أمثال شعبية جزائرية تستعملها الكنات و العجايز حتى يغيضو بعضهم
03-04-2009, 05:52 PM
السلام عليكم و رحمة الله وبركاته
جبتلكم اليوم بعض الأمثال الشعبية الجزائرية اللي تعتبر اسلحة دمار شامل تستعملها الكنات و العجايز في الحرب العالمية المشتعلة منذ دخول الكنة إلى العجوز و هي تشارشي للكنة كي تكون تخدم فالشغل تاع الدار
( الله لا يخليني لليدين الله يخليني غابة و الناس حطابة )
تاع الصح ما فهمتو والو دوك نشرح
العجوز تقول أدعو الله نبقى بصحتي و ندير شغل الدار وحدي و نعاون الناس ( بصح الكنة هي اللي تدير الشغل )
نجحت العجوز في استفزاز الكنة و راح ترد
( باينة الشقة على حواشيها )
الكنة تقول باينة
العجوز ترد
( أضحك يا فمي على همي )
ههههه العجوز تشكي همها من كنتها
الكنة صح معاك حق
(هم يبكي و هم يضحك)
و تضحك و تقهقه هههههههههههههههههههههههه
العجوز
( يعزيك في راسك الضحك يضحك على الضحك و الضحك يضحك رحعليهم نا لدار المهابل حرنا شكون يدبر عليهم )
تتهمها بالهبال
كي تكمل الكنة شغل الدار تتزين و تخرج باش تنارفي العجوزة
العجوزة ( خصك السواك يا معوجة الحناك)
تقصد تقوللها انتي أصلا لا تصلحي للتزين
و تقابل العجوز المراية و تسيي تسقم روحها
الكنة ( سيدي مليح خصو الهوى و الريح )
عندها معنى كيما الاولى
( اللي فاتو وقتو مايطمع في وقت الغير)
العجوز ( الدنيا بالوجوه و الآخرة بالفعايل)
يدخل الراجل عيان من الخدمة ويلقا المشاكل كل وحدة تحكي حكايتها و يقول جملة واحدة ( كي سيدي كي لالا) يعني زوج وجوه
و انا راح نعلق على الي حصل بين الكنة و العجوز بهذا المثل ( المسلوخة تضحك على المذبوحة و المقطعة شبعت عليهم ضحك ) ههههههههههههههههههههههه
جبتلكم اليوم بعض الأمثال الشعبية الجزائرية اللي تعتبر اسلحة دمار شامل تستعملها الكنات و العجايز في الحرب العالمية المشتعلة منذ دخول الكنة إلى العجوز و هي تشارشي للكنة كي تكون تخدم فالشغل تاع الدار
( الله لا يخليني لليدين الله يخليني غابة و الناس حطابة )
تاع الصح ما فهمتو والو دوك نشرح
العجوز تقول أدعو الله نبقى بصحتي و ندير شغل الدار وحدي و نعاون الناس ( بصح الكنة هي اللي تدير الشغل )
نجحت العجوز في استفزاز الكنة و راح ترد
( باينة الشقة على حواشيها )
الكنة تقول باينة
العجوز ترد
( أضحك يا فمي على همي )
ههههه العجوز تشكي همها من كنتها
الكنة صح معاك حق
(هم يبكي و هم يضحك)
و تضحك و تقهقه هههههههههههههههههههههههه
العجوز
( يعزيك في راسك الضحك يضحك على الضحك و الضحك يضحك رحعليهم نا لدار المهابل حرنا شكون يدبر عليهم )
تتهمها بالهبال
كي تكمل الكنة شغل الدار تتزين و تخرج باش تنارفي العجوزة
العجوزة ( خصك السواك يا معوجة الحناك)
تقصد تقوللها انتي أصلا لا تصلحي للتزين
و تقابل العجوز المراية و تسيي تسقم روحها
الكنة ( سيدي مليح خصو الهوى و الريح )
عندها معنى كيما الاولى
( اللي فاتو وقتو مايطمع في وقت الغير)
العجوز ( الدنيا بالوجوه و الآخرة بالفعايل)
يدخل الراجل عيان من الخدمة ويلقا المشاكل كل وحدة تحكي حكايتها و يقول جملة واحدة ( كي سيدي كي لالا) يعني زوج وجوه
و انا راح نعلق على الي حصل بين الكنة و العجوز بهذا المثل ( المسلوخة تضحك على المذبوحة و المقطعة شبعت عليهم ضحك ) ههههههههههههههههههههههه
ملك الروم