تسجيل الدخول

بزاف تخبيصاتك أمينة
مثلا بقلاوة براءة قلتك عليها عجينة وانت ما شفتيش مورقة ولا لالا الصورة علوية ماشي جانبية وقلتي إن بقلاوتك مورقة مع إن الصورة لا تظهر التوريق
شخشوخة أم الزين قلت الخضر طايبة بزاف
في بعض الأحيان الصورة لا تكف للحكم على الأطباق
وكذلك ما تقدريش تنقدي طبق على خاطر ما عجبكش مكون من المكونات وانت ما تحبيهش الأذواق تختلف انت مثلا ما تحبيش صوص معين ل.ل..الآخر يعجبو كل واحد وذوقه

يعطيك الصحة

أولا : بقلاوتي ما قسمتهاش باش تشوفي توريقها
ثانيا : ما ذوقيهاش باش تتغرمي بقرمشتها و تستبني حلاوتها المعتدلة يعني صحية و حتى مولى السكر كي يوكل كعبة و لا إثنين ما يضروهش
و جربيها على طريقتي و لا طريقة براءة و شوفي بنفسك بقلاوة السبع طبقات عجينة و إن كانت مورقة لأن قرمشتها لا تتعدى القشرة الأولى و زيد كي الطول تجلد على بعضها و حتى القرمشة إللي في القشرة الأولى تروح
" و لا يكلمك و يأتيك بالخبر اليقين إلا خبير " هههههه و ما كانش خير مني إحم إحم في هذا
ثالثا : خضار شخشوخة أم زين الدين طريقتي ينصح بها كل إختصاصيي التغذية للمحافظة على القيمة الغذائية للخضار بالطهو الكامل لها و هي معتمدة في الفنادق و المطاعم الفخمة
أما بخصوص الصورة لا تكفي هي لا تكون كافية لمبتدأ في المجمل أما واحد إقترب من كل المطابخ فالملاحظة تعطي فكرة

على بالي بلي بقلاوتك ما قسمتيهاش وحتى بقلاوة براءة مقسومة بصح الصورة من فوق يعني من الجانب ما تبانش وانت قلت انها معجنة وفي نفس الوقت تحبي نحكم على بقلاوتك بلي مورقة وانا ما شفتهاش انت راكي تقولي مورقة وانا ما كذبتكش وهكذا بقلاوة براءة ثاني ما تقدريش تقولي عليها معجنة وانت ما ذقتيهاش فهمتيني أمينة ؟
الخضار ثاني تاع كتشبعة اذا ما دارتهاش بنفس طريقتك هذا لا يعني انها ماشي مليحة بالاك هي تحب تاكلها هكذا بالمختصر يا أمينة اختلاف الأذواق وطرق االطبخ ما تقدريش تفرضي ذوقك وتقولي هكذا ولا ماشي مليح
صراحة انا الصورة لا تكفيني أحيانا للحكم على بعض الأطباق .....

الله يسلمك حبيبتي مرحبا بك

هههههههههههههه نزيدلك وحدة هذيك الخضرة الي شفتيها للاسف كلاتها البوبال علاش لا انا ولا اولادي نحبو الخضرة نحطها غير للتشباح ونطيبها حتى نخرج منها مصارنها ومكونتها في البيون هههههههههههههههههههه الله غالب صدق الي قال كول واش يعجبك والبس واش يعجب الناس سوري

يا ربي واشا ها الدزيرية إللي راسها يابس و مفلفلة
يا روح قلبي أنا قلت عجينة يعني طبقة العجينة فيها سميكة 7 طبقات لتحت و 7 ولا 6 الفوق أنا هذا جاني كثير زيد هذا ماشي رايي وحدي كثير من الطباخين الحلاوجية تحديدا صاروا ينقصوا من طبقات العجينة حتى يستووا بشكل جيد و كل الطبقات تاخذ نصيبها في الطهو و القرمشة إضافة إلى أن هذه الطريقة إللي تكون فيها التسوية متساوية أفضل و تحافظ على طبقات البقلاوة باش ما يجلدوش و تولي تڨهم كيما تقولوا لأنو هذا عجين و سمن أو زبدة
أما بخصوص الخضار أن أعتمد طريقة عالمية لا يعني أنها طريقتي الشخصية أو أني صاحبتها
و يا شروقة حبيبتي مسألة الأذواق في الطبخ لك كامل الحرية فإختيار تناسب التوابل مثلا أو أي إضافات أخري ترينها مناسبة لطبقك و ذوقك و لكن بالمقابل أيضا هناك أساسيات يجب إحترامها مثلا ما الطيبيش صدر دجاج أو سكالوب فوق اللازم حتى يولي ناشف يجيف بلهجتنا ههههه و كذلك الكروفات مالازمش يفوت الحد باش ما يوليش يمط مثل البلاستيك اللين و هذا الأمر يتعلق أيضا بالخضار فالحفاظ على نضارتها واجب و قيمتها الغذائية
راني مانيش نتفلسف عليك بناء على مزاجي و ذوقي أنا

الحق تبان مليحة بصح نشوف فيها تدي البلاصة بزاف

هدي لوكان يديرو بيها كاش وليمة لازم يديرو الوليمة ف قاعة ابن زيدون و لا ملعب 19
ماي بعنابة

بصح ختي امينةتقدري تاكليها مرة وحدة ...فقط بشوية شجاعة و مثابرة و تدريب متواصل

و احتمالات اصابة الفم بإعوجاجات تبقى معقولة نوعا ما لكن يجب اخذ الحيطة و الحذر


(متحيز مليار)

الله غالب كنت مشغول مع ال pc تاعي
كي شفت القاطو عالي قلت L'Écran ما راهش مليح

فالاخير عرفت بلي الصورة تاع سكنات عدل ماشي قاطو

ههههه
هي صح تشبه لسكنات عدل و لكن حسب المقادير تبدوا متقنة جدا المعايية مش ضابطة برك