نحكيلك يا بنتي سادس حكاية.....🌿بوفكران و مرتو لجرانة🌿
23-06-2015, 08:27 PM
صح فكوركم و ربي يتقبل صيامكم
اليوم نحكيلكم سادش حكاية
و ماتضحكوش عليا المهم شاركت معاكم
.gif "10")
بسم الله بدينا وعلى النبي صلينا
ياسادة ويا مَادَة خذينا طريق السعادة .... ولقينا سبع تفاحات قسمناهم وحدة وحدة مَاقـْمـَحـْنـَا غير
الشيطان
كان بابا بُوفكْرانْ قَاعدْ عْلى الزابْلان وْ شادّ الْحابْلانْ لا حْشيش لا ماقْران ْ ( ثلاث نقاط فوق القاف ) .
جازْ عْليه السّرْدوك، قالوا : واشْ بيكْ أَ بابا بُوفكْرانْ قَاعَدْ عْلى الزابْلان وْ شادّ الْحابْلانْ لا حْشيش لا ماقْران ْ ؟
قالّوا بابا بوفكران : راحْلي غْزالِي وْ ما وَلَّالي يَا دْرَاكْ يَا السَّرْدوك وَ تْروحْ تْجيبْهالي .
راح السردوك ......... قُوقُوقُوشْ ......... قُوقُوقُوشْ......... قُوقُوقُوشْ
طَبْ طَبْ طَبْ طَابْ
قَالَتْ لَجْرَانة لْغَضْبَانة : شْكُونْ آوْ يْطبْطَبْ عْلَى مُولَاتْ لْحَجْبة فَالدَّارْ ؟
قالْها السردوك : أنا السردوك بَالْعْيُونْ لَمْدَبْلة وَ لْبْرانَسْ لَمْخَبْلَة .
قالَتْلو لجرانة : لُو كانْ جِيتء السردوك بالعيون المدبلة و البرانس المخبلة مَا تَرْبَشْ فَالْمْزَبْلَة .
راحْ السردوك يمشي و يبكي .
زاد جات الجاجة و شافت السردوك زادت قالتلو : واشْ بيكْ أَ بابا بُوفكْرانْ قَاعَدْ عْلى الزابْلان وْ شادّ الْحابْلانْ لا حْشيش لا ماقْران ْ ؟
قالّها بوفكران : راحْلي غْزالِي وْ ما وَلَّالي يَا دْرَاكْ يَا الْجاجة وَ تْروحِي تْجِيبِيهالي.
راحتْ الْجاجة .............. قُوقْ.............. قُوقْ.............. قُوقْ
طَبْ طَبْ طَبْ طَابْ
قَالَتْ لَجْرَانة : شْكُونْ آوْ يْطبْطَبْ عْلَيَّ وَ عْلَى وْلِيدَاتِي ؟
قالت الجاجة : آنا الجاجة بَنْتْ الجاجة سُوجِي يَا الْعَوَّاجَة .
قالْتَلها لجرانة : لُو كَانْ جِيتِي الجاجة بنت الجاجة مَا يَدِّيوَكْ لَسُّوقْ يْحَطُّولَكْ ......... مَلْفُوقْ وْ رَاسَكْ مَلُّوطْ وْ يَقْضِيوْ بِيكْ الْحَاجَة .
راحت الجاجة تبكي .
زاد جا لَحْصَانْ شاف بوفكران زاد قالو : واشْ بيكْ أَ بابا بُوفكْرانْ قَاعَدْ عْلى الزابْلان وْ شادّ الْحابْلانْ لا حْشيش لا ماقْران ْ ؟
قالّو بوفكران : راحْلي غْزالِي وْ ما وَلَّالي يَا دْرَاكْ يَا لحصان و تروح تْجِيبِيهالي.
راح لحصان.... طْرَكْ طْرَكْ طْرَكْ طْرَكْ
طَبْ طَبْ طَبْ طَابْ
قالت لجرانة : شكون آو يطبطب على مولات الحجبة فالدار ؟
قالها لحصان : أنا لحصان بَنْ لحصان نَرْكَطْ فَالسبعَ وْطانْ أَرْجَعْ يا بَنْتْ مْبَارَكْ لَدَّارْ اَخْزِي الشِّيطانْ .
لجرانة ما لقات واش تقول للحصان ................. راحت كَحْلَتْ عْوِينَتْهَا وْ سَوْكَتْ شْوِيرْبَتْهَا ................. وْ ركْبت فُوقْ لحصان ................. وْ فالطريق تغني و تْقول : يَدِّي فا لْجَامْ وْرَجْلِي فا رْكابْ ............ وْ بوفكران يقولها : آآآتْكَرْبَصْ ............ آآآتْكَرْبَصْ
جازْ عْليه السّرْدوك، قالوا : واشْ بيكْ أَ بابا بُوفكْرانْ قَاعَدْ عْلى الزابْلان وْ شادّ الْحابْلانْ لا حْشيش لا ماقْران ْ ؟
قالّوا بابا بوفكران : راحْلي غْزالِي وْ ما وَلَّالي يَا دْرَاكْ يَا السَّرْدوك وَ تْروحْ تْجيبْهالي .
راح السردوك ......... قُوقُوقُوشْ ......... قُوقُوقُوشْ......... قُوقُوقُوشْ
طَبْ طَبْ طَبْ طَابْ
قَالَتْ لَجْرَانة لْغَضْبَانة : شْكُونْ آوْ يْطبْطَبْ عْلَى مُولَاتْ لْحَجْبة فَالدَّارْ ؟
قالْها السردوك : أنا السردوك بَالْعْيُونْ لَمْدَبْلة وَ لْبْرانَسْ لَمْخَبْلَة .
قالَتْلو لجرانة : لُو كانْ جِيتء السردوك بالعيون المدبلة و البرانس المخبلة مَا تَرْبَشْ فَالْمْزَبْلَة .
راحْ السردوك يمشي و يبكي .
زاد جات الجاجة و شافت السردوك زادت قالتلو : واشْ بيكْ أَ بابا بُوفكْرانْ قَاعَدْ عْلى الزابْلان وْ شادّ الْحابْلانْ لا حْشيش لا ماقْران ْ ؟
قالّها بوفكران : راحْلي غْزالِي وْ ما وَلَّالي يَا دْرَاكْ يَا الْجاجة وَ تْروحِي تْجِيبِيهالي.
راحتْ الْجاجة .............. قُوقْ.............. قُوقْ.............. قُوقْ
طَبْ طَبْ طَبْ طَابْ
قَالَتْ لَجْرَانة : شْكُونْ آوْ يْطبْطَبْ عْلَيَّ وَ عْلَى وْلِيدَاتِي ؟
قالت الجاجة : آنا الجاجة بَنْتْ الجاجة سُوجِي يَا الْعَوَّاجَة .
قالْتَلها لجرانة : لُو كَانْ جِيتِي الجاجة بنت الجاجة مَا يَدِّيوَكْ لَسُّوقْ يْحَطُّولَكْ ......... مَلْفُوقْ وْ رَاسَكْ مَلُّوطْ وْ يَقْضِيوْ بِيكْ الْحَاجَة .
راحت الجاجة تبكي .
زاد جا لَحْصَانْ شاف بوفكران زاد قالو : واشْ بيكْ أَ بابا بُوفكْرانْ قَاعَدْ عْلى الزابْلان وْ شادّ الْحابْلانْ لا حْشيش لا ماقْران ْ ؟
قالّو بوفكران : راحْلي غْزالِي وْ ما وَلَّالي يَا دْرَاكْ يَا لحصان و تروح تْجِيبِيهالي.
راح لحصان.... طْرَكْ طْرَكْ طْرَكْ طْرَكْ
طَبْ طَبْ طَبْ طَابْ
قالت لجرانة : شكون آو يطبطب على مولات الحجبة فالدار ؟
قالها لحصان : أنا لحصان بَنْ لحصان نَرْكَطْ فَالسبعَ وْطانْ أَرْجَعْ يا بَنْتْ مْبَارَكْ لَدَّارْ اَخْزِي الشِّيطانْ .
لجرانة ما لقات واش تقول للحصان ................. راحت كَحْلَتْ عْوِينَتْهَا وْ سَوْكَتْ شْوِيرْبَتْهَا ................. وْ ركْبت فُوقْ لحصان ................. وْ فالطريق تغني و تْقول : يَدِّي فا لْجَامْ وْرَجْلِي فا رْكابْ ............ وْ بوفكران يقولها : آآآتْكَرْبَصْ ............ آآآتْكَرْبَصْ
انتهت الحكاية
.gif "8")
[/CENTER][/QUOTE]
.gif "16")
.gif "17")
