الحب وماراه داير في العباد
26-03-2013, 04:24 PM
الحب وماراه داير في العباد
رجعنا نسمعو على الحب في كل مكان
وكثرت عنو خواطر وأشعار
ونساو أنه رانا في زمن القيل والقال
ياخويا علاش راك تخدع في روحك
وتقول غير هي ناويها للحلال
ويا أختي واش داك تفتحي قلبك ليمن كان
هو صح راجل مايعيبوالزمان
وانت طفلة طحتي في فخ واش يخرجك منو الآن
والغريب انو لي نسقسيوه يقولك هذا حب وعشق عميان
قالك مانرقد حتى نسمعها وقلبه يبدى يدق وما يهناله بال
ويخمم فيها في أي وقت وينسى واش كان رايح يخدم
ويحب يعيطلها في الحين ويعرف أخبارها ومعامن حكات طول النهار
وهي قالت البال مشغول كامل اليوم ماعيط ماخلى حتى ميساج
هدا واش بيه واش صرالو ودخلها الشك الآن
أنه يمكن بدلها مع فتاة الاحلام
ياو فيقووووووووو قبل ما يطيح الفاس بالراس
وتنقلب عليكم ندم وعصيان
ياولد الناس رانا نسمعو العجب العجاب
بزاف اتزوجو وطلقو مافاتوش العام
وكاين وحدخرين حرموهم من الهاتف النقال
قالك يمكن تخدعني مع راجل ملياردار
وانهزت الثقة بينهم لاثنان
وبزاف شافتهم العينين اليد في اليد في كل مكان
ويروحو يزهاو وكلام الحب في التيليفون مالو حساب
وبعد الزواج حبسها بين اربع حيطان
وقالها نشوفك مع تاقة اليوم نهارك نهار
امالا من درك نقولك
ياخويا توب واستغفر ونضمنلك انو أزمة وتروح مع مرور الايام
ياأختي توبي قبل ماينداس شرفك وتنزل قيمتك من عين الرجال
علابالي انو فترة المراهقة رايحة تخليكم تعانيو طول الزمان
لكن الشيء الأكيد انه الحب يجي بعد الزواج كي تلقى بنت الحلال
ولا تلقاي ولد الحلال
تمة تفتخر يا إنسان وتقول ربي ارضى علينا الآن
بقلمي سامية
