جيب 100daوفوتوكوبي تاع لاكارت وارواح
15-07-2009, 11:09 PM
جيب 100daوفوتوكوبي تاع لاكارت وارواح
السلام عليكم ورحمة الله وبركاته
اهلا وسهلا اخوتي واخواتي الاعضاء والعضوات الزائرين والزائرات الاحياء منكم والاموات
بعد الصلاة والسلام على خير البشر والانام تسليما كثيرا نبداو موضوعنا تاع اليوم .
بعد الصلاة والسلام على خير البشر والانام تسليما كثيرا نبداو موضوعنا تاع اليوم .تعتبر الجزائر من اكثر الدول التي تشهد تاخرا في سن الزواج اضافة الى اعلى نسبة عنوسة عربية ''رجال ونساء''
وحنااليوم حبينا نحكيو على المجتمع ونظرته للزواج ونحكيو على الاسباب والمسببات لي على جالها وصلنا لهاد المشكل.
وحنااليوم حبينا نحكيو على المجتمع ونظرته للزواج ونحكيو على الاسباب والمسببات لي على جالها وصلنا لهاد المشكل.استراحة
قلك واحد سقسى صحيبو قلو لازمنا الزواج المبكر باه نقضيو على مشكل العنوسة والانحراف
ردلو صحيبو قلو هيه على قداه يعني ال5 ولا 4 ههههه
نرجعو دركا لموضوعنا
كان((كيما كان الذيب يسوG على العشرة تاع الصباح))
بكري الطفلة لي توصل 15 سنة في عمرها يزوجوها تلقاها طيب الكسرة وتفتل الكسكسي وترحي القمح وتربي ولادها والر اجل تاني كيما يقولو خاوتنا ارgاز يجبد الغاز '' وما ياكلش المرgاز '' تلقاه من صغرو يتعلم حرفة ما يكمل قرايتو غير تلقاه راه يخدم ويصرف على العائلة .
بكري الطفلة لي توصل 15 سنة في عمرها يزوجوها تلقاها طيب الكسرة وتفتل الكسكسي وترحي القمح وتربي ولادها والر اجل تاني كيما يقولو خاوتنا ارgاز يجبد الغاز '' وما ياكلش المرgاز '' تلقاه من صغرو يتعلم حرفة ما يكمل قرايتو غير تلقاه راه يخدم ويصرف على العائلة .اليوم كاين فئة من البنات لي قولوهم بنات papi و mami 
هادي كيما توصل 16 في عمرها تطلع للثناوية لازما تفشفش وتحوس مع صحاباتها مازالها صغير خلي تتمتع بعمرها . 17 سنة في عمرها تولي شوفات اخرين ((سايي عندها الخبرة في الثناوية)) كل يوم دورة في الكور والبلفار وحفلات عيد الميلاد وروح لهيه ,توصل الطفلة ل18 سنة يعني رايحة تفوت الباك لازملها رعاية خاصة ما تمس والو واحد ما يحكي معاها لي تطلبو تلقاه 
'' اقراي برك امما واحد ما يحكي معاك'' ايا بعد كل هادا كاين لي تجيب فيهم الباك ,لازمها تفوت العطلة بالبيان papaha العزيز يخايرها ما بين تونس وتركيا (( لي ماتجيبش الباك تحوس في دزاير برك )) 
بعد الصيف تجي الدخلة وهنا يصرى لي ما يصراش كسوة بالملاين وبرتابل اخر صيحة ((وسيارة وشوفار لمن استطاع اليها سبيلا))
تفوت الليام وصاحبتنا طالعة هابطة تحواس وتقلاش حتى يجي الكنترول تفوتو هي بالمرتاح ونهار الكونسيلتاسيون تجي بلبسة جديدة طول للبروف
(( ماشي الحلوف)) '' يون عمبالك papa آو كابابل يخلصك فوق لا تابل ويشرليك بورتابل او قلك تنجح بنتي ما تخافش نفدي هالك ولا فار تاع اللوجمون بابا هو لي يفري هالك'' وتفوت لعوام وتجيب الشهادة وتدخل تخدم بالمعريفة تاع papa وهي عند والديها مازالها صغيرة خلي تتمتع بعمرها والطفلة شيئ ما هامها غير التحواس وتعداي الوقت مع صحابها وصحاباتها من البنين والبنات .
هادي كيما توصل 16 في عمرها تطلع للثناوية لازما تفشفش وتحوس مع صحاباتها مازالها صغير خلي تتمتع بعمرها . 17 سنة في عمرها تولي شوفات اخرين ((سايي عندها الخبرة في الثناوية)) كل يوم دورة في الكور والبلفار وحفلات عيد الميلاد وروح لهيه ,توصل الطفلة ل18 سنة يعني رايحة تفوت الباك لازملها رعاية خاصة ما تمس والو واحد ما يحكي معاها لي تطلبو تلقاه '' اقراي برك امما واحد ما يحكي معاك'' ايا بعد كل هادا كاين لي تجيب فيهم الباك ,لازمها تفوت العطلة بالبيان papaha العزيز يخايرها ما بين تونس وتركيا (( لي ماتجيبش الباك تحوس في دزاير برك )) بعد الصيف تجي الدخلة وهنا يصرى لي ما يصراش كسوة بالملاين وبرتابل اخر صيحة ((وسيارة وشوفار لمن استطاع اليها سبيلا)) تفوت الليام وصاحبتنا طالعة هابطة تحواس وتقلاش حتى يجي الكنترول تفوتو هي بالمرتاح ونهار الكونسيلتاسيون تجي بلبسة جديدة طول للبروف (( ماشي الحلوف)) '' يون عمبالك papa آو كابابل يخلصك فوق لا تابل ويشرليك بورتابل او قلك تنجح بنتي ما تخافش نفدي هالك ولا فار تاع اللوجمون بابا هو لي يفري هالك'' وتفوت لعوام وتجيب الشهادة وتدخل تخدم بالمعريفة تاع papa وهي عند والديها مازالها صغيرة خلي تتمتع بعمرها والطفلة شيئ ما هامها غير التحواس وتعداي الوقت مع صحابها وصحاباتها من البنين والبنات .قولولي دركا نتم عاد هادي تاع زواج ؟ وادا دارت دار اسكو رايحة تقدر تقيم بيها؟
نرجعو دركا لصحيبنا ولد maman فيسا مامون لي يد المصروف من عند papa ويسوق الطاكسي بلا برمي بمعريفة papa وكي تحكمو الشرطة ما يديرولو والو خطراك الشاف يعرف papa يخلص على صحابو بدراهم papa ويفخر على الزواولة بدراهم papa يجيب عامو ويخدم بمعرفة ودراهم papa ويزوج بنت صاحب papa خطراك باباها عندو الدراهم كيما دراهم papa ولوكان حتى جاء يطول هداك الزواج وكيفكيف يجيبو دراري ويطلعو كيما papa فاشافيش لا خدمة لا صنعة غير دراهم papa .
.ماكلاه نطرحو سؤال الاجابة راهي باينة
نرجعو دركا للشاب العادي ابن اسرة متوسطة باباه موظف عادي على قد حالهم , يقرى مبعد يسنى الخدمة وادا لقى((ربي يرزق خاوتنا البطالين بعمل))
خدمة يبدى يخمم في الزواج 
يلم مصروفة ويروح يخطب بنت لحلال لي عجباتو 
ولا عجبت امو ,لخرى يتشوكا مسكين بالقائمة تاع الشروط ((طويلة كيما اول نهار في رمضان))
السيد يدهش ويطفش وبالفراشط وجهو يخبش
.يحلف لا يفكر في الزواج ينساه كيما نساو الكفار يوم القيامة ويعدي اياماتو ما بين السهر واللعبان ببنات الناس وزيد يتلاقا مع وحايد كيمو عندهم نفس التجربة السلبية على الزواج ومن ثم زيد قداه من واحد يبطل ما يخطبش بلا ما يجرب ويمشي الفيريس وبلا ما نزيدو لانو واضح .
خدمة يبدى يخمم في الزواج يلم مصروفة ويروح يخطب بنت لحلال لي عجباتو ولا عجبت امو ,لخرى يتشوكا مسكين بالقائمة تاع الشروط ((طويلة كيما اول نهار في رمضان)) السيد يدهش ويطفش وبالفراشط وجهو يخبش.يحلف لا يفكر في الزواج ينساه كيما نساو الكفار يوم القيامة ويعدي اياماتو ما بين السهر واللعبان ببنات الناس وزيد يتلاقا مع وحايد كيمو عندهم نفس التجربة السلبية على الزواج ومن ثم زيد قداه من واحد يبطل ما يخطبش بلا ما يجرب ويمشي الفيريس وبلا ما نزيدو لانو واضح . دركا دالة البنية بنت العائلة المتوسطة ولا الفقيرة(( وهم لي يشكلو اغلبية مجتمعنا )) وهادو لي يكونو في العادة ضحية الطمع تاع الوالدين ولا الثقة في اللي ما يسحقوش الثقة ويديو عمرهم كامل وهم يتكلحو
والاسباب الاخرى ماكلاه نحيكو عيها .
والاسباب الاخرى ماكلاه نحيكو عيها .لكن لحسن الحظ مازال الخير ومازال بنات لحلال وولاد الحلال والعائلات المحافظة التي تطلب الستر والعافية و"الهناء" لولادها وبناتها .
كخلاصة للموضوع :في هاد الموضوع حبيت نفتح نافذة صغيرة مها نطلو على بعض الاسباب اللي خلات الشباب اليوم يعزف عنه الزواج ويصم وذنيه عن صوت الحق .
وحبينا نوصلو رسالة بلي الزواج عصمة من الحرام ولا يكتمل الدين الا به .
حقا
قبل ما ننساو الاعلان
لي حاب يزوج يجيب جيب 100DAوفوتوكوبي تاع لاكارت وشهادة العزوبة ويجي وحنا ندبرولو الزوجة ونديرولو العرس
ونسكنوه عندنا في لمتنا لانو والحمد لله الديار كاملة وديزاد سيكيريتي رايح يزيد في المساحةويديرلكم استضافة مجانية لعائلاتكم وكي تولي تخدمو تسلكو الكراء ههههه
ونسكنوه عندنا في لمتنا لانو والحمد لله الديار كاملة وديزاد سيكيريتي رايح يزيد في المساحةويديرلكم استضافة مجانية لعائلاتكم وكي تولي تخدمو تسلكو الكراء ههههه
ودرك نجيو للارائكم اللي بيها يكمل الموضوع وبيها نستفادو
ما رأيك في الزواج من منظورك الشخصي؟
واش هو السبب في رايك لي خلى الشباب يعزفو عن هدا الامر المهم؟
دمتم بخير
ورانا نسناو في اجابتكم
