ادخل ناحيلك على خاطرك مع سعدى وبوجمعة
04-06-2014, 09:25 AM
-تعرف ياسي بوجمعة بريطانيا تطبع 200الف
-نطبعو كثر منهم ياسي سعدى احنا نطبعو على اقل 20 مليون
-واش تطبع عشرين مليون انت
-الدلاع
-انا رانى على الكتوب ماشي على دلاع
-علاش الكتوب يطبعوهم كى دلاع اول مرة نسمع بيها هذى
-يطبعوهم يعنى ينسخوهم من مطبعة للورق
-هذوين فهمت يكون كى كاغط نتاع زيادة ومبعد يلصقوهم في كراس يولى كتاب
- على هذيك هربو علينا الاوربين وخلاونا حابسين في بلاصتنا
-عندك الحق بصح احنا رانا حابسين وهما هربو علينا وكورة الارضية دائرية علاش جامى كنا قاعدين وجازو علينا يجرو واحنا نكملو معاهم
-سؤالك في محلو يابوجمعة خلانى موسوس من دائرية الارض لو كان دائرية راهم لحقونا وكملنا معاهم
-تبقي مستغرب والله حاجة تحبس العقل
-نعطيك حاجة تحبسلك راسك كثر من كروية الارض
-واش هى
-الكتوب يتباعو بالمتر
-وين هذى
-في دزاير شفتهم في معرض الكتاب يجيبو مترا ويقيس ويقولو اعطينى 75 سنتيم كتوب
-همالا احنا نطبعو بالكيلومتر ماشي كيى هوما بالكتاب على هذيك مايديروناش في احصائيات نتاعهم
-يمكن بصح الحاجة لى مستغربلها علاش يشرو بالسنتيم
-يمكن الفراش تكسرلو كراعو وحبو يحطو بلاصة كراعو كتوب
-اه يمكن
-ولا بيبوتيك خصوها 75 سنتيم كتوب شراهملها
-ماشكيتش انا بانتلي الفراش تكسر كراعو
-ايا ابقي على خير نروح نقيس لا طونسيون
https://www.youtube.com/user/zohier1978
http://margaza.blogspot.com/
https://www.facebook.com/zhyrb
https://twitter.com/zohier1234
http://margaza.blogspot.com/
https://www.facebook.com/zhyrb
https://twitter.com/zohier1234
.gif "5")
