تسجيل الدخول

ياناس شكون فيكم حاس بحالي؟
سهرانة الليل وحدي ماجاني نوم
ندعي ربي العالي
ينحيلي الهم والفرح يدوم
قاعدة وحدي مخنوقة
والدموع راهم يزيدوا يوم بعد يوم
والبسمة مني ولات مسروقة
نبكي من كثرة الهموم
ونفسيتي راهي على الجمر محروقة
تسنى كاشي مطر كاشي غيوم
ما عرفت اذا راني حية ولا بالحزن مشنوقة
ما عرفت اذا لي راه يعذب فيا سر مكتوم
راني غير نحوس على الحاجة لي خلاتني مفروقة
منين هذ الدموع وهذ الهموم؟
انا بالاك فقدت عقلي و وليت مجنونة
والدليل حزني بلا اي سبب مفهوم
ياناس شكون حالتو كيم حالتي ؟
شكون لي راه بلا سبة مغموم؟
حابة واحد يسمعني
بصح الله غالب ماكاش الرفيقة
ماكاش لي يداويلي جسمي المحموم
نمرض وكي نداوي يقولولي مابيك والو
كان تنساي الدموع صحتك ترجعلك اليوم
نقوللهم ياناس راني نحكي الحقيقة
انا تخمامي عمرو ما يزول
عيشوا معاية ولو دقيقة
تفهموا بلي عذابي ماعندوش حلول
كان راني نبكي بسبة نقولوا يمكن
نعالجوها وتولي الامور كلها فرح في الكون
بصح لي راه يعذب فيا نفس رقيقة
لفتت انتباه كل العيون
قالوا هذي عدوة ماهي صديقة
وانا ما صدقتهمش ورحت لحياتها نحوم
تخلطولي الاحداث وما عرفت ما ندير
لي مدتهولي هدية ولا سموم؟
نقعد وحدي نبدا نبكي
والحزن يزورني وين ما نكون
حتى وان كنت قاعدة في اجمل حديقة
نضحك وفجاة يبداوني الهموم
ياناس افهموا حالي
انا راني نبكي بلا سبب مفهوم
يمكن هذا هو طبعي
ما نشوف لا الفرح ولا اللون
يمكن انا مخلوقة هكذا
في بحر الاحزان بلا سبة نعوم
:1 3:

رغم الحزن و الألم الذي يملا كلماتك
الا ان خاطرتك جعلتنا نغوس ناسين همومنا
متعايشين حالك في سراب هارب
فما يحس بحالك الا من قد ذات مرارة
الوحدة في كابوس بعنوان
(( تركتني وحيدا وحد الحاجة لك))

بوركت يا مايا على ما خطه قلمك هنا
تقبلي تحياتي و مروري

شكرا جزيلا لك

الله الله عليك......... و أنا وين روحت راني حاسة بيك حنونة ..كلمات و لا أروع متألقة دائما

انت المتالقة الحقيقية شكرا لمرورك

راني حاسة بيك ختيتي فكرتيني بواحد اليامات هادي اذا ما قلتلكش شهور جازو علي لعدوك ماتتمنايهم ديري في بالك قدما طولت الشدة مورها تجي الفرجة لي خلق مايضيع وكي تحسي روحك في حالة كما هادي استغفري ربي وقراي شويا قران تتنحى عليك الغمة .

صدقت فالقران دواء فعال من عند الخالق الرحمان بارك الله فيك وسدد خطاك وشكرا لمرورك العطر وانارتك صفحتي

اشعر بشعورك و اعلم انا شعوري ليس بقدر شعورك ليس اي شخص سيشعر بك كم تشعورين بنفسك

بارك الله فيك

الله عليك نستينا في همومنا ربي يصبرك ويكون معاك وانا وحدة من الناس حسيت بلالم نتاعك ملقصيدة الاولى مشكورة حبيبتي على هده الكلمات و نقولك ان بعد العسر يسرا
تقبلي مروري المتواضع من القلب

وفيك بركة شكرا جزيلا لك الاهم مرورك