تسجيل الدخول

في الكود اللون الاحمر للمخطرات ؟ شفناها في البحر يديرو علام احمر يعني ممنوع الغوص

وفي اللفتات يديروا الاحمر يعني طريق مخطر في المنعرجات

وكل حاجة حمراء رمزها الخطر الحرب صح ام لا

الباسبور نورمالمو يديروه اسود علا خاطر الاسود رمز الضلام والضلام تحل فيه السرقة والاختلاس والهروب صح ام لا

بصح الروج او الاسود كيف كيف سواء يعني الخطر منه وفيه

نورمالمو يديروه ابيض اللون رمز السلام والحب

مي الحب والسلام ضده الاسود والدم الاحمر الحرب


في الاخير يديروه اسود او ابيض او اخضر او اصفر حنا ما يصحنا غير الهدرة برك

ناس تقضي صوالحها بدمنا والحرب عندنا وسلام خارج الوطن يعني ما يهمهم اي لون

اي لون محسوب علينا اذا كان الدم نخسروا اهلينا هنا واذا كنا الحرب تدمر بلادنا واحنا فيها واذا كان الضلام مسلوب حقنا وعرقنا

يعني الباسبور نتاعنا ميت ما يكزيزتيش باي لون كان

والالوان حنا نعيشوها مي هم يعيشو برَّا خارج الوطن لانهم هم صناع اللون الاسود و الاحمر ونحن نتمسك باللون الابيض

بارك الله فيك اعجبني مقصودك و جرأتك
نقولو و نردو على اصحاب الباسبور الذين
يسعون الى تسويد الوثائق و تحمير الاجساد
و تبييض الاموال و و تشفيف اللباس

اللهم رد كيدهم في نحورهم و زلزل الارض تحت اقدامهم

(( اتمنى اني فهمت المقصود صح و اجبت بالصح ))

بارك الله فيك على مرورك العطر ؟
هذ هو زمن النفوذ والقوي ياكل الضعيف ومص رحيق قلبه

ماعسانا الا ان نقول نلتقي يوم تتلاقى الخصوم والرب يفصل بين العباد فاخذ الضعيف ماسلب منه حسنات لا نقود ودولارات

صراحة يا سي منشار الاسنان التى تنقصك جعلت بعض كلماتك غير مفهومة ربما بسبب النطق لبعض الحروف
معليش غير ما تقلقش روحك لا يهم لون الباسبور المهم تكون فيه فيزا

ميرسي كثير لكن مرات نحب نكتب بالعامية او الدارجة لي توافق نطقنا في الجزائر
وراكي عارفة لغة نتاعنا كيف صرات فرنسيةمكتوبة بعربية وعربية بدارجة وغيرها