الخضــــــرة تربح ....ايستوار شابة....في ام درمـــــانــ....حصريا
20-12-2009, 02:26 PM
خير عليكم
لاول مرة وفقط على صفحات منتدانا الغالي نكشف لكم سر بكاء الفنان فؤاد المصري الى يومنا هذا.
على طريقة "ايزاوا" والطاكسي المخفي
في مقهى ريسكي


كان يا مكان ...17 نوفمبر...حدث في ام درمانnosweat
قالك : فؤاد المصري ...كره الوحدة في لوتال الي كان فيه في ام درمان...خرج يتمشى...100 متر قرب الاوتال ..كاينة مقهى.."قهوة ريسكي معانا"..ديسيدا باه يروح يتقهو تم.
دخل ..جلس في احد الاماكن ..جاه السارفور...قاله :شا تشرب..قاله :انا عايز شمبانيا...قـهـقـهـة
خونا حسب روحه راه في كازينو في لاز فيغاس.
قاله السارفور: كاين آتاي..مشايخة..مارتينازي..
قاله : اشرب شاي.
ليسونسيال هنا بدات ليستوار
فؤاد نتاعهم شاف واحد رافد علام دزاير ومريح يخمم ..قالك اروح عنده ونجيب بيه الوقت (شا داك تروح)
تعرف عليه ..هدرة تجيب هدرة ..نطقله الاخ الجزائري وقاله: تريسكي وتلعب
قاله فؤاد:اوكي ..بس ...حنلعب ايه؟؟
قاله الجزائري: راك تشوف في هاذو 3 اوراق...كاينة الخضرة وكاينة الحمرة وكاينة الكحلة..خطرة نخلط انا خطرة انت ..وريسكي على وحدة ونريسكي على وحدة ...
فؤاد راه يلعب على 200 اورو +موبيل سامسونغ
والبقية تاتي...والجزائري عنده في راس ماله باكية ريم+نوكيا 1100 وباسبور خضر.

بدى السوسبانس...الخضرة تربح ولا الحمرة تربح
فؤاد: الحمرة تربح؟؟
النتيجة
الخضــرة تربحclap
تواصلت اللعبة بين الجزائري وفؤاد الفنان ...وتوجور الخضرة رابحة...الى غاية ما خسر فؤاد نتاعهم 200 اورو والموبيل لصالح الجزائري....
نطقله الجزائري: تزيد تريسكي؟؟
جاوبه فؤاد :انت اخذت كل حاجة ... مفيش خلاصقـهـقـهـة
قاله الجزائري: نديروها نية وسط...نلعبلك على السلسلة الي راك دايرها في رقبتك والخاتم في يدك...واذا ربحتني نرجعلك صوالحك.
فؤاد : لا لا ...د هدية غالية من الزوجة بتاعي...nosweat
خبطله خونا الجزائري قالب قد راسه
قاله:د حتفرح اوي لم تألها انك فزت على واحد جزايري بفضلها هي.
هنا يرد فؤاد : اوكي...بس انا بوزع الاوراق..
سال فؤاد الجزائري
الحمرة تربح ولا الخضرة تربح؟؟
ضحك الجزائري وقاله:
ربحناكم في سوسة وفي تشاكر ونربحوكم في ام درمان
وراها رابحة فــ القهوة
النتيجة النهائية
مـمـتـاز
الخضرة تربح
خرج فؤاد نتاعهم من المقهى يحط فيهم ربعة ربعة...فات 18 والخضرة تاهلت لبلاد البفانا بفانا.
المصيبة الكبيرة يا خاوتي ...كي رجع فؤاد للقاهرة...زعفت عليه المرة ...وراها ليومنا هذا غضبانة في دار بوها...وليومنا هذا مزال يبكيالـبكـاء
قاتله...والله وما تجيب السلسلة ولاليونس...ما نرجعلك قـهـقـهـة
وين يلقى خونا الجزائري ...باه يرجعله صوالحه...
ربما يتلاقاو فــ المريخ 2030 ...ويريسكي مع الجزائري .
اخيرا
الخضرة تربح ولا الحمرة تربح؟؟
اكيــــــــد
الخضرة تربح
والخضرة ربحت
والخضرة توجور رابحة ان شاء الله.
مواضيع العضو مشاركات العضو
من مواضيعي 0 التغذية: نصائح وحيل حول الأكل الصحي اهمالها قد يسبب لنا مشاكل صحية لا نعرف اين سببها؟
0 فوضى سينوفاك الصينية.. لقاح واحد و3 نتائج متضاربة
0 "نوع آخر مثير للقلق".. سلالات كورونا المتحورة تنتشر في 50 بلدا
0 إجراء تغييرات إيجابية: نصائح وحيل للتغذية السليمة ولتقوية الاعصاب
0 هل لديك وزن زائد؟ نستطيع مساعدتك
0 يؤثر نظامك الغذائي على صحتك: كيفية الحفاظ على التغذية الجيدة