تكملة لحكاية السلطان لي خبا ابنو على العيان
29-06-2015, 10:35 PM
http://montada.echoroukonline.com/sh...d.php?t=306185
نكملو الليلة مع حكاية السلطان لي خبا بنو على العيان ودار للناس شوشرة وخلاهم يدبرو مكيدة باه يخرج ليهم ويبان
راحت العجوز السّتوت لابسة لخضر في لخضر قاصدة قصر السلطان ومدايرة لروحها قيمة وشان طبطبت في الباب خرجو ليها الخدام قالولها اهلا ومرحبا وكان في هداك الزمان ما يلبس الاخضر غير العالم في الأديان حسبوها خونية – بمعنى عالمة دين – أيا رحبو بيها ودخلوها لبهو القصر وقالولها تفضلي تقعدي قالتهم اسمحولي انا متعودة قعداتي كامل مع العلماء وأهل الدين راحو قالوا للسلطان وكان يقدّر اهل العلم والدين قاللهم اكرموها وضيفوها احسن ضيفة وديوها قعدوها مع وليدي محمد وقولولها راهو عالم كبير بشهادة فلان وفلان، ايا يا سيدي ، داوها لقبة الزجاج تاع وليد السلطان وقعدوها معاه ، بقات تحكي معاه وتجس فيه حتى وصل وقت الغداء جابولهم الغداء فيه كل الخيرات والاشكال والألوان بصح المشكل أنو اللحم جابوه بلا عظم والتفاح مقشر خالص وحتى البنان والجوز واللوز مكسرين خالصين ما بقى فيهم حتى تعب ، قاللها وليد السلطان تفضلي تتغداي يا أمّا الخونية ، قالتلو لالا يا وليدي اسمحلي انا متعودة ناكل كل شيء بعظمو وقشورو، أيا هداك الشاب تعجب خاطر هو متعود من نهار عرف صلاحو وهو ياكل كل شي جاهز اللحم بلا عظم الفواكه مقشرة خالصة ، بصّح في خاطر الخونية قام وراح نادى على الخدم قاللهم اديو هادا الغداء كامل وجيبولنا واحد آخر فيه اللحم بالعظم والفواكه بالقشور والجوز واللوز تاني .
[SIGPIC]
[/SIGPIC]
[/SIGPIC]
