يا سهلا بهاذ القمر عليا طل *بقلمي*
13-03-2016, 07:42 PM
يا سهلا بهاذ الڤمرعليا طل ****بدر النصفية لكامل في لوصاف
يامحلا ذيك السمايم كي لعسل****نسبتها عربي مأصل من لشراف
مڤواه الا كان عقلي راه اشل****من شوفتها يا لخاوة عدت نخاف
هاذ الآية في زينها لا يتمثل****وداروها لجيال محاجية بالتخراف
من نظرتها شحال من قايد ذل****ومن طولتها يروح متلف تتلاف
ما فيهاش عيوب شينة ما تتمل****ما تلقى فيها نقيصة لا تڤصاف
مربوعة فالڤد أخفيفة فالضل****مسبوكة لڤداد عريضة في لكتاف
فاطولة نخلة ما تتعبربآنخل****دڤلة نور اللي موكل للتضياف
فالبنة عسلة الذايڤها يحصل****عسل النحلة ليمربي في لرياف
يا لايمني طارلها۪ ڤلبي و نزل****لابى يرجع لي معها دار حلاف
مڤواه الا كان جسدي راه هزل****و يونسني خيالها عني طواف
يا سايلني في هواها لا تسأل****لاتهوض لجراح زادوني تضعاف
ڤالوا ما تعيا متبعها وتزل**** ساعفنا خليك من هاذ التعياف
ڤلت لهم مانطيڤ ننساها بسهل****ما هو رايي راه ذالڤلب السياف
حاتمني لرموز صعبة ما تتحل****عييت نطاوع فيه حسبتو عراف
مانقدرش نڤول هاذ الڤلب هبل****وعاد يهاذي في كلامو بتخلاف
يا خوتي عقلي تلى عنو وسّل****لامن ينصرني ولا من عني ناف
يا وخذي شيان حالي و تبهدل****و تقير لوني على ضريفة لخفاف
يا سبحان الله سيدي وش يعمل****في خلقو عجب دار لها تنحاف
ذا ما راد الله في صنعو يفعل****و جعل لي للڤلب وناسة تتضاف
فتنت لي عقلي و الفكر تخبل****مڤواه مديسي و كثرت لو لصناف
شعرقرابي كظلمة طاح سبل****ع جبهة قنديل فوڤو دار حڤاف
الحاجب و العين مليانة بكحل****و الشنوفة طابعتهم في التخناف
شفايف و خدود بنعمان وفل**** المبسم مصموت يحلف فالشواف
الرڤبة صاري الما منو طل****طبعوها ذوك السوالف نعت لحاف
صدرك طحطاحة للفارس ينزل****موالف للعودات فالركبة خطاف
قرسولو تفاح للخاوي موكل****و يحاذر روحو خوف من المنداف
الجوف المطوي عندك كتوصل****سوكى بلاك تتقر بلــــرداف
راحة في المكان بلاك طول****قصب في الزورة خليها تخفاف
المورد معروف فيه الما يجمل****من شربة وحدة يملي بالقراف
يا تمحاني منين يروى يتعدل****ما يتمل شراب ماها ما يتعاف
صانع متمكن فصنعومتماهل****طاعت لوعلوم يحرفها تحراف
عذروني لاكان فوصفي ندقل****هاذ الڤمرة شوفها محنة و زعاف
من نشوتها في هلاكي متعلل****خلوني في حالتي نا عقلي صاف
هذا حال العاشق ديمة متبهدل****حليلو مسكين راه عندو ماشاف
يا عاقل لاتلوم مسجون مسلسل****فيغرام أم بريم نوارة لعطاف
قاضيها نفاني في حكمو عول****وڤسى عني راه درباني من كاف
أرماني في برور نعيا ما نوصل****ڤُطعات آبعاد كودة ع الخواف
يا مضنوني من آقدى ليهم يهمل****على شوفات العين يتلفهم تتلاف
الله لالي شيهان عربي و مأصل****في الفزة بارود يزرف تزراف
أدهم حامق ليلي في لونو يشعل****و الحافر نحاس يلهد فالتقراف
سرجو فيلالي في صنعو يكمل****مطروزمذهب من شغلت حرّاف
من راس العين ميرادوما نغفل****و عودي في شراب الما عياف
مخلط قوتو من الصحرا والتل****وعوينومقلوث من خيار التعلاف
ياعودي ذانهارك فالسيرة تعجل****فالفهوة يطوي الويدان و لجقاف
و البدة ربيع نوارها يخبل****و الدّير المسبوك ع البادرة لحاف
ركابو قنديل عالخف آمسهل****لشبورو نجام في الرشخة يحراف
يرجعني لوكار ولفي يا راجل****يفاجي لــهموم حاملها و زعاف
في رمشة ملعين بيا نا يوصل****نتمسى في برمــڤدودة لطــراف
وحش العارم قا من شوفتها نذبل****و يريح ڤلبي من قبنو يخفاف
يرجع دمع العين الوادو يحمل****آتنور لفصول و يزهارو لعراف
نزهى نــا وخليلتي فرحة وطبل****و نديرو وعدة آشنانة و آتلاف
و طلبك يا ربي ذ الفرحة تكمل****و تسڤم آيام لمحبة ما تعنـــاف
وآهلي و حبابي و الناس آكُـل****العلفة والبارود وخيالة بآجحاف
تمت بقلميmedcherif03
يامحلا ذيك السمايم كي لعسل****نسبتها عربي مأصل من لشراف
مڤواه الا كان عقلي راه اشل****من شوفتها يا لخاوة عدت نخاف
هاذ الآية في زينها لا يتمثل****وداروها لجيال محاجية بالتخراف
من نظرتها شحال من قايد ذل****ومن طولتها يروح متلف تتلاف
ما فيهاش عيوب شينة ما تتمل****ما تلقى فيها نقيصة لا تڤصاف
مربوعة فالڤد أخفيفة فالضل****مسبوكة لڤداد عريضة في لكتاف
فاطولة نخلة ما تتعبربآنخل****دڤلة نور اللي موكل للتضياف
فالبنة عسلة الذايڤها يحصل****عسل النحلة ليمربي في لرياف
يا لايمني طارلها۪ ڤلبي و نزل****لابى يرجع لي معها دار حلاف
مڤواه الا كان جسدي راه هزل****و يونسني خيالها عني طواف
يا سايلني في هواها لا تسأل****لاتهوض لجراح زادوني تضعاف
ڤالوا ما تعيا متبعها وتزل**** ساعفنا خليك من هاذ التعياف
ڤلت لهم مانطيڤ ننساها بسهل****ما هو رايي راه ذالڤلب السياف
حاتمني لرموز صعبة ما تتحل****عييت نطاوع فيه حسبتو عراف
مانقدرش نڤول هاذ الڤلب هبل****وعاد يهاذي في كلامو بتخلاف
يا خوتي عقلي تلى عنو وسّل****لامن ينصرني ولا من عني ناف
يا وخذي شيان حالي و تبهدل****و تقير لوني على ضريفة لخفاف
يا سبحان الله سيدي وش يعمل****في خلقو عجب دار لها تنحاف
ذا ما راد الله في صنعو يفعل****و جعل لي للڤلب وناسة تتضاف
فتنت لي عقلي و الفكر تخبل****مڤواه مديسي و كثرت لو لصناف
شعرقرابي كظلمة طاح سبل****ع جبهة قنديل فوڤو دار حڤاف
الحاجب و العين مليانة بكحل****و الشنوفة طابعتهم في التخناف
شفايف و خدود بنعمان وفل**** المبسم مصموت يحلف فالشواف
الرڤبة صاري الما منو طل****طبعوها ذوك السوالف نعت لحاف
صدرك طحطاحة للفارس ينزل****موالف للعودات فالركبة خطاف
قرسولو تفاح للخاوي موكل****و يحاذر روحو خوف من المنداف
الجوف المطوي عندك كتوصل****سوكى بلاك تتقر بلــــرداف
راحة في المكان بلاك طول****قصب في الزورة خليها تخفاف
المورد معروف فيه الما يجمل****من شربة وحدة يملي بالقراف
يا تمحاني منين يروى يتعدل****ما يتمل شراب ماها ما يتعاف
صانع متمكن فصنعومتماهل****طاعت لوعلوم يحرفها تحراف
عذروني لاكان فوصفي ندقل****هاذ الڤمرة شوفها محنة و زعاف
من نشوتها في هلاكي متعلل****خلوني في حالتي نا عقلي صاف
هذا حال العاشق ديمة متبهدل****حليلو مسكين راه عندو ماشاف
يا عاقل لاتلوم مسجون مسلسل****فيغرام أم بريم نوارة لعطاف
قاضيها نفاني في حكمو عول****وڤسى عني راه درباني من كاف
أرماني في برور نعيا ما نوصل****ڤُطعات آبعاد كودة ع الخواف
يا مضنوني من آقدى ليهم يهمل****على شوفات العين يتلفهم تتلاف
الله لالي شيهان عربي و مأصل****في الفزة بارود يزرف تزراف
أدهم حامق ليلي في لونو يشعل****و الحافر نحاس يلهد فالتقراف
سرجو فيلالي في صنعو يكمل****مطروزمذهب من شغلت حرّاف
من راس العين ميرادوما نغفل****و عودي في شراب الما عياف
مخلط قوتو من الصحرا والتل****وعوينومقلوث من خيار التعلاف
ياعودي ذانهارك فالسيرة تعجل****فالفهوة يطوي الويدان و لجقاف
و البدة ربيع نوارها يخبل****و الدّير المسبوك ع البادرة لحاف
ركابو قنديل عالخف آمسهل****لشبورو نجام في الرشخة يحراف
يرجعني لوكار ولفي يا راجل****يفاجي لــهموم حاملها و زعاف
في رمشة ملعين بيا نا يوصل****نتمسى في برمــڤدودة لطــراف
وحش العارم قا من شوفتها نذبل****و يريح ڤلبي من قبنو يخفاف
يرجع دمع العين الوادو يحمل****آتنور لفصول و يزهارو لعراف
نزهى نــا وخليلتي فرحة وطبل****و نديرو وعدة آشنانة و آتلاف
و طلبك يا ربي ذ الفرحة تكمل****و تسڤم آيام لمحبة ما تعنـــاف
وآهلي و حبابي و الناس آكُـل****العلفة والبارود وخيالة بآجحاف
تمت بقلميmedcherif03
من مواضيعي
0 سالـــــــــــــــــــــــــــــــــــــــــــــــ ــــــــوني.......بقلمي
0 مانسطيب عيش.....بقلمــــــــــــــــي
0 طيــــــــــــر الهدهد........بقلمــــــــــــــــــــــــــــــــ ــي
0 آنت بهلولة............بقلمــــــــــــي
0 طوفي... طوفي...-بقلمي-
0 يـــــــا بنتي... -بقلمي-
0 مانسطيب عيش.....بقلمــــــــــــــــي
0 طيــــــــــــر الهدهد........بقلمــــــــــــــــــــــــــــــــ ــي
0 آنت بهلولة............بقلمــــــــــــي
0 طوفي... طوفي...-بقلمي-
0 يـــــــا بنتي... -بقلمي-
التعديل الأخير تم بواسطة chawki dz ; 14-09-2017 الساعة 07:17 PM
سبب آخر: تصحيح
