حوار صديقتين
07-05-2016, 10:52 AM
- مرحبا ليلى
- امووووونتي لباس؟ .. شفتي الفيديو اللي بعثتو ليك ؟! يهبلللل.. لازم لازم لازم تشوفيه!!
- ليلى.. قبل الفيديو.. كاين حاجة مهمة لازم نحكيلك عليها.. لكن يعني حاولي تقرأيها بحسن نية وتفهم.. لأني ديما نفكر فيها من فترة طويلة.. وتعبت بزاااف وأنا نرتب و نوزن في كلامي باش يطلع بألطف صورة ممكنة .. الان أنا وإنتي صاحبات عندنا مدة .. من أيام الإبتدائي.. و فوتنا أيام تهبل.. وأنا نحبك ونحترمك وعمرك ما آذيتيني .. بصح يعني .. من جديد صرت ألاحظ إنه ليس بيننا العديد من المواضيع المشتركة.. وبشكل أوضح.. المواضيع اللي انتي تهتمي فيها ما تجذبنيش.. والمواضيع اللي أنا نهتم بيها ما تجذبكش.. يعني ليلى بكل صراحة وبلا زعل وبلا زعاف.. نحسك سخيفة بزاف.. حابة هك نحكي معاك مرة بشئ جدي وتناقشيني فيه .. حابة ناقش معاك موقف أو فيلم أو حتى أغنية.. باغية نشعر إنه عندك رأي في شيئ ما.. سطحيتك رح تقتلني.. وكأنو دقيقة واحدة برك من التفكير- اتعبك.. لهذا تهربي من إنك تفكري بأي شيئ.. وكل مرة نحاول فيها إني نشوف شيئ يهمك.. ما نلقاش محال.. خيبات أمل وحدة ورا التانية.. وحتى كي نبعث حاجة عاجبتني بزاف، تكون ردودك عليها أسوأ نوع.. النوع المستفز .. هادا إذا شوفيها اصلا..
وما ننكرش إنه بكري كنت نحسك دمك خفيف و ناس ملاح. بصح ضرك وليت نشوفيك غير إنك سخيفة.. وأصبح الموضوع يذايقني كثيراً.. يعني كي نشوف منى و ياسمين يحكوا والله نفرح معاهم .. ماهومش فلاسفة ولا معقدين .. لكن عندهم شيئ.. عندهم شوية فكر.. وليت نغار منهم ومن كلامهم.. وكنت نتمنى نكون أنا وإنتي هك.. بصح معاك قاعدة نحس غير بالتفاهة.. إن شالله ما تقلقيش مني.. بصح أنا مضطرة نحكيلك بصراحة لأنني والله تعبت وأنا نمثل عليك.. وتعبت وأنا نحاول نشوف حاجة فيك تضيف لشخصيتي أو تخليني إنسانة أحسن.. بالعكس, كل ما نحكي معاك نحس روحي ننقص مش نزيد - وبنفس الوقت حاسة بالذنب اذا بطلنا ما وليناش صاحبات-.. بصح خلاص ماعدتش قادرة والله.. أنا نستاهل ناس أحسن في حياتي.. وانتي ثاني.
- امووونتي ! انتي متوقعة مني اني نقرأ الجريدة هاذي كل؟ أعطيني الملخص..
- ملخص؟............. الملخص إنو نحبك.. هادا الملخص..
- ييييي.. وأنا ثاني امووونتي.. ما حلاك .. شفتي الفيديو؟ شوفييييييييه.. روعة!! قريب مت بالضحك!! وما تنسيش تشوفي الإنستجرام.. هبططت صور تهبل !!!!
- امووووونتي لباس؟ .. شفتي الفيديو اللي بعثتو ليك ؟! يهبلللل.. لازم لازم لازم تشوفيه!!
- ليلى.. قبل الفيديو.. كاين حاجة مهمة لازم نحكيلك عليها.. لكن يعني حاولي تقرأيها بحسن نية وتفهم.. لأني ديما نفكر فيها من فترة طويلة.. وتعبت بزاااف وأنا نرتب و نوزن في كلامي باش يطلع بألطف صورة ممكنة .. الان أنا وإنتي صاحبات عندنا مدة .. من أيام الإبتدائي.. و فوتنا أيام تهبل.. وأنا نحبك ونحترمك وعمرك ما آذيتيني .. بصح يعني .. من جديد صرت ألاحظ إنه ليس بيننا العديد من المواضيع المشتركة.. وبشكل أوضح.. المواضيع اللي انتي تهتمي فيها ما تجذبنيش.. والمواضيع اللي أنا نهتم بيها ما تجذبكش.. يعني ليلى بكل صراحة وبلا زعل وبلا زعاف.. نحسك سخيفة بزاف.. حابة هك نحكي معاك مرة بشئ جدي وتناقشيني فيه .. حابة ناقش معاك موقف أو فيلم أو حتى أغنية.. باغية نشعر إنه عندك رأي في شيئ ما.. سطحيتك رح تقتلني.. وكأنو دقيقة واحدة برك من التفكير- اتعبك.. لهذا تهربي من إنك تفكري بأي شيئ.. وكل مرة نحاول فيها إني نشوف شيئ يهمك.. ما نلقاش محال.. خيبات أمل وحدة ورا التانية.. وحتى كي نبعث حاجة عاجبتني بزاف، تكون ردودك عليها أسوأ نوع.. النوع المستفز .. هادا إذا شوفيها اصلا..
وما ننكرش إنه بكري كنت نحسك دمك خفيف و ناس ملاح. بصح ضرك وليت نشوفيك غير إنك سخيفة.. وأصبح الموضوع يذايقني كثيراً.. يعني كي نشوف منى و ياسمين يحكوا والله نفرح معاهم .. ماهومش فلاسفة ولا معقدين .. لكن عندهم شيئ.. عندهم شوية فكر.. وليت نغار منهم ومن كلامهم.. وكنت نتمنى نكون أنا وإنتي هك.. بصح معاك قاعدة نحس غير بالتفاهة.. إن شالله ما تقلقيش مني.. بصح أنا مضطرة نحكيلك بصراحة لأنني والله تعبت وأنا نمثل عليك.. وتعبت وأنا نحاول نشوف حاجة فيك تضيف لشخصيتي أو تخليني إنسانة أحسن.. بالعكس, كل ما نحكي معاك نحس روحي ننقص مش نزيد - وبنفس الوقت حاسة بالذنب اذا بطلنا ما وليناش صاحبات-.. بصح خلاص ماعدتش قادرة والله.. أنا نستاهل ناس أحسن في حياتي.. وانتي ثاني.
- امووونتي ! انتي متوقعة مني اني نقرأ الجريدة هاذي كل؟ أعطيني الملخص..
- ملخص؟............. الملخص إنو نحبك.. هادا الملخص..
- ييييي.. وأنا ثاني امووونتي.. ما حلاك .. شفتي الفيديو؟ شوفييييييييه.. روعة!! قريب مت بالضحك!! وما تنسيش تشوفي الإنستجرام.. هبططت صور تهبل !!!!
