الشَّاعر – محمد بن علي المسفيوِي- *خَدُّوجْ
01-11-2016, 10:37 PM
الشَّاعر – محمد بن علي المسفيوِي- *خَدُّوجْ
الخمَاسة-
قَالْ لِيكُمْ طِيعُوا لَبْنَاتْ * بُو دْلالْ العَدْرَة سُلْطانَتْ النّْسَا خَدِيجَة * لَلاَّ مُولاَتِي خَدُّوجْ
---------------------------------------------------------
كَفْ لُومَكْ وَ انْسَى مَافَاتْ * يَا الدَّاخَلْ سُوقْ الغِيوَانْ زَدْلَكْ تَهْيِيجَة *
ولاَ اوْجَدْتْ لسْبِيلَكْ اخْرُوجْ
مَا اسْقَاكْ الحُبْ ابْطَاسَاتْ * مَا انْزَلْ فِي ذَاتَكْ بَالسْيُوفْ مَاضِيَة وَ اوْدِيجَة *
مَا ابْقِيتِي مَنُّه مَزْعُوجْ
مَا سْكَنْ لَكْ فِي قَلْبْ الذَاتْ * مَا اتْرَكْ جَمْرُه وَسْطْ اعْضَاكْ قَادْيَا وَ ادْجِيجَا *
عَادْ بِيهَا عًقْلَكْ مَدْجُوجْ
لُو انْظَرْتِي مَثْلِي خُودَاتْ * دَايْرِينْ ابْوَلْفِي وَ الرِّيمْ بَاهِيَة وَ ابْهِيجَة *
اتْقُولْ بالسَانَكْ عَلَّفْجُوجْ
سَبَّتْ انْجَالِي يُومْ اشْفَاتْ * فِي جَمَالْ لاَ مَثْلُو رِيتْ فِي ابْطَاحْ اخْلِيجَة *
وَ لاَ انْظَرْتْ بْحَالُو فِي عْلُوجْ
جَالْسَا مَا بِينْ الحَرْجَاتْ * بَالْوَتَارْ وَ الألَة وَ كْوَابْ المُدَامْ اسْرِيجَا *
اتْرَادْفْ عَلِيَا زُوجْ ابْزُوجْ
قُلَتْ ذَاتِي بَبْهَاكْ افْنَاتْ * يَا العَدْرَة كُبِي كَاسِي انَّالْ بِيهْ انْسِيجَة *
نَرْشَفُه مِنَ الرِيقْ المَمْزُوجْ
ثَمَّ وَلْفِي بالعَزْمْ ادْوَاتْ * قَامَتُو تَفْدِينِي وَ الضُّرْ امْحَاسْنُه لُوهِيجَا *
فِي بَدِيعْ الحُسْنْ المَنْسُوجْ
قُلْتْ قَدَّكْ نَعْتْ الرَّيَاتْ * كَا عْلاَمْ النُصْرَا وَ اثْيُوثْ خَالْسَا وَ ارْبِيجَا *
رَاخْفَا عَلَى لَوْرَاكْ اتْمُوجْ
الغُرَّة علَى الجِينْ اضْوَاتْ * وَ الحُوَجَبْ نُونِينْ انْبَاوْ فِي اسْطُورْ انْسِيجَة *
أوْ قُوْصْ انْبَا عَلى لَخْرُوجْ
وَ اشْفَارْ امْثِيلْ الحَرْبَاتْ * أوْ مَثْلْ البَانْ فِي لَمْهَاجْ زَايْدَا تَهْيِيجَة
كَا مْثِيلْ لجْعَابْ يُومْ اخْرُوجْ
وَ الخُدُودْ عْلِيهُمْ وَرْدَاتْ * وَ المَعْطَسْ سُوسَانْ انْسَايْمُه اضْحَاتْ انْفِيجَا
صَانْتُه شُجْعَانْ مَنْ لَزْنُوجْ
وَ المْرَاشَفْ نَحْكِي شَهْدَاتْ * وَ الثّْغَارْ اجْوَاهَرْ فِي وَسْطَهُمْ رِيتْ افْلِيجَة
جِيدْ نَحْكِي جِيدْ العَمْهُوجْ
رِيقْ يَا مَحْلاَهْ ابْرَشْفَاتْ * وَ الضّْعُودْ اصْوَرَمْ تَفْجِي اقْوَامْ يُومْ الهِيجَا
مَنْهُمْ العَاشَقْ مَخْلُوجْ
وَ اصْبَاعْ قْلُمَة وَافَاتْ * وَ النُّهُودْ اتْفَافَحْ فِي الكَفْ رَايْمَا وَ ادْبِيجَا
وَ البطَنْ شَقَّا دُونْ اهْرُوجْ
وَالرّْدَافْ مَنْ تَحْتْ الطِّيَاتْ * تَحْتْ صُرَّة مَا بِينْ اثْيَابْ بَالجَمَالْ ابْلِيجَا
وَ الفْخَاضْ اسْمَاكْ عَلَى مُوجْ
القْدَامْ امْثِيلْ اخْدَلْجَاتْ * بَالحْنَانِي لَبْسَاطِي جَاتْ رَايْقَة وَ ادْرِيجَا
تَحْتْ ذَاكْ السَّاقْ المَدْرُوجْ
لاَبْسَا مَنْ نَقْشْ الحُلاَّتْ * فِي ارْيَضِي مَا بِينْ اصْوَارْ مَنْعَة وَ ارْتِيجَا
وَ الرَّقِيبْ ابْهَجْرَكْ مَرْهُوجْ
لِيكْ نَهْدِي نَظْمِي تَبْيَاتْ * وَ السَّلاَمْ انْهِيبُه بَازْهَارْ عابْقَة وَ اطْهِيجَة
مَالكَاتْ انْسَايَمْ فِي احْرُوجْ
يَا الحَافَظْ نَظْمِي فِي ابْيَاتْ * بَيَّنْ اسْمِي لَلِّي فِيَا ايْسَالْ لاَ تَعْوِيجَة
بَنْ عَلِي المَسْفِيوِي عَمْهُوجْ
قَال لِيكُمْ طِيعُو لَبْنَاتْ * بُو دْلاَلْ العَدْرَة سُلْطَانَتْ النّْسَا خَدِيجَة
لاَلَّة مُولاَتِي خَدُّوجْ
تَمت- بفَضل من الله
مواضيع العضو مشاركات العضو
من مواضيعي 0 يَا مالكي اعفو
0 تَبْكِي عَلَى ابْكَايَا
0 الحب رحمة
0 اللهُم صَلِّ علَى الحَبِيبْ
0 اللهُم صَلِّ علَى الحَبِيبْ
0 أهْ مَنْ غَدْرْ اللِّي حْسَبْتُه حْبِيبْ
التعديل الأخير تم بواسطة محمد سعيد ريال ; 01-11-2016 الساعة 11:54 PM