تسجيل الدخول

يا صَاحب كُن صَبّار = اُصبر على ما جرَى لَك
اُرقد علَى الشُوك عريان = حَتّى يَطلع نهَارك

لا تْخَمّمْ لا تْدَبَّر = لا تَرْفَدْ الهَمْ دِيمَة
الفَلك ما هُو مْسَمّر = و لا الدُّنْيَا مْقِيمَة

يَازَارَعْ الخيْر حبّة = يَازَارَعْ الشَّرّْ يَاسَرْ
مولى الخير ينبا = و مولى الشر خاسر

لا تخمم في ضيق الحال = شف عند الله ماوسعها
الشدة تهزم الأرذال = أما الرجال لا تقطعها

من يامنك يا كحل الراس = ماشينك بطبيعة
السن يضحك للسن = و القلب فيه الخديعة

سافر تعرف الناس = و كبير القوم طيعه
كبير الكرش و الراس = بنص فلس بيعه

طاقوا على الدين تركوه = و تعاونوا على شريب القهاوي
الثوب من فوق نقوه = و الجبح من تحت خاوي

لا تسرج حتى تلجم = و اعقد عقدة صحيحة
لا تتكلم ختى تخمم = لا تعود لك فضيحة

الصمت الذهب المسجر = و الكلام يفسد المسالة
إذا شفت لا تخبر = و إذا سالوك قول لا لا

نوصيك يا واكل الراس = في البير ارم عظامه
أضحك و ألعب مع الناس = فمك متن له لجامه

يا ذا الزمان يا الغدار = يا كاسرني من ذراعي
طيحت من كان سلطان = و ركبت من كان راعي

الشاشية تطبع الراس = الوجه تضويه الحسانة
المكسي يقعد مع الناس = العريان نوضوه من الجماعه

الشر ما يظلم حد = غير من جبده لراسه
في الشتاء يقول البرد = و في الصيف يغلبه نعاسه

يا الي تعيط قدام الباب = عيط و كن فاهم
ما يفسد بين الاحباب = غير النساء و الدراهم

لا يعجبك نوار دفلى = في الواد داير ظلايل
لا يعجبك زين طفلة = حتى تشوف الفعايل

حيط الرمل لا تعليه = يعلى يرجع لساسه
ابن الغير لا تربيه = يكبر و يرجع لناسه

الخيل هبة من الريح = و البل هي الشريفة
البغال قرصة من الهند = و الحمار هو العيفة

ألي يركب يركب أشهب = طرز الذهب في لجامه
ألي يدور يقول كلمة الحق = يدير هراوة في حزامه

أنا الي رقيت في رقوب = و قعدت مثل الرصاص نذوب
من لا يقرأ للزمان عقوبة = يجي على راسه مكبوب

الدنيا مثلتها دلاعة = تتكركب مع جميع الدلاع
الحاذق يعطي معها ساعة = و الجايح غدا معها قاع

جحش البغل لا تغنجيه = و بالزيت تدهني جلوده
الصك و العض فيه = هذيك عادة جدوده

كيد النساء كيدين = و من كيدهم ياحزوني
راكبة على ظهر السبع = و تقول الحداء ياكلوني

تخلطت و لابات تصفى = و لعب خزها فوق ماها
رياس على غير مرتبة = هما سبب خلاها

من خالط الاجواد جاد بجودهم = و من خالط الارذال زاد عناه
و من جاور برمة انطلى بحمومها = و من جاور صابون جاب نقاه

الكاتبة تنادي و معها الخير = و لو كان من بعيد تجيها
و الخاطي عليك من يديك يطير = رزقك من قبل ما هو فيها

ما كان كالحرث تجارة = ما كان كالأم حبيب
ما كان كالشر خسارة = ما كان كالدين طليب

لا في الجبل واد معلوم = و لا في الشتاء ريح دافي
لا في العدو قلب مرحوم = و لا في النساء عهد وافي

الزيت يخرج من الزيتونة = و الفاهم يفهم لغات الطير
ألي ما تخرج كلمته ميزونة = يجحرها في ضميره خير

ههههههههههههههههههههههه
كيد النساء كيدين = و من كيدهم ياحزوني
راكبة على ظهر السبع = و تقول الحداء ياكلوني

هههههههههههههه
مشكور

واحد أحب وحدة تزوج أختها لكي يشوفها كاللهل يوم

و الله غير فكرت انو اختها اتعرفت بيه .................. ايا مليح كي ما عنديش تفكير اجرامي ههههههههههههههه

شكرا اخي على الموضوع
وانا الصراحة ما فكرت بالجواب