تسجيل الدخول

نوصيك ياقلبي مايزيدو يغروك تاني انسا الحب وناسو وخمم تعيش هاني الجرح مبراش وعذابك غربت عليه الشمس ومطلعتش ساعفني التخمام مينفعش نساو بلي الدنيا فانية وبلي لالا مكانش فرصة ثانية
مفهمتش ايلا نيتهم صافية ولا ف الخدع طامعة
نوصيك ياقلبي مايغرك الزمان وياماتو ياك حتي الحب النياا دارت عليه وخلاتو
نوصيك ياقلبي غمد عبنيك على الجرحا ونساها مترجعش للور ويلا غراتك اعميها
نوصيك ياقلبي ماتندمش على لي فات وحسبوا خسارة ياك تعلمت وفهمت بلي كثرو فيه الغدارة
.
.
.
.

ياك ذقت حلاوة الدنيا وباش تتعلم لازم تذوق مرارتها
في وقتنا لي يحب يحب بنيتو كي يجي يحب يلقا نيتو واقفة ضدوا كي تجي تحوس تفهم تفهم بلي مراك فاهم والو
نوصيك ياقلبي متخافش ياك بين الحجرة والحجرة تنبت الزهرة ومابين العسر والعسر كاين اليسر
يجي نهار وتفيق وتفهم بلي القلب لي كواك هو نفسو لي غواك تفيق بلي القلب لي حبك هو نفسو لي غرك
علابالي ياقلبي علابالي ياقلبي راك حاس روحك مسجون و ف الليل مايجيك النوم علابالي راك تعاني بصح قول وعاود كي ننسا الهم ينساني قول وعاود هاذ الشى درتو بيديا ماحبيتش نشوف الحق وغمدت عينيا علابالي ياقلبي كنت خايف خايف تكشف الحق وحبهم وتولي عايف
علابالي ياقلبي مراكش قادر تامن بلي نكرو العشرة ونساو ديك اللمة
نساو يمات الزينة ونساو الخير والمعاونة
امنو في كلمة الفراق وداروها عنوان لحكايتنا
.
.
.
.

نورسين ....تكتب شعرا !!!!!!!!
تواصلي وواصلي ...وبالتوفيق

نساو بلي كما تدين تدان وبلي تخرجنا نيتنا
متندمش ياقلبي راك لحقت الوقت وين ماتنفعش الندامة
كل محنة تزيد لراس عقل ومرايحا تزيدلك غير فهامة
متندمش ياقلبي كلامهم يديه الريح وانت بنيتك وحبك الصافي تبقا تصيح
علابالي مراكش فاهم ايلا الدنيا ولات صعيبة ولا الناس على النيا بعيدا
مراكش فاهم ايلا انت لي كنت صاريح وماخممتش تكون قبيح
مراكش فاهم ايلا عماك الحب وغرامو ولا المعشوق غواك بكلامو
همك راه يضحك فيك وعندك الحق ماتخافش ياقلبي من الغفلة راح تفيق
حسبو غير هوما لي يحلو الباب ونساو بلي كاين ربي والكفن مافيه جياب
الدنيا قصيرة وخص لي يعرفلها ويخرج منها بلا عود مدام عايش فيها
نوصيك ياقلبي ماتعيش ندمان وتفرح فيك العديان

كيما كان الحال حياتك راح تزيان
نوصيك ياقلبي اطوي صفحة هاذ الكتاب وبدا صفحة ثانية
ابدا حياة جديدة تكون فيها روحك هانية

نوصيك ياقلبي دير عنوان اسمو : كل حاجة فانية

بيزار هههههه منور عمو

السَّلامُ علَــــيكُم
باسم الله ماشاء الله ’ كلمات تستحق القراءة والتمعن في أسطرها وماتحمله من معاني ونصح وارشاد وحكم قد تخفي على الكثيرين .
أراه متصفح يستحق الزيارة في كل مرة لأن الكلمات التي به تنبع من القلب وما كان من القلب يدخل دون استئذان الى القلب ، فالصدق له طعم خاص وأنا ألتمسه في شعرك ، لست أجامل ولكنها الحقيقة وكل من مرة من هنا وقرأ هذا الطرح سيوافقني الرأي ... كل ما أقول ولن أفي .
سأكون باذن الله تعالى في المتابعة والمشاركة لهذا القلم الذهبي الذي تحملينه ، اعتني جيدًا به وواصلي وفقك الرحمن ، لن أنساك من صالح الدعاء ,ربي معاك يا حبيبة قلبي أنت مدرسة في الحياة ، ومدرسة في الصبر
بوركت وبورك قلمك


أسْتَغْفِرُ الله وأتُوبُ اليْه

اقتباس:

بين الحجرة والحجرة تنبت الزهرة ومابين العسر والعسر كاين اليسر

كلمات بسيطة ذات معنى عميق
يعطيك الصحة شاعرتنا نورسين

ياعمري حشمتيني ربي يخليك ليا حبيبتي جود

منوووورة ياقمر