اقتباس:
المشاركة الأصلية كتبت بواسطة إشراق2
موضوع جميل براءة
انا مرة نعيد عند عجوزتي ومرة في داري على حساب ظروف عمل زوجي
عند حماتي أكيد اجمل واحلى اللمة ولومبيونس
يوم العيد تقريبا يفوت غير في المطبخ تنظيف أحشاء وبوزلوف وغذاء ونزيدو عشاء يعني ما نجيو نكملو طاح الليل
انا لا آكل شيء من الخروف بصح نحب نشارك في كل شيء نغسل أمعاء ....كرشة ....بوزلوف ...الخ ما عندي حتى مشكل ونخدم كل شيء خمسة وخموس عليا ههههههه
الغذاء باين الأحشاء مشوية مع بطاطا مقلية وسلطات ومشروبات
العشاء كل مرة كيفاش عند حماتي يأكلون غير كرشة نديرو بكبوكة
وفي دارنا موالفين اليوم الأول عصبان
وفي اليوم الثاني نقطعو ا الخروف ونصدقو واش لازم والباقي مشوي .....مقلي .... محمر .....وما نزيدوش من فوق أسبوع نكملوه الكبش
في داري السماطة تقتل تقولي ماشي عيد
نذبحو الكبش...زوجي يهز الكبد والخروف والباقي نصدقوه
والغذاء كيما ذكرت سابقا
والعشاء كيف كيف
ما كان لا كرشة لا بوزلوف ....... وخلاص العيد
والتهاني عبر الهاتف
|
بارك الله فيك إشراقو على التوضيح
يوم عيدي يا براءة يشبه يوم عيد إشراق في دارها
كبدة و لحم الخروف
قلت هذا من قبل في المنتدى فتعرّضت لحملة نقد واسعة من فحلات الدوارة
اقتباس:
المشاركة الأصلية كتبت بواسطة إشراق2
ارواحي اديه هههههه االسماطةتقتل
العيد حلاوتو في اللمة وبوزلوف والكرشة و لو انني لا أطيق أكلهم ابدا
|
و لا لمسهم و لا مشاهدتهم الله غالب
عندما أرى حسرة أطفال مالي و حرائر سوريا في شوارعنا
أشكر الله ألف مرة على نعمة الأمن و الأمان في بلدي
اللهم أدمها نعمة و امنعها من الزّوال.