دجاجتنا تحكم... هههههههههههههههههه =بقلمي=
03-06-2016, 01:15 PM
وضع اجتماعي في قالب هزلي و فكاهي...


ياكشفتي شوف زاوشنا مثقاه***يتحكم في العقل البوم و لحبار
جربنا قداش من زاوش درناه***اتربى فالعش دارالريش وطار


غيرنا في الشكل نرفع مستواه***نجيبو رخمة اتربي ذي لطيار
بدلنا الديكور و ضركة مليناه***ساعة رخمتنا مدخلها مطيار

نعطوها فرصة دجاجتنا وعلاه***لعلا تحكم في السجنة تشطار
سقسانا فروجنا على واش نحيناه***اتبدل لونو و كوكس واحتار

ذا حكم المفلس ودجاجات معاه***انايا فروج نهجر ذي لوكار
قالت لو نشكيك للقاضي تهماه***اعطيني دالة حتى انا ايطار

من حقي نحكم و انسير ها واه***و انفكر واندير قانوني فالدار
ساعة هردتها و سلكنا بالجاه***قاضيها طول ما حط الستار

الفروج اقنط و اتقلق مقواه***ياقدرة كيفاش هذا عيب و عار
قالت لو ماليوم قانونك انساه***وقتك راه اقديم و اكلاه الغبار

برنامجنا انديروه حد ما يتخطاه***حتى تطورن قع مفلسنا لصغار
اعطيني فرصة انوريلك كيفاه***كولش يتريقل و يسقط ماصار

دجاجتنا نبشت حتى اللي اردمناه***اتبحث فالماضي و اتغير لفكار
فروجي ناض راه الغيض اعماه***و اتنفض وقال و ينكم يا لحرار

خلوني ذا حكمكم عني مقساه***اقلبتو لموازين للدجاجة و احبار
هاهو ذالتخطيط ظاهر في مبداه***تجنو غير الريح فآخر المشوار

هاهو دار الحول برنامجنا تاه***بعد انكان امليح طافح فالاشهار
ضركة هاهو بان شقو يا معتاه***دجاجتنا بدات اتقاقي في لعذار

قطعت لاتصال عالسجنة شفناه***و المفلس تحتال بالحيلة تشطار
اتحتمنا الفروجنا روحنا رديناه***و يا كشفة موحال يقبل لاعتذار

ما شكيت يجي ايحوس ع الجاه***طيحتو قدري خسارة يا حضار
قلنا لو فروجنا اطلب ماتسواه***شروطك مقبولين واشرط واختار

قالنا ديرو هاذ السجنة باسماه***أول شرط يكون امعبر تعبار
انغير و انحل مجلسها و فحواه***تمشي تخطيني مانزيدش نهدار


بقلمي chawki dz
مواضيع العضو مشاركات العضو
من مواضيعي 0 سالـــــــــــــــــــــــــــــــــــــــــــــــ ــــــــوني.......بقلمي
0 مانسطيب عيش.....بقلمــــــــــــــــي
0 طيــــــــــــر الهدهد........بقلمــــــــــــــــــــــــــــــــ ــي
0 آنت بهلولة............بقلمــــــــــــي
0 طوفي... طوفي...-بقلمي-
0 يـــــــا بنتي... -بقلمي-
التعديل الأخير تم بواسطة chawki dz ; 03-06-2016 الساعة 01:18 PM