الحب قاتل
02-04-2016, 12:47 PM
ياحوجي قلبي ماقواه........جرحوه وما بغا يباعد
تعاهدنا ينساني وننساه .......وحبو في قلبي خالد
***********
جرح القلب من اداويه.......والعاشق ماهو صبار
بلاك الدنيا تلهيه.........مايبق في همو محتار
بصح محال تنسيه.......في حبوا مهما صار
المكتوب أنا نآمن بيه.......وربي رحيم وغفار

************
ياحوجي قلبي ماقواه........جرحوه وما بغا يباعد
تعاهدنا ينساني وننساه .......وحبو في قلبي خالد

***************
القلب يمحنوا الفراق.......ويبقا بالهموم ثاقل
وشحال تعييه الاشواق......لا ما لا ماكلة تنتاكل
هذي حالة العشاق......وعذاب الحب قاتل
بعد لوسع بيه تضياق.....محَّان ذا الحب الاول
يامن حب ولعذاب ذاق.......صبرك ماهو ساهل
***********
ياحوجي قلبي ماقواه........جرحوه وما بغا يباعد
تعاهدنا ينساني وننساه .......وحبو في قلبي خالد
مواضيع العضو مشاركات العضو
من مواضيعي 0 غزال شارد
0 عيد عاشق
0 الفراق
0 الحب قاتل
0 شوق قلب
0 زينك حجابك