الماء و التّريسيتي بِـِينَ البـارح واليوم !!!!
14-08-2012, 04:34 PM
الماء و التّريسيتي بِـين البـارح واليوم !!!!
لـُوكَانْ انْوَلـِّيـوْ اشْويّة ((أُونـَارْيـَارْ )) بعض السّنين ... عشرة إلى عشرين أكْبـَر تقدير ؟! نـْوَجْدُو حَالنَا مَا كُنـَّاشْ انـْعانِيوْا من انقطاع الماء و لا الكهرباء ... ماشي لقّلّة عدد السكّان , أو لأنّنا في طريق النموّ , و لكن لأنّـُو القليل جدا جدا جدا من كان يسمع بالكليماتيزور ؟! أغنياء الجزائر ما كانوش يسمعوا بالكليماتيزور !! و لَمْخَيِّر فيهم كان عندو فونتيلاتور ؟؟!! صحّ ولّة لالا ؟! كان اشْقـَاء وَ لـَعْـنـَاء بصّح مَـاشِي كِيمَا الـيـُوم ؟!
كنّا إذا جـاء الصِّيفْ انطفّيوْا الضّـُوء بـَاشْ ما تـكُـونـْش اسْخانـَـة ...كُـنّا نفتح اطْـوَاقِي و انـْشَرْعُوا البـَرْسيـَانـَات, نـَرَّقـْدُوا على الضّـوء انـْتـَاعْ لـَقْـمـَر و الهَـواء أيـْبـَرَّد ((ناتورال !! )) الموستيك و لا السّخَـانـَة .. او مَـرّات كانتْ تشعل النّار في الغابات والجبـال او كانت تبقى شاعلة حتّى تـَاكل بَعْـضْهَا .. ما كَـانـُوش عندنا ((لِـيمْـوَايـَا ))او كـُنّا عايْشين ؟؟!! أو ما زلنا عايشين ؟؟!! زيدْ الماء كان كَاين إلاّ في بعض الحُـومَـات الشّعبيـّة ؟؟ اوْ صَحّ شْحَـالْ مَنْ واحد مَـات من كثرة مَـا حَمّل الماء او يطـلْـعُوا بـْلـَحْبِـِيلـَة من البَـالكُـون ؟؟!! ... اللّه يرحم تيلك ليّام الزّينة بَحْضـُر لمّيمة لحنينة الله يرحمها او يرحم بابا لعزيز ... بـَصـَّـحْ حتّى اذا كان مَـاشِي كيما اليوم 24 /24سا اوْ كُنّا انْدَوْشُوا في الشتاء مرّة كلّ شهرين , أو مرّات مْنَ العيد للعيد ..او ما كـُنّاش انفُوحُوا ... كانتْ الرّيحة ابلـُومْـبـلـُوم دايرة حالة وَحّدْهَا في السّوق ادُّور ؟! إذا مَانـْتَ رَشّيت روحَك تـَـلـْصَـق فيك 15 انيـُوم او ما اترُوحْـش !!((تايْقـة بزّاف بزّاف )) واليوم يا خاوتي رانا اندوشوا أربع مرَّات في اليوم ! والتـّريسيتي شاعلة في كلّ بيت حتى في( بيت الماء )(( مسكين ايخَـافْ الظـّلمة ؟! )) حتّى الكُولـْوَار الضّوء فيه شاعلة على طول حتّى في انهـار ؟! أغلب البيوت عندهم لاكـْلـِيم وَ ايحطّوه في درجة 20 يرحم والديكم كيفاش ما اتـْرُوحـْـش الضّوء و عدد السُّكّـان ارتفع الى اقريب 50 مليون نسمة الله ايبارك وايزيد ...
إذًا جَابْ لـِي رَبـِّي بَشْويـَّة سَاكْـِريفِـيس قـَادْرين نَـتـْغَـلـْبـُوا على هذا الحَـالَـة اللـِّي رانا انعانـِيوْا منها ...
وَ الله غِيرْ سَاهْـلـَة مَاهْـلـَـة ... اعْـلاَشْ مَـا نْـصَبـْرُوش كيما ازمان ..نفتح الطـّـواقي والبَـرسيانات .. وَ انـْبَـرْدُوا الأرض او انطفـِّيوْ الضّوء او اتـْريسِيتـِي ما انشعلوهاش الاّ في الحالة اللاّزمة ... ما نستعملوش الكليماتيزور ولا الفـُـور ولا ((الميكروهوند )) .. اعلاش ما نَـقَـدْرُوش ؟؟؟؟؟؟
ملاحظة : البارح راح التّيليفون لعدّة ساعات لا كونيكسيون ولا هم يحزنون ... ههههههههههههههه بــَطـّـُولـَـة المصيبة إذا عمّت خـفّـتْ ...
اللّهمّ لك أسلمنا و بك آمنّا وعليك توكّلنا و إليك أنبنا و بك خاصمنا , وإليك حاكمنا , فاغفر لنا ما قدّمنا و ما أخّرنا , وما أسررنا وما أعلنّا , وما أنت أعلم به منّا , أنت المقدم وانت المؤخر , لا إله إلاّ أنت ..
اللّهمّ أحفظنا من بين أيدينا و من خلفنا , و عن أيماننا و عن شمائلنا , ومن فوقنا , ونعوذ بعظمتك أنْ نُغْتَال من تحتنا يا ذا الجلال والإكرام !
آمين آمين والحمد للّه ربّ العالمين
ناجي بن مسعود أبوشعيب
14/08/2012
لـُوكَانْ انْوَلـِّيـوْ اشْويّة ((أُونـَارْيـَارْ )) بعض السّنين ... عشرة إلى عشرين أكْبـَر تقدير ؟! نـْوَجْدُو حَالنَا مَا كُنـَّاشْ انـْعانِيوْا من انقطاع الماء و لا الكهرباء ... ماشي لقّلّة عدد السكّان , أو لأنّنا في طريق النموّ , و لكن لأنّـُو القليل جدا جدا جدا من كان يسمع بالكليماتيزور ؟! أغنياء الجزائر ما كانوش يسمعوا بالكليماتيزور !! و لَمْخَيِّر فيهم كان عندو فونتيلاتور ؟؟!! صحّ ولّة لالا ؟! كان اشْقـَاء وَ لـَعْـنـَاء بصّح مَـاشِي كِيمَا الـيـُوم ؟!
كنّا إذا جـاء الصِّيفْ انطفّيوْا الضّـُوء بـَاشْ ما تـكُـونـْش اسْخانـَـة ...كُـنّا نفتح اطْـوَاقِي و انـْشَرْعُوا البـَرْسيـَانـَات, نـَرَّقـْدُوا على الضّـوء انـْتـَاعْ لـَقْـمـَر و الهَـواء أيـْبـَرَّد ((ناتورال !! )) الموستيك و لا السّخَـانـَة .. او مَـرّات كانتْ تشعل النّار في الغابات والجبـال او كانت تبقى شاعلة حتّى تـَاكل بَعْـضْهَا .. ما كَـانـُوش عندنا ((لِـيمْـوَايـَا ))او كـُنّا عايْشين ؟؟!! أو ما زلنا عايشين ؟؟!! زيدْ الماء كان كَاين إلاّ في بعض الحُـومَـات الشّعبيـّة ؟؟ اوْ صَحّ شْحَـالْ مَنْ واحد مَـات من كثرة مَـا حَمّل الماء او يطـلْـعُوا بـْلـَحْبِـِيلـَة من البَـالكُـون ؟؟!! ... اللّه يرحم تيلك ليّام الزّينة بَحْضـُر لمّيمة لحنينة الله يرحمها او يرحم بابا لعزيز ... بـَصـَّـحْ حتّى اذا كان مَـاشِي كيما اليوم 24 /24سا اوْ كُنّا انْدَوْشُوا في الشتاء مرّة كلّ شهرين , أو مرّات مْنَ العيد للعيد ..او ما كـُنّاش انفُوحُوا ... كانتْ الرّيحة ابلـُومْـبـلـُوم دايرة حالة وَحّدْهَا في السّوق ادُّور ؟! إذا مَانـْتَ رَشّيت روحَك تـَـلـْصَـق فيك 15 انيـُوم او ما اترُوحْـش !!((تايْقـة بزّاف بزّاف )) واليوم يا خاوتي رانا اندوشوا أربع مرَّات في اليوم ! والتـّريسيتي شاعلة في كلّ بيت حتى في( بيت الماء )(( مسكين ايخَـافْ الظـّلمة ؟! )) حتّى الكُولـْوَار الضّوء فيه شاعلة على طول حتّى في انهـار ؟! أغلب البيوت عندهم لاكـْلـِيم وَ ايحطّوه في درجة 20 يرحم والديكم كيفاش ما اتـْرُوحـْـش الضّوء و عدد السُّكّـان ارتفع الى اقريب 50 مليون نسمة الله ايبارك وايزيد ...
إذًا جَابْ لـِي رَبـِّي بَشْويـَّة سَاكْـِريفِـيس قـَادْرين نَـتـْغَـلـْبـُوا على هذا الحَـالَـة اللـِّي رانا انعانـِيوْا منها ...
وَ الله غِيرْ سَاهْـلـَة مَاهْـلـَـة ... اعْـلاَشْ مَـا نْـصَبـْرُوش كيما ازمان ..نفتح الطـّـواقي والبَـرسيانات .. وَ انـْبَـرْدُوا الأرض او انطفـِّيوْ الضّوء او اتـْريسِيتـِي ما انشعلوهاش الاّ في الحالة اللاّزمة ... ما نستعملوش الكليماتيزور ولا الفـُـور ولا ((الميكروهوند )) .. اعلاش ما نَـقَـدْرُوش ؟؟؟؟؟؟
ملاحظة : البارح راح التّيليفون لعدّة ساعات لا كونيكسيون ولا هم يحزنون ... ههههههههههههههه بــَطـّـُولـَـة المصيبة إذا عمّت خـفّـتْ ...
اللّهمّ لك أسلمنا و بك آمنّا وعليك توكّلنا و إليك أنبنا و بك خاصمنا , وإليك حاكمنا , فاغفر لنا ما قدّمنا و ما أخّرنا , وما أسررنا وما أعلنّا , وما أنت أعلم به منّا , أنت المقدم وانت المؤخر , لا إله إلاّ أنت ..
اللّهمّ أحفظنا من بين أيدينا و من خلفنا , و عن أيماننا و عن شمائلنا , ومن فوقنا , ونعوذ بعظمتك أنْ نُغْتَال من تحتنا يا ذا الجلال والإكرام !
آمين آمين والحمد للّه ربّ العالمين
ناجي بن مسعود أبوشعيب
14/08/2012
من مواضيعي
0 أَسْمَاءُ مِنْ سَمَاءِ الشُّرُوقِ انْطَفَأَتْ ...
0 لـَوَاعِجُ الهَـوَى .....
0 شامخة شموخ الجبل ...
0 شامخة شموخ الجبل ...
0 إنّي عليل ....
0 هيّا معا أنا و أنت ننسج حلما ....
0 لـَوَاعِجُ الهَـوَى .....
0 شامخة شموخ الجبل ...
0 شامخة شموخ الجبل ...
0 إنّي عليل ....
0 هيّا معا أنا و أنت ننسج حلما ....
التعديل الأخير تم بواسطة ناجي بن مسعود أبوشعيب ; 14-08-2012 الساعة 04:38 PM
.gif "11")
