قاطو غصن الشجرة.......حصري من مطبخي
14-04-2015, 10:54 AM
اليوم جبتلكم قاطو حصري من كوزينتي نبداو على بركة الله
المقادير:
العجينة:
3كيلات فرينة
قرصة صغيرة ملح
كاس الا ربع مارغارين ذايبة
ماء الزهر
كاكاو
مبشور ليمون
الحشو:
3كيلات كاوكاو او لوز مرحي اللي عندك
كيلة سكر ناعم
كيلة حلوة ترك اختياري يعني تقدري تستغناي عليها
بيض لجمع الحشو
للتزيين: نوادكوكو محمص و حبات حلوة صغيرة فضية اللون
تحضير العجينة:
نضع الفرينة+قرصة صغيرة ملح + كاكاو نخلطها مليح ثم نعمل حفرة في الوسط و نفرغ المارغرين الذايبة و نخلط براحة اليد حتى تمتزج الزبدة مع الفريتة نجمع العجينة بماء الزهر حتى نحصل على عجينة متماسكة
نعجنها قليلا فقط كي تصبح ملساء ثم نعمل منها كويرات و نغطيها بسيلوفان و نخليها ترتاح
تحضير الحشو:
نخلط اللوز و السكر+ مبشور الليمون ثم نخفق بيضتان و نضيف بالتدريج للحشو حتى يصبح حشو متماسك
نشكل حرابيش و نغطيها بسيلوفان
طريقة التشكيل:
ناخذ كويرة من العجينة و نسرحها في الة البقلاوة في رقم 1 ثم نكرر العملية في رقم 6 ثم ندهنها ببياض البيض و نضع فيها حربوش الكاوكاو و نلفها
من بعد نسرح كويرة اخرى في رقم 1 ثم رقم 6 ز نفوتها فالقسم الاخر من الالة الخاص بالسباقيتي نتحصل على خيوط نحاول نثبتها فوق الحربوش اللي عملناه من قبل بعد ماندهنوه ببياض البيض طبعا
و نقطع بالسكين على شكل مقروضات و نزينها بهذي الطريقة
ثم ندخلها الفرن
بعد ماتطيب نعسلو القاطو نتاعنا و نغطس حواف كل حبة في نوادكوكو المحمص
و هذا الصحن هدية للغالية ام الزين
[/CENTER][/QUOTE]