سمبوسه منزليه مقليه ومقرمشه ولذيذه في رمضان بالصور ....منقول
10-06-2016, 11:10 PM
سمبوسه بف بعجينتي في البيت من تطبيقي وتطبيق ام تركي
مقادير وطريقة عمل السمبوسه البف خطوة خطوة وكل صورة تحتها الشرح
اول شي نجيب 3كاسات دقيق ابيض مع رشة ملح وملعقه كبيرة زيت ونضعها مع بعض
والحين نفرك الدقيق مع الملح والزيت حتى يصبح زي اللي في الصورة
ثم نرش الماء بالتدريج حتى يصبح لدينا عجينه قاسيه جدا لانها بعد مانتركها ترتاح تلين شوي
اذا صار شكلها زي كذا اعجينها كثير
حتى تصبح كذا العجينه فغطيها لمدة نص ساعه
هنا بديت اقطعها دوائر صغيرة وثم افردها بالفراده اول شي احطها على رقم 1 وبعد ذلك احطها على رقم 2 وثم 3 وبعدها على رقم 5
اذا تغيرت الارقام عندك مثلي انامن 1الى 9 يعني اخر شي 8موب 5
بس انا اعطيتكم ارقام الفرادة اللي استخدمها
هنا شكل الفراده حقتي توها جديده
هنا الرقم ماقبل اخر شي ممكن نرش قليل من الدقيق انا ما أحتاج ال احط في يدي
هنا رقم 5وهواخر شي اللي ماعندها فراده ينفع باليد لاني انا توني شاريه هالفراده جديده لاني مااسوي الا كاس دقيق
وبكذا صار شكل العجينه بعد ماخلصت فرد خفيفه وحلوة وفرشت تحتها سفرة بلاستيك
وهنا غطيت العجينه اهم شي ما تنشف لانها لو نشفت ماتنقفل زين
هنا القطع اللي اشكل فيها البف الحمراء من صديقتي جابتها من مكه بس مدري من اي مكان
والبيضاء من السعر الاخير 3قطع مختلفه الاحجام
هذي الحشوات حشوات السمبوسه عبارة عن بيض مسلوق وملح وفلفل اسود وكزبرة اوبقدونس وشبت
والثانيه لحم وبيض مسلوق والثالثه جبن شيدر مبشور
هنا حشوتي احب الخضار والبيض اكثر من اللحمه
وبديت الف
هنا حبيت اوريكم طريقتي الثانيه بقى معي قطعتين فقلت حرام تكبينه بالزباله
فرجعت افرد اخر درجه وهي رقم 6واناافردتها امده بيدي علشان تصير طويله ومستطيله وخفيفه وقطعت راسها مثل الرقاق
مثل كذا وحطيت حشوة
وهنا شكل السمبوسه البف النهائي بعد ما لفيتها
وهنا شكل السمبوسه البف حقي خلص وغطيته لحين القلي
وهنا بف ام تركي كنت عندهم ياناس على الفن فديت عمرك وقلبك لينو
اهم مرحله القلي الزيت لازم يكون حار اول ماحط البف يغلي زي ماانتم شايفين واحط البف
واحط النار على درجة الوسط وأول ماسقط كم بف ارش زين بالملعقه
على البف حتى تشوفين فقعات ونتركها حتى تتحمر وانتي واقفه عندها
وهنا شكل السمبوسه البف النهائي ولوانه يقلي بالزيت ومضر بس يعجبني هذي الطريقه لصديقتي امي المكاويه
نفس العجينه ونفس الحشوه روعه
ام محمد الله يذكرها بالخير ويحسن خاتمتها وجميع المسلمين
والى اللقاء في طبق اخر
تحياتي لكم
