~رانا حكمناك~.......الحلقة6
30-06-2015, 08:26 PM
صح فطوركم و ربي يتقبل صيامكم
عدنا لنلتقي في حلقة جديدة من كاميرا الشروق
رانا حكمناك
ضيف الحلقة اليوم هو خونا
الهولندي الطائر
لي يتفرج سبونج بوب اكيد راح يعرفو.gif "8")
اترككم في المتابعة
@براءة@
السلام عليكم
هل الأخ من هولندا حقا ؟
هل الأخ من هولندا حقا ؟
الهولندي الطائر
وعليكم السلام
لا اختى انا جزائري من العاصمة
لا اختى انا جزائري من العاصمة
@براءة@
ضحكتني خويا حسبتك صح من هولندا حتى ان مداخلاتك فالمنتدى قليلة أنا قلت بالاك الاخ مايفهمش العربية مليح و الأخ طلع جزايري حب يفوخ علينا برك
مجرد تسخين للعضلات برك
الهولندي الطائر
هههه كان اسمي (الامبراطور) سماتني الجدة اخلاص وكانو يقولو (الملك) مملكة الرمنسية لخواطري ومبعدها تركت الشروق مدة 4 سنوات وكانت طلاتي عليه قليلة جدا جدا فخترت اسم الهولندي الطائر اسطورة لسفينة شبح لا تظهر سوى مرة واحدة كل مدة معينة ومداخلتي قليلة لضيق الوقت كنت على ديداني 2008 2009 2010 2011 ومنبعد هرمت
اضحك ضرك تشوف واش راه جايك
@براءة@
كان فعل ماض ناقص خويا وحنا رانا في 2015...... قال الامبراطور قال
الهولندي الطائر
هههه قالو قالو ودك راني طرت في 2015 الخدمة والخدمة وهي رايحة
مازالك تضحك معليش
@براءة@
انا ماقلتش حاجة تضحك !!! خليك واقعي أخي و عيش شخصيتك الحقيقية وبركاك من أحلام اليقظة
الهولندي الطائر
لا مضحكتش عليك وانا واقعي وقتلك 2015 راني من الخدمة للخدمة لهذا قل تواجدي هنا والامبراطور كانت في ايام كتابة الخواطر ولا حرج في الالقاب ولم اختلق شخصية وتقمصتها جزائري واعيش يوميات جزائرية
مازال ما فهمش
@براءة@
وانا وين نعرفك باش نصدق كلامك
لي يهمني هي شخصيتك هنا في العالم الافتراضي
يا خويا شحال تحبو تفوخو... و علاش حتى تشبه نفسك بالهولندي خليك جزايري حر
و خلي معرفك الجزائري الطائر و اصنع لنا اسطورة جزائرية
فلا تنفش ريشك اخي باساطير غيرك و دعك من الامبراطور و من الهولندي
هذي من فلسفة الحاجة براءة
الهولندي الطائر
اعتدر عن الرسالة المتاخرة
تقولين (في العالم الافتراضي اما في عالم الواقع فلا أعرفك)وتقولين(فلا تنفش ريشك أخي و دعك من الامبراطور و من الهولندي) يعنى تعرفي عليا ننفش ريشي المهم
اما الهولندي الطائر فهي سفينة يجهلون من اين اتت كتب عليها أن تبحر إلى الأبد في المحيطات من دون أن تعود لترسو من جديد في مرساها فلا علاقة للبلدان
تقولين (في العالم الافتراضي اما في عالم الواقع فلا أعرفك)وتقولين(فلا تنفش ريشك أخي و دعك من الامبراطور و من الهولندي) يعنى تعرفي عليا ننفش ريشي المهم
اما الهولندي الطائر فهي سفينة يجهلون من اين اتت كتب عليها أن تبحر إلى الأبد في المحيطات من دون أن تعود لترسو من جديد في مرساها فلا علاقة للبلدان
المسكين راه يشرح و يفصل 
@براءة@
إيه صح مانعرفكش بصح التكبر والغرور باديين من معرفك
الهولندي الطائر
سمة التكبر والغرور تظهران في التعامل والتواصل والمعاملة وليس مجرد اسم امبراطور او مغوار او بطل كلها مجرد اسماء تكتسب بالافعال وبررت لك مقتبس الاسماء من اين جاءت ولا اجد احد قد يعرفني هنا كالجدة اخلاص
في هذي عندك حق يا سي الطائر
@براءة@
لالا يا اخي انت مخطئ فالمعرف أيضاً يعكس الشخصية الحقيقية لصاحبه والجدة إخلاص اشفقت عليك لطيبة قلبها فانت مغرور و متكبر
الهولندي الطائر
امبراطور لخواطري وطائر لعدم تواجدي في الشروق وان قلت عنى متكبر ومغرور فهذا حكمك واقبل تعقيبك اختي
يعني مصمم على كلامك
@براءة@
واش من خواطر راك تهدر عليها الله يهديك
يا اخي رانا في 2015 و خواطرك اكل عليها الدهر وشرب
فيق مع روحك الله يسترك و حط رجليك فالارض و بركاك من الغرور
و زيد هذاك الكلام لي مالو أي معنى يسموه الناس خاطرة؟؟؟؟؟!!!!!!
حاشى الخاطرة.gif "3")
هذي ماكانش يستنى فيها
الهولندي الطائر
شوفي اختي مع كل احترامي انا علابالي واش راني نكتب و ما طلبتش رايك او تقييم منك
وواحد ما وجهلي ملاحظة مثل هاذي من قبل و انت راهي الغيرة لي تهدر فيك
وواحد ما وجهلي ملاحظة مثل هاذي من قبل و انت راهي الغيرة لي تهدر فيك
ااااااو منك بالصح
@براءة@
شوف اسيدي .gif "19")
يعني نغير منك لانك تطير!!! و لا على الخربشات لي راك تكتب فيها؟؟؟ّ!!!!
يعني نغير منك لانك تطير!!! و لا على الخربشات لي راك تكتب فيها؟؟؟ّ!!!!شوف وليدي نقولك حاجة ديرها فلوكة في وذنك
ابقا طاير في احلامك و ماتزيدش تحط فالمنتدى لانه اكبر من ان يكون عش لطير مغرور مثلك
سلك روحك ضرك
الهولندي الطائر
الأخت براءة الكلام لي تقولي فيه كبير بزاف حبذا لو تحترمي نفسك و تلزمي حدودك
فالمنتدى للجميع و ماتساليش فيه وحدك فرجاءا ماتخلينيش نغلط فيك
تهددني يعني
@براءة@
اف اف اف راك تهدد فيا
الحق عليا انا لي نبهتك باش تراجع نفسك
على كل انت حر خليك تطير و تخربش كيما تحب يجي نهار و ين تنتبه للفلوكة لي عطيتلك
الهولندي الطائر
يا اختي بارك الله فيك و انا عارف شكون نكون وواش راني ندير
و الفلوكة يديروها غير النساء
نعم يا خوي !!!!
@براءة@
واش تقصد؟؟
نفهم من كلامك اني ماعندو مادخلني
لالا يا سيدي دخلني و نص و خمسة و عشرين
يا يتغير المعرف نتاعك يا تطير من المنتدى
الهولندي الطائر
معرفي عاجبني و لن اغيره و انت منين تشوفيه غمضي عينيك
و غير الشروق لي نبقى فيه
نستعرف بيك
@براءة@
تعيش وتأكل غيرها خويا الامبراطور راك شاركت فالكاميرا كاشي اللي راحا تعرض فرمضان ان شاء الله فشكرا لك أيها الطيب الخلوق ...... هل تأذن لي بنشر هذا الحوار
الهولندي الطائر
الله يا اسم البراءة طلعت ثعلوبة ههه...شكرا لك واكيد لك الأذن بالنشر اختي
انا ثعلوبة!!!
انا ثعلوبة!!!
طيب ما أكون انا اذا ما رجعتك ثعلوب مثلي
وطبعا كيما شفتو من قبل خونا صار ثعلوب و صار يصيد معايا
وهكذا نكونو انهينا حلقة أخرى من حلقات كاميرا الشروق لي كانت مع خونا الهولندي الطائر لي نشكروه على سعة صدره و طيبة قلبه
ابقاو على خير
نلتقي في حلقة جديدة
مع ضيف جديد
[/CENTER][/QUOTE]
من مواضيعي
0 طلب مساعدة عااااااجلة
0 باركوا لأب @ آلاء @ ^__^
0 تخسيس الوزن بالفلفل الأسود
0 5 علامات تدل على نقص فيتامين بي12 في جسمك
0 كيف نعالج تشنجات الظهر المؤلمة ؟
0 طرق آمنه لعلاج حبوب الشباب أثناء الحمل
0 باركوا لأب @ آلاء @ ^__^
0 تخسيس الوزن بالفلفل الأسود
0 5 علامات تدل على نقص فيتامين بي12 في جسمك
0 كيف نعالج تشنجات الظهر المؤلمة ؟
0 طرق آمنه لعلاج حبوب الشباب أثناء الحمل
التعديل الأخير تم بواسطة @براءة ; 30-06-2015 الساعة 08:28 PM
.gif "16")
.gif "10")
