حب العذرا
17-11-2008, 09:09 PM
حكايتي على العذرا لي نبغيها *** نكتبهالكم بحروف من نار
حب كبير أعطيتوا ليها *** بنيتوا على ساس عمرو ما ينهار
نهار مشيت نخطب لماليها *** رحت فارح قاصد ذيك الدار
من عند الباب قالولي غير أخطيها *** البنية ماهي ليك يا ولد الحضار
نوصوك ماتزيدش تقرب ليها *** الكلمة أعطيناها راهي لولد الجار
هو من بكري ألي متواليها *** من عهد لي كانو فيه ذراري صغار
قلتلهم القصة ماعندي علم بيها *** ومن عند الشيرة ما لحقوني خبار
النفيد هنا حبي راه ساكن فيها *** سالوها تحكيلكم معايا ما صار
ردوا عليا يا لي راك تهدر عليها *** وقتاش النسا كان ليهم قرار
بنتكم بالمال راكم بعتوها *** رجعتوها سلعة ما بين التجار
حرام عليكم مادرتوا فيا وفيها *** غدوى حسابكم عند المولى القهار
المعيشة معاكم ينعل بوها *** أنتوما ناس ما بقى فيهم اخيار
نهجركم ونهجر الدنيا وما فيها *** نروح نسكن الخلا وأرض القفار
هاذي قصيدتي اصنتوا ليها *** المجاجي يقصلكم بعض لسرار
الموت صعيبة على لي متمنيها *** بصح شتا يدير ألي ماعندو اختيار
حب كبير أعطيتوا ليها *** بنيتوا على ساس عمرو ما ينهار
نهار مشيت نخطب لماليها *** رحت فارح قاصد ذيك الدار
من عند الباب قالولي غير أخطيها *** البنية ماهي ليك يا ولد الحضار
نوصوك ماتزيدش تقرب ليها *** الكلمة أعطيناها راهي لولد الجار
هو من بكري ألي متواليها *** من عهد لي كانو فيه ذراري صغار
قلتلهم القصة ماعندي علم بيها *** ومن عند الشيرة ما لحقوني خبار
النفيد هنا حبي راه ساكن فيها *** سالوها تحكيلكم معايا ما صار
ردوا عليا يا لي راك تهدر عليها *** وقتاش النسا كان ليهم قرار
بنتكم بالمال راكم بعتوها *** رجعتوها سلعة ما بين التجار
حرام عليكم مادرتوا فيا وفيها *** غدوى حسابكم عند المولى القهار
المعيشة معاكم ينعل بوها *** أنتوما ناس ما بقى فيهم اخيار
نهجركم ونهجر الدنيا وما فيها *** نروح نسكن الخلا وأرض القفار
هاذي قصيدتي اصنتوا ليها *** المجاجي يقصلكم بعض لسرار
الموت صعيبة على لي متمنيها *** بصح شتا يدير ألي ماعندو اختيار
