**فـــيــســبـــوكة**
28-06-2015, 08:44 AM
قصيدة من الشعر الشعبي حاولت فيها الحديث عن جميع أنواع الناس الذين يستخدمون الفيسبوك بأسلوب فكاهي حتى لا يمل القارئ من طولها.
فـــــيــــــــســــــــبـــــــــوكـــــــــة
نحبّك واصحابي يحبوك** وقدّامك تحلالي السهرة
وقولو يحيا الفيسبوك** الّي اخترعو جاب احسن فكرة
يحيا الفايسبوك الباهي** قدامو نحلف واللهِ
هوَّ شاهيني ونا شاهي** نحلة حطت فوق الزهرة
وجت الجّام متاعي هاهي** شوفْ لتعليقاتي أَقرا
اقرا تتبيّن مقصودي** وعندي منشورات شهودي
بروقات تْشَالي ورعودي** بيها حطت ثمْ المطرة
اَنْفِيتِينِي وشوف وعودي** نسقيها تعطيك الثمرة
نسقيها تشرب م الصافي** في ثمرتها كلّ اوصافي
لا نغَضّب واحد لا نجافي** نا طبعي هادي بالفطرة
قلبي كان تمسّو دافي** عمرو لا يفرّط في العِشرة
عِشرة وكاني فايسبوكة** كلمتها تجيني محبوكة
من معدن خالص مسبوكة** ما تحبش مسّان الغبرة
لحروف الكلة مبروكة** ما فيها نيات مْشُرَّه
ماشي كيما بعض الغاشي** ينشر في التعليق الراشي
والجّام متاعو بالصاشي** تقول آذا يعبّي في حفرة
في الصفحة يطبع ويكاشي** يغلط ويطيّح في الهدرة
سايقها الكلة قدّامو** غارق في قلتات اوهامو
طاحت في المكروه أقلامو **حتى ركعاتو للظهرة
سِيبْرِيمْ ادّاوي انفِصامو** ويبطّل تخبيش الهرّة
وبعض الناس ملاح وسكّر** نقصدهم جوّي متعكر
يَصفى ذهني بيه نفكر** نكتب تعليقات بكثرة
نشكرهم ونعاود نشكر** ونكمّل جامي بالمرة
وبعض الناس تسلّم بركة** حد التسليمة لا حركة
تقول آذا خايف م العركة** ولّا كلماتي نا مُرّة
ولّا حاب يقص الشركة** ولّا شاف كلامي نغرة
وبعض الناس تكبّش ثمّة** لا رخفة عندو لا رحمة
لا يخلّيك تكمّل كلمة** لا عندو في حرفك نظرة
قَص علينا باب النسمة** فدّينا حكمتنا الغصرة
وبعض الناس تحب السكتة** لا تشتي لغز ولا نكتة
تستنى وتستنى حتى** تُغلب ما يهزوش العبرة
صنف لْأَرض الصّمت تفَكْتَى** وثم الّي يفهم بالشَّرّة
ثم الّي يفهم بالطاير** تبقى في جملاتو حاير
تحبس قدامو بالداير** حتى تجيك الدَّورة الأخرى
لا تقد تناقش لا تحاور** متحرر وافكارو حرة
وثم الّي مغرور بنفسو** شاهي الناس عليه يعسّو
والصفحة عاملها عرسو** حاسب روحو داير ثورة
لا تقرُب منو لا تمسو** مهبول يحوس ع الشهرة
وثم الّي تكتبلو ديما** بالنية عاملّو قيمة
وهو ما يردّش بكليمة** خايف لا تكشفلو عورة
خلّطلو برويطة سيمة** واعمل بينو وبينك سُترة
وثم الّي يحبك وتحبو** أهلو ع التقدير تربّو
لا يتَقّو حاجة لا يخبّو** وثم الّي يدرّق في الكسرة
جيب المال حذاه وصبّو** يلمّو ويخطط للهجرة
وثم الّي داخل بالنيه** هُوْ حي وأَفْكارو حية
نهديلو أحسن هدية** قصيدة تبقالو ذكرى
هوَّ صاحب لولوية** وهوَّ الّي وْحَالِي بالفكرة
وثمْ الّي تعرف تحقيقو** كي تقرا وتفهم تعليقو
ينسّق ويريقل تنسيقو** والدّاخل ماشو كالبرَّة
يطُول الوقت وبيه تفيقو** في قلبو تفكير قورَّة
وثمْ الّي ينظّم ويدقّق** قبل الّا ينشر يتحقق
ناجح في التثبيت موفّق** ما تخافش منّو كي تقرا
ماعندوش كلام ملفّق** لا تزلق رجلو في الحدرة
ونحب الّي ينشر صورة** لبْنَيَّة صغِيرة مسرورة
بعيدة ع الحاسد مستورة** زهرة فُسْط جنينة خضرا
وتَجْرحني صورة منشورة** أَرحم منها ضرب المذرى
فيها صغَيّرْ لابس دَمّو** يبكي ويتحضّن في أمّو
غارق فسط محاين همّو** شوفو يا منْ كنتِ جُرَّة
قدّم للميدان ولمُّو** يمحيلك لَوْزَار الكبرى
وثمْ الّي ينقُد ويصحّح** لا موَجّد روحو لا مسلّح
قُلُّو قِيلْ سمانا تربح** وابقى فوق عشانا خُضرة
موسِي راهو ماضي يجرح** كي تشوفو تدّيك الهَترة
وثمْ الّي يحب يبَرْطَاجِي** شُكري ليه مسقّم ساجي
وآخر يعرف كان يحاجي** غارق في روحو للسرة
وآخر خارج من سركاجي** من عندو ما تذوقش قُطرة
وثم الّي هاديه الخالق** لا متنرفز لاهو قالق
يقرا ويساني و يصادق** ويكمّل يبصم بالعشرة
ما يحبّش واحد منافق** م الرُّجلة ما عندو ذرة
وثم الّي داخل يتمعشق** في نسمة حُبُّو يستنشق
لا يهمّو قانون المنطق** جيعان وطايح في هَبْرة
مرة يغرّب مرة يشرّق** جاب الحَجْرة وخَلَّى الدُّرَّة
وثمَّ واحد ماشو داري** لا بايع حاجة لا شاري
لا ينشد لا يقول آ ذراري** عايش وحدو فاك الحُجْرَة
فايسبوكة معاه تقاري** تترجَّى يسحّتْها لْبَرَّه
وثَمَّ واحد روحُو ثَمَّة** والف بيها وباك اللّمّة
كي تخطاه تجيه الحمّة** والحالة مغصورة صفرا
قُلُّو اُرْدمْ خوفك رَدْمَة** لا يكبر ويوَلِّي غَمْرَة
وثمْ الّي داخل بالحَرْقَة** لحْسَابك واخترقو دُرْقَة
لازملو خطرة يتنَقَّى** يَصْفَى من قلبو للقشرة
وكان بقت أكَّاك الحِلقة** تتطّوّر منّو لمْضُرَّة
وثمَّ واحد لَزْ تقَرّب** في الغاشي يتسْتِي ويجرّب
دَوّر من قُدّامو واهرُب** اُقرصْ سِيبْرِيمِيه بنَقْرَة
وَادُو في الْمَنَاكرْ يُصْلُبْ** ابْعدْ لَا تُوحلْ فِي الْمَجْرَى
وواحد داخل باسم مزوّر** ربي يعلم باش يفكر
كان سكتّي لازم ينغر** منّو تشوف النار الحمرة
وثم الّي داخل متحذر** وكلامو أحلى م التمرة
وثم الّي باسمو متخفّي** حَطّ النار ونايا نطفّي
يزي من الهدارت ويكْفِي** وهوَّ من العثرة للعثرة
عندو سرتفيكة معفي** ودواه يشلّط بالشفرة
وبعض الناس تحب تغازل** تسمع من عندو لمهازل
بينو وبينك أعمل عازل** ولّا تشّوكَى بالهدرة
هابط بالتطييحة نازل** كي تمس كلامو يتْفَذْرَى
وبعض الناس تعوّذ منّو** جالغ فمّو فايت سنّو
سِيبِرِيمُوهْ ومنّو تهنّو** لا يدّي الغافل بالغدرة
مّالي الهمّة ليه تعَنّو** وغدوة يلقى مولى القدرة
وثم عباد ظراف هشوشَه** يداوو لقلوب المغشوشة
كلمتهم ريحة مرشوشة** بيها الجّرح الغارق يبرا
رطبة ما فيهاش حروشة** تخَرّج م العسرى لليسرى
وبعض الناس ملاح زيادة** تلقى المتعة والإفادة
صلحو في العادة والعْبادة** فاتو في التثبيت النشرة
حذا الحاسب حطو سجّادة** بعد الحَجّة دارو عمرة
وواحد عامل روحو عالم** شاهي يتريّس ع العالم
لا خايف م الرب العالم** لا حسّبْ سُكّان الْكَوْرَة
في الدّوسي كثّر لمْظالم** ضَرَّة وتعارك في ضرة
وثم واحد طوّل بالك** دِلُّو ربي يستر حالك
يدخل في الصفحات ديالك** ينشر في البيضة والسمرا
يحكم خارج مذهب مالك** وَقْعتْلو في الرَّبعة طَفْرَة
وثم من الناس النسناسة** فوق الخمسة عندو حَاسَة
تحليل وكَمْيةْ فِراسة** بيها لمغطّي يتعرّى
خنّاسة جابو وسواسة** منهم كل الكُون تبَرّى
وثم ناس يجوك وتفرح** قوللهم واحد ما يروح
تلعب بالكلمات وتمرح** وتنوض لْحِسَابك بُكرة
بيهم حال الدنيا يصلح** حتى غدوة تلقى لُجْرة
وثم الّي باين من بكري** لصلاحو في الدنيا يجري
اخدم يا صغري على كبري** تلقى خيراتك بالوفرة
واخدم يا كبري على قبري** تمنع من لزّات الغصرة
وثمَّ واحد ماشو راضي** ع الواقع والِافتراضي
نصّب روحو ثمْ القاضي** تهمة فايسبوك الحُقرة
قَضِيَّة فيها اعتراضي** ملّي جانا نسينا السَّهرة
ملّي جانا نسينا غدانا** وفرّطنا حتى في عشانا
وتبّعنا نانسي وديانا** لاسم متَقّي تحتو صُرَّة
تلقى فيها خيط وهانا** فاك الخيط عقاب الجُرّة
تلخيص الحلقة يا جماعة** الفايسبوكة ساعة ساعة
والّي يصدّق في الإشاعة** قولولو رحتي يا حسرة
ما تكونش أعمى في الطاعة** لا تسقط خطرة في حفرة
الفيسبوك مليح وخايب** حسب النية عند الغايب
ممكن خلف الشاشة شايب** داخل حاب يدنّي قُصرة
وممكن واحد عقلو تاعب** ما عندو في الدنيا خبرة
ويا ما الفيسبوك نفعنا** عل الفعل الباهي جمّعنا
شفنا خيراتو وسمَعْنَا** وانتم يا رُوَّادُو أَدْرَى
قصّينا الجُّرّة تبّعنا** والثمرة دلت ع البذرة
إبراهيم بشوات الاثنين 08 جوان 2015
فـــــيــــــــســــــــبـــــــــوكـــــــــة
نحبّك واصحابي يحبوك** وقدّامك تحلالي السهرة
وقولو يحيا الفيسبوك** الّي اخترعو جاب احسن فكرة
يحيا الفايسبوك الباهي** قدامو نحلف واللهِ
هوَّ شاهيني ونا شاهي** نحلة حطت فوق الزهرة
وجت الجّام متاعي هاهي** شوفْ لتعليقاتي أَقرا
اقرا تتبيّن مقصودي** وعندي منشورات شهودي
بروقات تْشَالي ورعودي** بيها حطت ثمْ المطرة
اَنْفِيتِينِي وشوف وعودي** نسقيها تعطيك الثمرة
نسقيها تشرب م الصافي** في ثمرتها كلّ اوصافي
لا نغَضّب واحد لا نجافي** نا طبعي هادي بالفطرة
قلبي كان تمسّو دافي** عمرو لا يفرّط في العِشرة
عِشرة وكاني فايسبوكة** كلمتها تجيني محبوكة
من معدن خالص مسبوكة** ما تحبش مسّان الغبرة
لحروف الكلة مبروكة** ما فيها نيات مْشُرَّه
ماشي كيما بعض الغاشي** ينشر في التعليق الراشي
والجّام متاعو بالصاشي** تقول آذا يعبّي في حفرة
في الصفحة يطبع ويكاشي** يغلط ويطيّح في الهدرة
سايقها الكلة قدّامو** غارق في قلتات اوهامو
طاحت في المكروه أقلامو **حتى ركعاتو للظهرة
سِيبْرِيمْ ادّاوي انفِصامو** ويبطّل تخبيش الهرّة
وبعض الناس ملاح وسكّر** نقصدهم جوّي متعكر
يَصفى ذهني بيه نفكر** نكتب تعليقات بكثرة
نشكرهم ونعاود نشكر** ونكمّل جامي بالمرة
وبعض الناس تسلّم بركة** حد التسليمة لا حركة
تقول آذا خايف م العركة** ولّا كلماتي نا مُرّة
ولّا حاب يقص الشركة** ولّا شاف كلامي نغرة
وبعض الناس تكبّش ثمّة** لا رخفة عندو لا رحمة
لا يخلّيك تكمّل كلمة** لا عندو في حرفك نظرة
قَص علينا باب النسمة** فدّينا حكمتنا الغصرة
وبعض الناس تحب السكتة** لا تشتي لغز ولا نكتة
تستنى وتستنى حتى** تُغلب ما يهزوش العبرة
صنف لْأَرض الصّمت تفَكْتَى** وثم الّي يفهم بالشَّرّة
ثم الّي يفهم بالطاير** تبقى في جملاتو حاير
تحبس قدامو بالداير** حتى تجيك الدَّورة الأخرى
لا تقد تناقش لا تحاور** متحرر وافكارو حرة
وثم الّي مغرور بنفسو** شاهي الناس عليه يعسّو
والصفحة عاملها عرسو** حاسب روحو داير ثورة
لا تقرُب منو لا تمسو** مهبول يحوس ع الشهرة
وثم الّي تكتبلو ديما** بالنية عاملّو قيمة
وهو ما يردّش بكليمة** خايف لا تكشفلو عورة
خلّطلو برويطة سيمة** واعمل بينو وبينك سُترة
وثم الّي يحبك وتحبو** أهلو ع التقدير تربّو
لا يتَقّو حاجة لا يخبّو** وثم الّي يدرّق في الكسرة
جيب المال حذاه وصبّو** يلمّو ويخطط للهجرة
وثم الّي داخل بالنيه** هُوْ حي وأَفْكارو حية
نهديلو أحسن هدية** قصيدة تبقالو ذكرى
هوَّ صاحب لولوية** وهوَّ الّي وْحَالِي بالفكرة
وثمْ الّي تعرف تحقيقو** كي تقرا وتفهم تعليقو
ينسّق ويريقل تنسيقو** والدّاخل ماشو كالبرَّة
يطُول الوقت وبيه تفيقو** في قلبو تفكير قورَّة
وثمْ الّي ينظّم ويدقّق** قبل الّا ينشر يتحقق
ناجح في التثبيت موفّق** ما تخافش منّو كي تقرا
ماعندوش كلام ملفّق** لا تزلق رجلو في الحدرة
ونحب الّي ينشر صورة** لبْنَيَّة صغِيرة مسرورة
بعيدة ع الحاسد مستورة** زهرة فُسْط جنينة خضرا
وتَجْرحني صورة منشورة** أَرحم منها ضرب المذرى
فيها صغَيّرْ لابس دَمّو** يبكي ويتحضّن في أمّو
غارق فسط محاين همّو** شوفو يا منْ كنتِ جُرَّة
قدّم للميدان ولمُّو** يمحيلك لَوْزَار الكبرى
وثمْ الّي ينقُد ويصحّح** لا موَجّد روحو لا مسلّح
قُلُّو قِيلْ سمانا تربح** وابقى فوق عشانا خُضرة
موسِي راهو ماضي يجرح** كي تشوفو تدّيك الهَترة
وثمْ الّي يحب يبَرْطَاجِي** شُكري ليه مسقّم ساجي
وآخر يعرف كان يحاجي** غارق في روحو للسرة
وآخر خارج من سركاجي** من عندو ما تذوقش قُطرة
وثم الّي هاديه الخالق** لا متنرفز لاهو قالق
يقرا ويساني و يصادق** ويكمّل يبصم بالعشرة
ما يحبّش واحد منافق** م الرُّجلة ما عندو ذرة
وثم الّي داخل يتمعشق** في نسمة حُبُّو يستنشق
لا يهمّو قانون المنطق** جيعان وطايح في هَبْرة
مرة يغرّب مرة يشرّق** جاب الحَجْرة وخَلَّى الدُّرَّة
وثمَّ واحد ماشو داري** لا بايع حاجة لا شاري
لا ينشد لا يقول آ ذراري** عايش وحدو فاك الحُجْرَة
فايسبوكة معاه تقاري** تترجَّى يسحّتْها لْبَرَّه
وثَمَّ واحد روحُو ثَمَّة** والف بيها وباك اللّمّة
كي تخطاه تجيه الحمّة** والحالة مغصورة صفرا
قُلُّو اُرْدمْ خوفك رَدْمَة** لا يكبر ويوَلِّي غَمْرَة
وثمْ الّي داخل بالحَرْقَة** لحْسَابك واخترقو دُرْقَة
لازملو خطرة يتنَقَّى** يَصْفَى من قلبو للقشرة
وكان بقت أكَّاك الحِلقة** تتطّوّر منّو لمْضُرَّة
وثمَّ واحد لَزْ تقَرّب** في الغاشي يتسْتِي ويجرّب
دَوّر من قُدّامو واهرُب** اُقرصْ سِيبْرِيمِيه بنَقْرَة
وَادُو في الْمَنَاكرْ يُصْلُبْ** ابْعدْ لَا تُوحلْ فِي الْمَجْرَى
وواحد داخل باسم مزوّر** ربي يعلم باش يفكر
كان سكتّي لازم ينغر** منّو تشوف النار الحمرة
وثم الّي داخل متحذر** وكلامو أحلى م التمرة
وثم الّي باسمو متخفّي** حَطّ النار ونايا نطفّي
يزي من الهدارت ويكْفِي** وهوَّ من العثرة للعثرة
عندو سرتفيكة معفي** ودواه يشلّط بالشفرة
وبعض الناس تحب تغازل** تسمع من عندو لمهازل
بينو وبينك أعمل عازل** ولّا تشّوكَى بالهدرة
هابط بالتطييحة نازل** كي تمس كلامو يتْفَذْرَى
وبعض الناس تعوّذ منّو** جالغ فمّو فايت سنّو
سِيبِرِيمُوهْ ومنّو تهنّو** لا يدّي الغافل بالغدرة
مّالي الهمّة ليه تعَنّو** وغدوة يلقى مولى القدرة
وثم عباد ظراف هشوشَه** يداوو لقلوب المغشوشة
كلمتهم ريحة مرشوشة** بيها الجّرح الغارق يبرا
رطبة ما فيهاش حروشة** تخَرّج م العسرى لليسرى
وبعض الناس ملاح زيادة** تلقى المتعة والإفادة
صلحو في العادة والعْبادة** فاتو في التثبيت النشرة
حذا الحاسب حطو سجّادة** بعد الحَجّة دارو عمرة
وواحد عامل روحو عالم** شاهي يتريّس ع العالم
لا خايف م الرب العالم** لا حسّبْ سُكّان الْكَوْرَة
في الدّوسي كثّر لمْظالم** ضَرَّة وتعارك في ضرة
وثم واحد طوّل بالك** دِلُّو ربي يستر حالك
يدخل في الصفحات ديالك** ينشر في البيضة والسمرا
يحكم خارج مذهب مالك** وَقْعتْلو في الرَّبعة طَفْرَة
وثم من الناس النسناسة** فوق الخمسة عندو حَاسَة
تحليل وكَمْيةْ فِراسة** بيها لمغطّي يتعرّى
خنّاسة جابو وسواسة** منهم كل الكُون تبَرّى
وثم ناس يجوك وتفرح** قوللهم واحد ما يروح
تلعب بالكلمات وتمرح** وتنوض لْحِسَابك بُكرة
بيهم حال الدنيا يصلح** حتى غدوة تلقى لُجْرة
وثم الّي باين من بكري** لصلاحو في الدنيا يجري
اخدم يا صغري على كبري** تلقى خيراتك بالوفرة
واخدم يا كبري على قبري** تمنع من لزّات الغصرة
وثمَّ واحد ماشو راضي** ع الواقع والِافتراضي
نصّب روحو ثمْ القاضي** تهمة فايسبوك الحُقرة
قَضِيَّة فيها اعتراضي** ملّي جانا نسينا السَّهرة
ملّي جانا نسينا غدانا** وفرّطنا حتى في عشانا
وتبّعنا نانسي وديانا** لاسم متَقّي تحتو صُرَّة
تلقى فيها خيط وهانا** فاك الخيط عقاب الجُرّة
تلخيص الحلقة يا جماعة** الفايسبوكة ساعة ساعة
والّي يصدّق في الإشاعة** قولولو رحتي يا حسرة
ما تكونش أعمى في الطاعة** لا تسقط خطرة في حفرة
الفيسبوك مليح وخايب** حسب النية عند الغايب
ممكن خلف الشاشة شايب** داخل حاب يدنّي قُصرة
وممكن واحد عقلو تاعب** ما عندو في الدنيا خبرة
ويا ما الفيسبوك نفعنا** عل الفعل الباهي جمّعنا
شفنا خيراتو وسمَعْنَا** وانتم يا رُوَّادُو أَدْرَى
قصّينا الجُّرّة تبّعنا** والثمرة دلت ع البذرة
إبراهيم بشوات الاثنين 08 جوان 2015
ليس للكاتب منصب وراتب بل قلم ومنبر
مع تحياتي وإلتزامي فارس معمر
مع تحياتي وإلتزامي فارس معمر