنِي حُبْ احْبِيبْ القَلْبْ بَعْدْ مَا هَاضْ **** بَاحَتْ اسْرَارِي وَادْمُوعْ العُيُونْ فَاضُوا
اسْبَلْ امْرَكْ لَلْغَنِي عَلْوِي وَ احْضِيضْ **** تَتْمَتْرَكْ بَالعُفْوْ مِنَ الغِيضْ وَ اعْوَارَضْ
وَ اغْبَطْ فِي البُرْهَقَانْ طَوِيلْ اعْرِيضْ **** تَدْرَكْ بِيبَانْ وَاسْعَة دُونْ امْعَارَضْ
يَطْلَعْ لَكْ الفَنْ تَتْسَمَّا صَنْدِيدْ **** مَنْ خَلاَّ لَلْغَا غَزْلْ امْعَارَضْ تَخْمَدْ مَنْ النَّارْ حَامْيَة بِيهْ اشْوَاوَّضْ ****
رَدْ بَالَكْ لَلْحَفْضْ ابْنِيَّةْ العْرَاضَة **** مَنْ اعْطَاهْ المَعْبُودْ رِضَاهْ عَادْ مُرْضِي
جُولْ فِي كَلاَمِي وَ اتْأمَّلْ وْ خُوذْ رَاضَة **** إذَا اتْفَتَّشْ تُوجَدْ فِي تُوَرْخِي ألْفَاضِي
كَلاَمْ رَايَقْ فِي اقْوَامْ نِهَايْتْ الرِّيَّاضَة **** لِيسْ كَتْبَتْ مَثْلُو اَقْلاَمْ فِي المَاضِي
عَلَى البَلاَغَة سَرْ القُولْ العَجِيبْ يُحْفَاضْ**** يَا مَنْ ادَّعَى ابْشِي لاَ يَنْتَهَا الفَاضُه هَاكْذَا جِيبْتْ الضَادْ امْخَوْيَة مَعَ الضَّادْ **** بَاشْ مَنْ افْرَحُه دَامْ وْ قَالْ يَا بِيَّضُه
هَزْنِي حُبْ حْبِيبْ القَلْبْ بَعْدْ مَا هَاضْ****بَاحَتْ اسْرَارِي وَ دُمُوعْ العُيُونْ فَاضُه *عروبي*
مَا وَدِّيتْ احْقُوقْ لَلْفَرْضْ المَفْرُوضْ **** وَ ابْقِيتْ فِي الفَضَا انْفَصَّلْ وَانْقَاضِي
رِيَاحْ الهَوَى وَ الهَزْلْ حَالَكْ مَنْهُوضْ **** لاَ فَضْلْ لاَ رَاسْ مَالْ خَلَّاوَكْ فَاضِي
فِيَّقْ جَفْنْ السَّهْوْ تَيَّقَضْ يَا مَبْهُوضْ **** وَ اخْدَمْ رَبِّي وْ كُونْ بالٌقَسْمَة رَاضِي
وَ اتْفَكَّرْ شَايئًا كَلْفَكْ بِيهْ القَاضِي *
جَلْ مَنْ يَرْفَعْ ابْأمْرُه مَنْ ابْغَا وْ يَخْفَاضْ **** فُوَّضْ أمْرَكْ لَلْحَاكَمْ وْ عَايَنْ القَضَا
وَ احْشُومْتَكْ عَلَى المَنْهَاجْ القَوِيمْ تَعْرَاضْ **** طِيعْ لِمُولاَكْ حْسَابَكْ دَاخْلُو اتْقَاضا
مَا انْفَعْ فِيكْ فِي ذِكْرْ المُمْنِينْ تُوعَاضْ **** يَا المَاحِي سُورَةْ لُوحُه بْلاَ احْفَاضَة
أوْجَهْ افْعَالَكْ يَا رْذِيلْ تَعْرَاضْ **** يَا امْتَبَّعْ شَهْوَتْ إبْلِيسْ فِي اغْرَاضُه
اللَّبِيبْ العَاقَلْ مَهْمَا يْكُونْ يَلْفَاضْ**** كَا ايْلَذْ وْ يَحْلَى لَلسَّمْعْ قُولْ لَفْضُه
هَزْنِي حُبْ حْبِيبْ القَلْبْ بَعْدْ مَا هَاضْ**** بَاحَتْ اسْرَارِي وَ دْمُوعْ العُيُون فَاضُوا
انْهَايَتْ القُولْ وَ خْتَامْ اللَّفْضَة **** شْغَلْ عَبْدْ العَزِيزْ مَسْلُوكْ وْ مَعْرُوضْ
عَلى الطُّلْبَا وَ كُلْ مَنْ رَبَّا وَ احْضَا **** صَابُه فِي حَدِيثْ مَنْ كَمْلَتْ بِهْ غْرُوضْ
المَعْصُومْ الزَّاكِي اخْيَارْ اهْلْ الرِّيضَا**** مَن جَانَا بَالدِينْ سُونَة وْ فُورُوضْ
طَهَ المَكِي الشّْرِيفْ احْمَدْ مُولْ الحُوضْ *
مَنْ صْرُورْ فَجْرْ المَعْنَة عَلَى ارْيَاضِي **** بِيهْ مَحْتَفَلْ وَ ايْعُودْ النَّجَاحْ نَايَضْ
لِأنْ سِيفْ لِسَانِي خَصَّالْ سِيفْ مَاضِي**** فِي مَدِيحْ مَنْ جَانَا بالسُّونَنْ الفْرَايَضْ
خُوذْ أبْيَاتْ الّْتّْقَاتْ يَا الحَفَّاضْ **** لَلْعَاشَقْ ذَخِيرَة إذَا كَان حَفْضُه
وَ السَّفِيهْ فِي قُولُه بَعْدْ مَا ابْسَالْ يَحْمَاضْ **** جَيْحُه وَ اطْلَعْ فُوقْ ابْسَالْتُه حْمَاضُه
وَ القُوَافِي مَنْ وَجْدِي امْنَضْمَة بْتَمْخَاضْ****الحَجَلْ وَطْيُورُه مَرْجُوا شَايَنْ فَاضُوا
وَ الصَّلاَةْ عَلآ المَدَانِي رُمُوزْ لَلْفَاضْ****وَالرِّضَا لَهْلُه وَ ازْوَاجُه مَعَ احْفَاضُه
هَزْنِي حُبْ حْبِيبْ القَلْبْ بَعْدْ مَا هَاضْ ****بَاحَتْ اسْرَارِي وَ دُمُوعْ العُيُونْ فَاضُوا
التعديل الأخير تم بواسطة محمد سعيد ريال ; 06-02-2017 الساعة 10:54 PM