تسجيل الدخول

وليد الشايب=
هاذي كانت وصية بابا
راني حاطها على العين والراس
كيما قال لعباد ذيابا
وعندوا الحق فرايوا على الناس
اما حياتي عشتها فرحان
تزوجت واسست عايلة
نتفكر الوالدين ونمد لولادي لحنان
يامات الصغر ذكرى هايلة
كان بابا فيها يبان
راجل قوي صحتوا طايلة
وقلبوا يخببي الوحش والاحزان
ونهار الصحة ولات زايلة
فهمت وش كان مخبي الزمان
بصح صفاتي لبابا مايلة
وليدي ثان ولا راجل
حبيتوا يجيب بنت لحلال
راني متمني فزواجوا يعجل
ومايديش لي تحب الدلال
راني مستني يزورني الاجل
ونفارق النجوم والهلال
ونتفكر بابا بالمنجل
ينحي القصب ويما تخدم سلال
فآخر لحظة عرفت بلي بابا المثال
وصايتوا كانت مفهومة
بصح ماستوعبهاش البال
عاش آخر ياماتوا المهمومة
وهو يستنا مني الفال

ربي كتبهانا هكذا

مانقدروش نغيرومحال

وكيما مكتبش لبابا يشوفك يا وليدي

انا ثان ماكتبليش نشوف حفيدي

وصيتي مع وصية بابا وحدة

ما عندي ما نغير فيها

ياوليدي نتايل وردة

تذبل نهار الشيب يغطيها

مي ضك راني فرحان وحلاتلي القعدة

كي ربي حايرزقك بطفلة اتهلافيها

ونهار الدير عليها وعدة

تفكر وصايتي وفهم معانيها

الوصايا هاذي لازم تتبدل

وتحكي على حاجات جدد

مفهومها لازم يتعدل

بصح المغزى دايمن يقعد

انا كبرت وغطاني الشيب

بصح هذا ماشي عيب

لبحر فارقني فيه بابا

وانا خيرت الغابة

الدموع لي طاحوا من عينيا

ماشي خوف مالموت

بكيت فيهم وشكرت والديا

لي جابوني الحياة


يشهد على موتي الذيابا
كيما شهد على بابا الحوت
ياوليدي نعطيك اخر وصايا
عشت حياتي مع والديا
غلطت معاهم بزاف
وندمت كي ماطلبتش السماح
عليها حياتي عشتها زعاف
لوكان تصحح غلطة صغيرة ترتاح
وهاذ لكلام حاتسمعوا من عند الناس لملاح
تمت بقلمي "وسام مختاري"

محاةلة جميلة
الله يبارك

وفيك بارك اللهشكرا اخي على مرورك العطر

راقني حرفك فقط لو تحرري قلمك من القافية وقيودها