خبز الشعير أو الحامضة
05-01-2016, 11:01 AM
الرئيسيةغير مصنف خبز الشعير أو الحامضة
– تخلطي كمية سميد الشعير بالملح و الماء و تخليه يبات.
– و غدوة من ذاك تخلطيه بكمية كبيرة حسب عدد الأفراد و تخليها ترتاح مدة ساعة، ثم تنحي كمية من العجين و تعركيها بيدك و شوية ماء الماء ملزمش تكثري بلي يدك برك ثم لميها شكل كرة و نحي منها شوية و بداي تسوي فيها مليح إخدمي الأطراف مليح و بداي كل متخبزي تقلبي و بلي يدك حتى تأخذ شكل دائرة حاكمة روحا حطيها بجهة حتى تكملي كل الخبز.
– تقدري تخبزي حتى 6 خبزات و تحطيهم فوق بعضاهم من بعد تبداي طيبي بالوحدة.
– سخني الطاجين ثم لوحي الخبزة و كي تنشف شوية برك راها تبان فالأطراف إقلبيها و كان تخليها طول تتشقق قاع فالأطراف.
– بعد ما تقلبيها خليها تنشف شوية و حطي عليها مهراز و لا طاس معمر ماء المهم حاجة ثقيلة باش تتحمر مليح حنا نحبوها مورفة يعني حمرة بزاف و اللي يحبها طرية متحطيش عليها الحاجة الثقيلة.
– هذي هي الحامضة تاعنا و ناكلوها باللبن و لا الحريرة اللي هي حريرة المرمز.
– إن شاء الله فهمتو الطريقة وشهية طيبة.
منقوووووول
[/CENTER][/QUOTE]
